Éxodo 32:26 - Biblia Mixe de Quetzaltepec

²⁶ tä ja Moisés ojts jam nyijkxy ma ja kajpn yajnitëkën ets y'ënäny: Pën yë Tios y'oyjya'ap, wä'än yaatsow tminy maas ëjtsën. Ja Leví ja'ayëty jä'ä ojts jam nyaxtë ma ja Moisesën.

Biblia Dc en Mixe de Quetzaltepec

²⁶ tä ja Moisés ojts jam nyijkxy ma ja kajpn yajnitëkën ets y'ënäny: Pën yë Dios y'oyjya'ap, wä'än yaatsow tminy maas ëjtsën. Ja Leví ja'ayëty jä'ä ojts jam nyaxtë ma ja Moisesën.

Éxodo 32:26 ပူးပေါင်းရင်းမြစ်များ

Mateo 12:30

Mëti'ipës ja'ay ka'ap xypyukajpxën xymyëtsip'ajtpës yë'ë; mëti'ipë ka'ap tii tpëjkmukyën mëët ëjts, jëtu'unyë winë tko'owtë.

2 Reyes 9:32

Tä ja Jehú jam yujk'ijxy ma ja tëjkwiinën ets y'ënäny: ¿Pën yajpaataanp ma ëjtsën? Ënät nimäjtsk nitëkëëk ja yajkutujkpë ja myëkutuunk y'ijxpëtsëëmtë,

Josue 5:13

Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

2 Samuel 20:11

Ënät tu'uk yë Joab yë tsyiptuunpë jam wya'ak'o'oyëy ma ja Amasá ënäty të kyëtäyën ets y'ënäny: Pën yë Joab myëjwa'kpejtypyën ets David, wä'än tpajämy yë Joab.

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënäty të myäyë wi'ix tyaj'ëmonëtyën,

Éxodo 32:27

Ënät ja Moisés ojts y'ënë'ëmxëtë: Jëtu'un y'ënä'äny yë Wintsën, mëti'ipë yë Israel ja'ayëty Tyios'ajtëpën: Kajpë'ëktë yë mpujxnëty nitu'ukjaty ets mnëjkxtëty jam ma ijtakn yajmëët'atyën ets mtëkëtëty winjëën wintëjk xyaj'ooktëty tu'ukjaty ja ja'ay ma ja ijtaknën, oy yë'ëjëty yë m'ajtyëty, m'utyëty, mjëëkyëty mëku'ukëty ëkë mëtëjkëty.

Deuteronomio 33:9

Mëti'ipë y'ënëmaayën ja tyeety tyaak miitsëty ka'ap n'ixy'atë, t'ënëmaay ja myëkä'äxtëjk miitsëty ka'ap nijawëtë mpënmës jëtu'unëty, ets t'ënëmaay ja y'u'unk y'ëna'këty: Nkatimnyija'awëtëp miitsëty mpënmës jëtu'unëty. E tii ko jëtu'un y'ëtëtstë, yë'ëkyëjxm ko ënäty jä'ä xëmë tmaytyë tajtë ja m'aaw m'ayuk, ets ko ënäty yi'iyë xëmë timtyuunk'atë ja käjpxytyu'unën mëti'ipë yë'ëjëty mëët të xytyunyën.

Salmos 94:16

¿Pënës xy'ëkniwaantu'utëp ma ëxëëkja'ayëtyën, ma ja tuuntëkoopyë kajpxtëkoopyëtyën?