Éxodo 39:2 - Biblia Mixe de Quetzaltepec

² Ko ojts yë kejky yä'äp y'oyë, pu'ts pujxn ojts tyuny, kanaak ja wit jo'oky tyuuny, tam tsu'unkpë, ukpyë, tsatptspë ets tam ja linë wit awiity.

Biblia Dc en Mixe de Quetzaltepec

² Ko ojts yë kejky yä'äp y'oyë, pu'ts pujxn ojts tyuny, kanaak ja wit jo'oky tyuuny, tam tsu'unkpë, ukpyë, tsatptspë ets tam ja linë wit awiity.

Éxodo 39:2 ပူးပေါင်းရင်းမြစ်များ

Levitico 8:7

Ënät ja Aarón ojts ja wyit yajtukxoxy tänë xuypyë ets yajpëjktäky ja wyëën, tääts yajtukxojxy ja nyijän, ënät nëkëjxy yajpëjktäky ja kejky yä'äp ets tya'tspëjky mëët ja nyiwëën.

Éxodo 25:7

näjyëtu'un yë oytsyaa ets oyjyätyëtypë yë tsaa mëti'ipë jam yajpëjkta'akëpën ma ja kejky yä'äp kyoja'anyën ets näjyëtu'un ma ja katsyjyänën, mëti'ipë ja teety wintsën yajtuumpyën.

Éxodo 25:4

ukywyit, tsu'unk wit, tsaptswit; linë wit, tsajppax ak,

Éxodo 39:3

Ojts tyaj'oyëtë may ja tsya'a, pu'ts pujxn mëët t'oytyuuntë, yë'ë tyuka'tstëëwtë yë pujxnkuwojpën ets tsujktaktë piityën; ojts tukjo'oktë ja wit tä'äky, ja tsu'unkpë, ukpyë, tsaptspë ets ja linë wit awiity.

Salmos 45:13

Ja yajkutujkpë ja nyëëx, janty'oy yaj'ixy, yë wyit yë'ë mëët y'oytyunyëty yë pu'ts pujxn.