Éxodo 32:8 - Biblia Mixe de Quetzaltepec

⁸ Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Biblia Dc en Mixe de Quetzaltepec

⁸ Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Éxodo 32:8 ပူးပေါင်းရင်းမြစ်များ

1 Reyes 12:28

Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

Éxodo 20:23

Nitii awinax xykyayajkojtëty, mëti'ipë oytyunyën mëët yë pu'ts pujxn, mëët yë poop pujxn ets xy'ëwtatëty ijxtëm jeexyë ëjts xy'ëwtatën.

Deuteronomio 9:16

E koos n'ijxy, ko miitsëty tëë ënäty ja Wintsën xymyëtëkoytyë ets tëë tu'uk xyajkojtë ja awinax, ma tu'uk ja tsajpkaa u'unk xyajnikojtutën. Ets jëtu'un'äämpy xy'ëxmajtsnëtë ja në'ë tu'u, mëti'ipë ënäty ja Wintsën të mtuk'ënä'ämëtën xypyanëjkxtëty.

Jueces 2:17

E ja Israel ja'ayëty ka'ap ojts tuntë këwentë ya'atë ja'ayëty mëti'ipë tsiptuuntën, je'eyëm ojts ja wiink tios tpanëjkxtëkëtë ets t'ëwtatë, t'ixtijtë jëtu'un mëti'ipë juuky Tiosën ets mëtëyën. Ja y'ap y'okëty oy ojts ja Wintsën oy tjamëtuntë, yë'ëjëty ka'ap ja y'ënä'ämën tyiyajtën ojts tuntë këwentë.

Éxodo 22:20

Pën myoopy yë wyintsë'kën yë wiink tios, jëtu'un tä jeexyë yi'iyë atu'uk yajmo'oyën yë Wintsën, yë jëtu'unpë ja'ay nän nitëjkëyëp y'ookëty.

Éxodo 32:4

ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënät ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Éxodo 34:15

Nitii käjpxytyu'unën mëët xykyamëët'atëty tääpë ja'ayëty jampë jyuuky'atën ma tampë itjotmën. Këtii xy'oytyijtëty yë wyintsën ets këtii xyjyë'kxtëty xypyëktëty yë jyi'kxyëty, mëti'ipë të tukwintsë'ëkëtën ets të tkë'ëmo'otën yë wiink tios mëti'ipë yë'ë y'ëwtajtëpën.

Levitico 17:7

Ets nijëna'a ka'ap xy'ëkmooynyëtëty ja wintsë'kën tääpë mëjku'u, mëti'ipë jeky të xy'ëwtatën ets mëti'ipë ëxëëk të myaj'ëtë'ëts të myaj'ëna'anëtën. Ya'atë ënä'ämën xëmëkyëjxm jëtu'un y'itëty ma miitsëtyën mëti'ipë itaanpën u'unk ok.

Deuteronomio 9:12

Ënätës xy'ënëmaay: Jënak poj'am jä'ä ko ja naax kajpn mëti'ipë të xyajpëtsëmyën jap Egiptë, tëë ja nyäyajtu'utëkoyëtë. Ka'ap ninu'un të jyeky ets të t'ëxmatstë, mëti'ipës të njatuk'ënä'ämtën tuntëty, tëë tu'uk tyajkojtë ja awinax, pujxn të tuk'oytyuntë.

Deuteronomio 32:17

Ko të tmo'otë yë wyintsë'kën yë mëjku'u mëti'ipë ka'ap tyiosëtyën ets ka'ap t'ixy'atë. Ja maywyintsën mëti'ipë tyijtëpën, ko jemy, mëti'ipë ka'ap nijëna'a ja y'aptëjk t'ixyajtën.

Salmos 78:36

E nëkoopë ja tyajmëtowëtë, jä'ä ko aak antaktëp ënäty je'eyë,

Josue 22:15

Tä ojts tyu'upëktë ets jam jyajtë Galaad ma ënäty jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

Jueces 8:24

Mëti'ipë tëy yam miits n'amëtowantëp yë'ë ets xymyo'otëtyës ja kë'ëjiits mëti'ipë ja mëtsip të xypyëjkëtën. Tääpë jëtu'unpë kë'ëjiits yë'ë ijty yajtuuntëp yë tsiptuunpëtëjkëty jampë yajpaatën ma ja it naaxwiinyëtën të'ëts'itjotmëpë.

Nehemías 9:18

Oy kë'ëm tjatimyajkojtë ja y'awinaxëty pujxnëpë y'oytyunyëtyën mëët, jëtu'unpë kyëxë'ëkyën tä tsajpkaajën ets y'ënantë ko yë'ë të yajpëtsëmëtë jap Egiptë ets aakjä'ä tyuuntë mëti'ipë yajjoot'anpëjkpën,

Salmos 106:19

Jam ma ja Horeb kopkën, jam ojts tu'uk yë awinax t'oytyuntë mëti'ipë këxë'kpën tä tsajpkaajën, yë'ë mëët y'oytyunyëty yë pu'ts pujxn ets t'ëwtajtë;

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.