Éxodo 37:9 - Biblia Mixe de Quetzaltepec

⁹ Tääts yajxon nyäy'a'ijxmukyë, nimäjtskëty aak winta'ak tyiiynyëtë, aakjam kyëx'ixtë ma ja kaaxë ja y'akë'ëjën ets ja kyäkn txajwa'kxtë jëtu'unts tni'äpkëtë.

Biblia Dc en Mixe de Quetzaltepec

⁹ Tääts yajxon nyäy'a'ijxmukyë, nimäjtskëty aak winta'ak tyiiynyëtë, aakjam kyëx'ixtë ma ja kaaxë ja y'akë'ëjën ets ja kyäkn txajwa'kxtë jëtu'unts tni'äpkëtë.

Éxodo 37:9 ပူးပေါင်းရင်းမြစ်များ

1 Pedro 1:12

Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Tios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Tios ja wyijy'ajtën kyejyajtën mëti'ipë kanaakjëjp nikëxë'kpën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Tios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Isaías 6:2

Jam pyë'am jamtëm näjyëtu'un yajpaatë ja Wintsën ja kyukäjpxy, kujkyë tyänëtë, tëtujk yë kyäkn, tëkëëk tu'kpa'ajaty: mäjtsk tuk'ëtuktë ja wyiin jyëjp, mäjtsk tuk'ëtuktë ja pyuuy ets mäjtsk tukääkjëtitë.

Éxodo 25:20

Jëtu'un nyäwyinku'ixëtëty, ja wyiin jyëjpy jam tyajkëx'ixtëty ma ja kaaxë'akë'ëjën ets ja kyäkn jä'ä tyuknijuuxtëp ja kaaxë'akë'ë.

Génesis 28:12

Ënät jam wyinkumaay: t'ijxy ko tu'uk ja teeny yaa naaxkëjxy tsyoony ets jyä'ty tsajpkëjxm ets Tios tsajpjotmëtë kyukäjpxy jëtu'un jyänty pyät jyänty jyënaktë.

Génesis 3:24

Ko ënäty tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Éxodo 37:8

Ja nyi'akë'ë mëët mäjtsk ja tsajpjotmëtë kukäjpxy mëti'ipë ojts jam kyëxkojyën, tu'ukyë mëët y'akojmujky, tu'uk jam jëjp'am ojts wyi'imy ets näjyëtu'un ja tu'uk.

Éxodo 37:10

Besalel ojts tu'uk yë kaaypyäjn t'oytyuny yë'ë ojts tyajtuny yë acacië kepy, jä'ä tyaj'ayeny'äjty mäjtsk kë'ënux ets tyajmëjwiin'ajty tu'kkë'ënux ets kyëjxmëty tu'kkë'ënux ja kujkm.

1 Reyes 6:27

Jam yë Salomón tpëjktäky, ma ja tëkotën mëti'ipë kënu'kxyën. Tyaapë ja nimäjtskpë ja kepy tsyetsy jëtu'unpë kyëxë'ëkyën ja'ayën käknmëët, tu'uk ijty yajxon ja tëkot timyajtuktuktë, tu'uk jam ja kyäkn tu'kpa'a tyimja'ty potsywinm ets näjyëtu'un ja tu'uk ets tu'uk pa'a ja kyäkn näjyëtu'un nyäwyinkuja'tëty.