Éxodo 32:9 - Biblia Mixe de Quetzaltepec

⁹ Ënät yë Tios t'ënëmaay yë Moisés: Tëës tyam yajxon n'ixy ko tääpë ja'ayëty ka'ap ninu'un kyäjpxyjä'äykyukëtë.

Biblia Dc en Mixe de Quetzaltepec

⁹ Ënet yë Dios t'ënëmaay yë Moisés: Tëës tyam yajxon n'ixy ko tääpë ja'ayëty ka'ap ninu'un kyäjpxyjä'äykyukëtë.

Éxodo 32:9 ပူးပေါင်းရင်းမြစ်များ

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Tios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Isaías 48:4

Ëjts nija'apës ënäty wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Deuteronomio 9:13

Täätsës ojts näjyëtu'un xy'ënëëmë: Tëës nijawë ko ya'atë naax kajpn ninu'un kyakäjpxyjyä'äkyukëtë.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Éxodo 33:5

Jä'ä ko yë Tios tyaa ënäty yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

Éxodo 33:3

Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.

Deuteronomio 31:27

Jä'ä ko wa'atsës nijawë ko miitsëty je'eyë mkäjpxykyumëtoownaxtë, ninu'un mka'ëëwmëtow mkakäjpxymyëtowtë, maas tyam njaakjuuky'ätyën ma miitsëtyën tëë xykyäjpxy kumëtoownaxtës, ¿wi'ixjaty jëtää m'ëtë'ëtsa'antë koos ënäty të n'o'knë?

2 Crónicas 30:8

Këtii mëpaat jëtu'un mjatë mkëpätë; xajë'ëktë ja mkë'ëjëty ets ëwtatë ja'amyätstë ja mWintsënëty; yaj'oyëtë ja mjot mwinma'anyëty, mintë ma ja tsyajptëjkën, mëti'ipë të tkënu'kxyën winë xëëw. Mëtuntë ja Wintsën ets ka'ap mtukjoot'anpëkëtëty.

Deuteronomio 9:6

Yë'ë mnijawëtëp ko tääpë naaxwiinyëtë mëti'ipë tyam yë Wintsën mooyëtëpën ka'ap nyäkyumayëty mëti'ipë miits mpatëtëpën. Jä'ä ko miitsëty jä'ä të mnäpyëjkta'akëtë kujuun, ka'ap tsojk mkäjpxyjyä'äkyukëtë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Tios oy tmëtuuntë.

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

Deuteronomio 10:16

Pëjkta'aktë jap ma mjot mwinma'anyëtyën ja oy'aaw oy'ayuk, mëti'ipë mëët yë Wintsën të xyaj'apaatëtën ets këtii ni'ikyë m'ëk kujuun'o'knëtëty.

Oseas 6:10

Jam Israel, jamës të n'ixy wi'ix ja'ay ëxëëk y'ëtë'ëtstë y'ëna'antën: Yë Efraín jëtu'un yë'ë tä tu'uk yë to'oxytyëjkën mëti'ipë tyo'knëp yajknëp yë jyot nyini'kx, yë Israel tëë nyäyaj'ëxëëkëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Números 14:11

Ënät ja Wintsën t'ënëmaay ja Moisés: ¿Jëna'a t'ëxmatsa'antë yë y'ëxëëk winma'anyëty, ko ka'apës xymyëpëktë, oyës yë nmëjajtën njayaj'ixyë?

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

Nehemías 9:16

Je'eyëp koos ja n'apëty n'okëty amëj akëjxm ja ojts nyäyajnajxënëtë ets ja juun ja jyot wyinma'any tpëjktaktë, ja m'ënä'ämën mtëyajtën ka'ap ninu'un tmëjpëjktaktë.