Éxodo 32:30 - Biblia Mixe de Quetzaltepec

³⁰ Ënät komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Tios jam yajpaatyën etsës nnijawëja'any pën n'ëkyajjotujkpyës yë Tios ets jeexyë myajpokmyä'kxtë.

Biblia Dc en Mixe de Quetzaltepec

³⁰ Ënet komjëpom ja Moisés t'ënëmaay ja mayjyä'äy. Miitsëty mëj këjää ja poky mëti'ipë të xytyuntën. E ëjts tyamtsës jatëkok nëjkxa'an ma ja kopkën ma Dios jam yajpaatyën etsës nnijawëja'any pën n'ëkyajjotujkpyës yë Dios ets jeexyë myajpokmyä'kxtë.

Éxodo 32:30 ပူးပေါင်းရင်းမြစ်များ

1 Samuel 12:20

Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

Números 25:13

Ëjts yam ënaanp, ko yë'ë ets y'u'unk y'ok nmoopyës yë tuunk ets tyeety'atëty xëmëkyëjxm. Jä'ä ko yë'ë tëë jëtu'unpë äkë tyajkëxë'ëky, tääjës ëjts nmëët'atyën ma Israel ja'ayëtyën.

Jonás 3:9

wä'änxyëp yë Tios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Tios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

2 Reyes 17:21

Ojts ja David ja kyutujkën yajpëjkë ma ja y'u'unk y'ëna'kën ets jä'ä nikajpxpäjtë ja Jeroboam yajkutukëty, yë Nadab, yë myaank, mëti'ipë yajpokytyunëtën.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënäty të njayajpoky jëtu'un tääjës tyam nmëtoyën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Números 16:47

Ënät ja Aarón jëtu'un tuuny tä ojts ja Moisés y'ënë'ëmxëtën. Pëyi'ikyë ojts nyijkxy ma ënäty ja ja'ay jam ni'ëmukë yajpaatën. Ja ëyo'on mëti'ipë ja Tios ënäty të tkexyën, tëë ënäty ëka'any nyatuuntëkooynyë ma ja kajpnën. Ënät ja Aarón ojts ja poom poj'am tjëënkupëky ets t'amëtooy ja Tios ja pokymyä'kxën ma ja naax kajpnën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Tios niwinpittëty ets nijawëtëty ja tëyajtën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Lucas 15:18

¿Tii koos nkanëjkxy maas ja nteety ja tyëjkën?, etsës nëëmëty: Tatë, tëëjës nmëtëkoy ja Tios ets mijts.

Lucas 7:47

Paaty mijts nnëëmë, ko yë to'oxytyëjk mëti'ipë ijty mëjpokymyëëtën, tëë yajkpokymye'kxy, jä'ä ko mëj ja tsojkën ja'awën tmëëtëty. Mëti'ipë wäänë yajkpokymyä'kxpën, wäänë ja tsojkën ja'awën tmëëtëty.

1 Samuel 2:17

E jëtu'unkyëjxm ja poky, mëti'ipë ya'atë ëna'ktëjk tyuuntëpën mëj këjää ënäty nyipäjnë jam Tios wintum, jä'ä ko yë'ë ënäty tyuk'ëyë'këtëp ja Wintsën ja wyintsë'kën.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Tios winpity atëjy ets mtso'oktëty. Tuunp ni'ik ko ja oyjyä'äy Tios tja'amyetsy.

2 Samuel 12:9

¿E mijts wi'ix ko ënät ja n'ayukës të xykyumëtoownaxy ets të xytyuny ja ka'apë tyuunëtyën? Mijts të xyaj'ooky yë Urías, ja Hit ja'ay, je'eyë të xytyukniwoy ja Amón ja'ayëty ets yë'ë tyaj'ooktëty ets të xypyëjkë ja tyo'oxytyëjk.

Éxodo 32:29

Ënät ja Moisés y'ënäny: Tyam jëtu'un miitsëty xy'ëxajëtë yë kutujkën mëti'ipë yë Tios tyam mooyëtëpën, mëët ko miitsëty ka'ap yë wyinma'anyëty të xymyëpëjkëtë ja mmaankëty ëkë ja mëkä'äxëty. Paaty jëtu'un miitsëty mëj këjää yë Tios mkënu'kxa'an mjëkyäpa'anëtë.

Salmos 99:6

Yë Moisés ets Aarón jam yajpaatë ma y'itën yë Tios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

1 Samuel 12:17

E tyam miitsëty wa'ats xy'ixtë xynyijawëtë ko ka'ap tyu'uy pyojy ma jeexyë ja tsajpmok yajni'ipyën ¿Këtiijë?. E tyamtsës yë Wintsën nmëkajpxa'any ets nmëpëjktsowa'anyës wä'än tyajtu'uy ets jëtu'un xynyijawëtëty ets xyjyä'äkyukëtëty, ko mëti'ipë të xytyuntën yë Wintsën ka'ap yë'ë të t'oyjyawë ko miitsëty xy'amëtoopëtë tu'uk yë yajkutujkpë.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.