Éxodo 32:32 - Biblia Mixe de Quetzaltepec

³² E tyam mijts mëj këjää nmënu'kxtä'äky ets xypyokymyä'kxëty, e pën kajts xypyokymyä'kxa'any, ni'ik oyës yë nxëëw xytyimjo'tsëty japë ma mnokyën këxja'ay y'ityën.

Biblia Dc en Mixe de Quetzaltepec

³² E tyam mijts mëj këjää nmënu'kxtä'äky ets xypyokymyä'kxëty, e pën kajts xypyokymyä'kxa'any, ni'ik oyës yë nxëëw xytyimjo'tsëty japë ma mnokyën këxja'ay y'ityën.

Éxodo 32:32 ပူးပေါင်းရင်းမြစ်များ

Salmos 69:28

Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Daniel 12:1

Ënät jam nyänyikëxë'ëkyë yë Miguel, tsajpjotmëtë kukäjpxy, mëti'ipë kyuwäänpyën yë mkajpn. Ëyo'on jotmay tunanëp, jëtu'un tyuna'anyë ëyo'on jotmay tä nikajëna'a jëtu'un yaj'ixynyëmën maju'unëm nyaaxkëtä'äkyën yë naax kajpn. Ko ënäty jëtu'unpë ja xëëw jëmëjt tukja'ty jäänëm nëjkx y'ëwaatsëpëtsëmtë tëkokyë ja ja'ayëty mëti'ipë mijts mkajpn'ajtypyën mëti'ipë miintëpën ja xyëëwëty kuja'ay jap nokyjoty.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.

Salmos 139:16

Yë mwiin wa'ats ojts t'ixy koos ja njot nini'kx nyämyäkxyë; tëkokyë ya'atë mëti'ipë tuunëpën jajtëpën jap myiinta'ay këxja'ay ma ja mnokyën. Tëë ënäty mijts xynya''awijtsnë jënu'unës njuuky'ata'anyën maanëmës ënäty ka'ap njuuky'ajt tsoonyëmën.

Salmos 56:8

Mijts mëtyoopy naak'okës nke'ekyën; ets jënu'unës nyä'äxyën, ¿Ti ka'ap jap këxja'ay xymyëëtëty mnokyjyotyë?

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënäty nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënäty të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Deuteronomio 25:19

E paaty n'ënëëmëtë, ko ënäty ja Wintsën tëë mputëkëtë ets ja mmëtsip tëë xyajkutëkooytya'atë, mëti'ipë winkon tsënaaytyëpën ma ja naax kamën mëti'ipë ja Wintsën mo'ojanëtëpën. Yë Amalec këtii xyjyä'äytyëkoytyëty, nëjkxëp xyajkutëkooytya'atë yë y'u'unk y'ëna'këty ets nyaax kyajpnëty.

Deuteronomio 9:14

Tyaa t'ixtëty nyajkutëkooytya'atëpës ënät yamëty ets tyim'atëkoytyëty yë xyëëwëty yaa naaxwiiny naaxkëjxy. E ma mijtsën nyajkojjäämpyës tu'uk yë mëj kajpn.

Números 14:19

E komë yajnija'ap, ko mijts mëj këjää mtsoky mjawë, paaty pokymyä'kx ya'atë naax kajpn. Mijts këjää yë mä'kxtujkën të xymyëët'aty mëët yë'ëjëty ixnu'un të myintë, të tyimtsoontë jap Egiptë ets të jya'të yaa.

Éxodo 32:10

E tyam ëxmajtskës atu'uk. Yajxonës yë joot'an të xytyuktëkë mëët yë'ëjëty, ëjts jëtu'unës yam n'ëna'any ko ntimyajkutëkoyantëpës yam. E mëët mijts nyajkojäämpyës tu'uk yë naax kajpn mëjpë këjääpë.

Lucas 23:34

Tääts ja Jesús y'ënäny: Tios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Amós 7:2

E ko ja mu'u ënäty tam tjë'kxta'ajanë ja ujts, ënätës të n'ëna'any: Wintsën, pokymyä'kxtëkës. Ëëtsëty, yë Jacob yë kyajpn, tsip etsës nmëmëta'aktëty ya'atë ëyo'on, jä'ä ko mutsk kajpn ëëtsëty.

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënät nëjkx xy'ijxpaatës ko ëjts Wintsënajtp.

Apocalipsis 22:19

Ets pën jää pën tpëjktuky mëti'ipë yap jaaypyetyën, näjyëtu'un ja Tios pyëjktuka'anxëty mëti'ipë ënäty ja paat'ajtëpën ets tjë'kxëty ja kepy tyëëm mëti'ipë yajjuuky'ajtpën ets ka'ap jam y'itëty ma ja kënu'kxypyë ja mëj kajpnën mëti'ipë yap nokyjoty të yajnimëtyä'äkyën.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Tios të tuny ja mëyajtën ko mxëëw jap kuja'ay y'ijnëtë tsajpjotm.

Números 11:15

Pën jëtu'un xyajtuna'anyës, ni'ikë tim yaj'o'kës pën xy'oyjya'apës. Jëtu'un ka'ap ëyo'on jotmay nyajnaxëtyës.

2 Samuel 18:33

Ënät ja yajkutujkpë ojts jyoot'amutskë ets pya'tëjkëy jap këjxy ma ja tëjkën mëti'ipë yajpatpën jap ma ja tëjk akajkopkën ets tyëjkëy jëëpyë yaxpë. Jëtu'un jap nyäxy tyëkë ets y'ënä'äny: Absalón, u'unk maay. Absalón, u'unk maay. Nikë oyës jeexyë ëjts të n'ooky ets ka'ap myijtsëty. U'unk maay, Absalón, u'unk maay.

Isaías 4:3

Ja ja'ayëty mëti'ipë ënäty juuky të jyaakwë'ëmtën jam Sión, mëti'ipë ka'ap të y'ooktën ma Jerusalén kajpnën, ets mëti'ipë ënäty jam jaaktsuxk'ajtëpën, jä'ä nëjkx yajtijtë Wintsën të yajtuknipëjktaakë.

Malaquías 3:16

Ja ja'ayëty mëti'ipë myëtuuntëpën yë Tios ojts oy myäytyë tyajtë ets ja Wintsën ojts tmëtoy mëti'ipë ënäty pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Tios twintsë'ëkëtëty.

Malaquías 3:17

Yë Wintsën mëti'ipë maaytyääyëpën winë, jëtu'un y'ënä'äny: Yë'ëjës yam ntuknipëjktakëp yë xëëw jëmëjt jëna'a yë'ëjëty jatëkok y'awinpitëty nnaax nkajpnës. Jëtu'un tä tu'uk yë u'unkteety u'unktaak tpa'ëyoyën yë y'u'unk myääy mëti'ipë mëmëtoowëpën, jëtu'unës mpa'ëyowa'antë yë'ëjëty.

Números 11:25

Ënät ja Tios ojts jatëkok jap kyëtä'äky yootsjoty ets mëët ja Moisés myëtyäky. Ojts tpëky wäänë ja mëk'ajtën oyajtën ma ja Moisésën ets tmooy jä'ä ja mëjja'aytyëjkëty ja nitëkë'px majkpë. Ko ojts ja mëk'ajtën oyajtën tyukja'tëtë ja mëjja'aytyëjkëty, ënät tyëjkëtyë mëtyakpë tä jeexyë kyäjpxynyajxpë'atën. Je'eyë jëtu'un ets ka'ap ojts ok y'ëkkajpxnëtë.