Éxodo 36:2 - Biblia Mixe de Quetzaltepec

² Ënät ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënäty tukjatën winë oy tyaj'oyëtëtyën, mëti'ipë ja Tios të myo'ojëtën ja wijyajtën kujk'ajtën ets ixpëkyajtën; ma ënäty kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Biblia Dc en Mixe de Quetzaltepec

² Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Éxodo 36:2 ပူးပေါင်းရင်းမြစ်များ

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

Éxodo 31:6

Tëë mpëjktä'äkyës yë Oholiab, yë myaank yë Ahisamac, yë Dan yë y'u'unk y'ok ets yë'ë pyutëkëtëty, tëkokyë yë ijxpëkyjyä'äytyëjkëty tëëjës nmooytya'atë yë wijyajtën ets jëtu'un tjëkyäptëty t'oytyuntëty winë mëti'ipë yam të ntuk'ëne'emyën.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Tios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënäty të tmëpëktën.

1 Crónicas 29:5

Tu'kë'ëyë yë pu'ts pujxn ets poop pujxn tyam nyäkyës ets jam tyunëty maajaty winë yaj'oytyuna'anyën mëti'ipë pujxnën ets ma tu'kë'ëyë winë t'oytyuna'antën yë wijjyä'äyëty mëti'ipë nyija'awëtyëpën jëtu'unpë tuunk. E tyam, ¿jam pën jëtu'un ja jyot wyinma'any kë'ëm tpatpë ets wäänë näjyëtu'un tyakaanpë tiijë?

Éxodo 35:10

Tëkokyë miitsëty mëti'ipë mtukjajtëpën wi'ix tii oy xyaj'oyëtëtyën, mëpaat mintëty ets xytyuunk'atëty mëti'ipë Wintsën të tni'ënä'ämën.

Éxodo 35:2

Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Tios jää yaj'ëwtatëp. Pën jää tiituunk tyuunpy, kopkpëky ko y'ookëty.

Éxodo 28:3

Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

Éxodo 36:1

E paaty jëtu'un yë Besalel, yë Oholiab ets nitëkokyë yë ja'ayëty jënu'un ja wijyajtën tmëët'atën, wi'ix winë oy t'oytyuntëtyën; pënjaty ja Tios ja wijyajtën të myo'ojëtë ets t'oytyuntëty mëti'ipë jap tunaanpën ma ja tsajptëjkën, yë'ë ja tuunk yajtu'uye'eytyëp mëti'ipë yë Tios të tni'ënä'ämën.

Éxodo 36:3

Ënät ojts jä'ä ja Moisés myooytya'ajëtë ja ayajk ako'onën mëti'ipë ja Israel ja'ayëty të tmëmintën ets tyajtso'onta'aktëty ja tuunk ma ja tsajptëjk kyoja'anyën. E ja Israel ja'ayëty ni'ikyë tmëmiin'ëtë'ëtstë ja ayajk ako'onën winjëpom.

1 Crónicas 28:21

Tyaa nkë'ëmo'oy ya'atë, ma xynyijawëtyën wi'ix ja tuunk nitu'ukjaty tyuka'ajëtën jap ma Wintsën ja jyëën tyëjkën ja teetyëty ets ja Leví ja'ayëty; nëjkxëp ja mayjyä'äy ëpëky mputëjkëyëpë kë'ëmwinma'any, mëti'ipë ixpëkyëtyën ets wijyëtyën; ja kopktëjkëty, ja wintsëntëjkëty yë'ë yajpaatantëp xëmë jëjp'ixy ma ënäty ja mtuunk xyajtu'uye'eyën.

Éxodo 25:40

Jëtu'un xyajkojëty tä të ntuk'ixyën ja nyi''ijxpät jap kopkëjxy.