Éxodo 38:24 - Biblia Mixe de Quetzaltepec

²⁴ Tëkokyë yë pu'ts pujxn mëti'ipë tuunën ma ënäty ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.

Biblia Dc en Mixe de Quetzaltepec

²⁴ Tëkokyë yë pu'ts pujxn mëti'ipë tuunën ma ënety ja tsajptëjk të kyojyën yë'ë tuun mëti'ipë ja'ay yajktën, tä tu'uk yë ayajk ako'onën ma Tiosën. Ko yajkijpxmujktaay, jä'ä ojts wyinë'aty taxtujk mëko'px ja tëkë'px mëkoxk tsim ets jä'ä ojts kyijpxën'aty mëti'ipë jap tuunpën ma tsajptëjkën.

Éxodo 38:24 ပူးပေါင်းရင်းမြစ်များ

Números 18:16

Jää nëjkx tjuuypyëtsimy ma ënäty të nyäxyën tu'kpo'o ma të myëxu'unk'atyën ets mëkoxk ja poop pujxn meeny tukukëpätëty mëti'ipë je'emtyën majktu'uk nikonë, yë'ë ja kyijpxën tunëp mëti'ipë jap ijtpën tsajptëkoty witnikojpyë.

Números 3:47

Jä'ä tyaktëty ja meeny mëkoxk mëti'ipë aak poop pujxnën ets jëtu'un nyäkyuyakëtëty nitu'ukjaty ja ja'ay, ja meeny jëtu'un nëjkx jye'emty'äty tä ja ja'ayëty jap tyaktën ma ja Tios ja wyittëjkën, majktu'uk nikonë jye'emty'atëty.

Levitico 27:25

Tëkokyë jënu'un winë yajtsowmo'oyën, jëtu'un mëpaat y'ixë'aty tä jap tsajptëkoty myinyën. Yë'ë myajtunëp yë siclë meeny mëti'ipë tsoowpatpën i'px geras.

Hageo 2:8

Ëjts yë poop pujxn ets pu'ts pujxn njä'ä'ajtyp.

Levitico 27:3

Yë naaxwiinyëtë ja'ay pën jä'ä yë jyëmëjt i'px ets tëkë'pxpaat, jä'ä xytyuknipëkëty ets nyäkyuyakëtëty wëxtyikxy majk ja meeny aak poop pujxn ets yë'ë kijpxën'atëp ja kijpxën mëti'ipë jap ijtpën tsajptëkoty.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Éxodo 35:22

Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënäty pyaat'atyën ja Wintsën yajmo'ojëty.

Éxodo 30:24

tëtujk tsim yë casië ets tëkëëk tsim jakujkmën yë olivë on, yë'ë kijpxën myajtunëp mëti'ipë jap ijtpën ma tsajptëjkën.

Éxodo 29:24

Pëjktakta'a ya'atë ma Aarón yë kyë'ëjën ets ma y'u'unk y'ëna'këtyën ets jëtu'un xytyukkë'ëwanëty ijxtëm tyuunk'atyën Wintsën wintum.

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.