Éxodo 4:12 - Biblia Mixe de Quetzaltepec

¹² Paaty nëjkx tyam, ëjts mijts njämyëët'atäämpy, ko ënäty mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Biblia Dc en Mixe de Quetzaltepec

¹² Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:12 ပူးပေါင်းရင်းမြစ်များ

Salmos 105:26

Ënät yë Tios tkejxy yë tyuunpë Moisés ets Aarón, mëti'ipë ënäty të twin'ixyën,

Salmos 143:10

Tukni''ijxëkës wi'ixës mëpaat ntunyën mëti'ipë mijts myajkutujkpyën, jä'ä ko mijts nTios'ajtyp, yë mmëkajtën m'oyajtën yë'ëjës xytyu'uwinwoop xytyu'uwinwijtsp ma ja në'ë tu'ujën mëtëypyë.

Salmos 32:9

Këtii jëtu'un mja'ay'atëty ijxtëm yë mëkjëyujkën ëkë kwaayën, ka'apë jyä'äkyukëtën. Koonëm yë tejpxy yajtuk'ajäänë'ëky täänëm wya'ak'oyë, ko jeexyë tii kyayajtuk'apëkë ka'ap jeexyë niwi'ixtsow wya'ak'oyë.

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 4:13

Yë Moisés ni'ikyë y'ënaan'ëtë'ëtsy: Ay Wintsën, yë'ëjës yam n'amëtoopy yë mëyajtën ets wiinkpë xykyäxëty.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Éxodo 4:16

Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënäty mijts të xy'ënëëmën.

Isaías 49:2

Ets tyaj'awinpijty yë nyä'änës tä tëypyujxnën jëjpëpë, ojts xyu'utyës jap kyë'ëjootjoty, ojts xyaj'awinpityës tä ti'pxnën ets jap xyëkät pa'tkë'p xypyëjktäkyës.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Jeremias 1:9

Tää ja Wintsën xynyixajwo'tyës ets ja kyë'ë xytyuk'atijë'kyës etsës xy'ënëmaay:

Números 16:28

Tä ja Moisés tjaaknikäjpxy ets y'ënaan'ëtëtsy: Ya'atë mëët yajnijawëty ko Tios të xytyuk'ëne'emy ets ntunëtyës tëkokyë ya'atë ets ko ka'apës kë'ëmwinma'any tii ntuny.

Marcos 13:11

Ets këtii maytyëty mtajtëty ko ënäty myajtukwinkuwowëtë ja kutuunktëjk. Jëtu'un m'ëna'antëty wi'ix ënäty ja Kënu'kxymyëkajtën jää myaj'ayukpaatëtën, ka'ap nëjkx myiitsëty mkajpxtë, Kënu'kxymyëkajtën nëjkx myajkajpxëtë.

Lucas 11:1

Tëkok ja Jesús tmëpëjktsooy ja Tios. Ko tyajjëjpkuwatsëy, ënät ja y'ijxpëjkpë tu'uk y'ënëmaayë: Wintsën, tukni''ijxëtëkës yë Tios mëpëjktso'owën, ijxtëm ja Juan ja y'ijxpëjkpëtëjk tukni''ijxëyën.

Juan 14:26

e ja nikajpxtutpë, ja Kënu'kxymyëkajtën mëti'ipë ja Tios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Efesios 6:19

Tuknija'amyäjtsëtëkës ja Tios, ets ja Tios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Deuteronomio 18:18

Ëjts nyaj'itäämpy tu'uk yë käjpxynyajxpë tä mijtsën ma yë'ëjëtyën, mëti'ipë myëkunaax'ajt myëkukajpn'ajtëpën ets nëjkx tyukmëtowëtë mëti'ipës ënäty ëjts të ntuk'ëne'emyën tnikajpxëty ets tkajpxnajxta'ajëty ijxtëmës të ntuk'ëne'emyën.