Éxodo 32:20 - Biblia Mixe de Quetzaltepec

²⁰ Ënät ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënäty të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Biblia Dc en Mixe de Quetzaltepec

²⁰ Ënet ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënety të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Éxodo 32:20 ပူးပေါင်းရင်းမြစ်များ

Deuteronomio 9:21

Ënät ja tsajpkaa jam nkutijnaxyës mëti'ipë ënäty të xyajkojtën ets të myajpokytyunëtën; xit ko'ow ntuuntaayës etsës ojts nëëkuko'owta'ay ma ja nëëwokën mëti'ipë jam kopkëjxm tso'onpën.

Proverbios 14:14

Yë tsuuja'ay jotkujk nyäjyawëty ko tsyuujëty; e yë wijyjyä'äy yë'ë yajjotkujk'ajtëp ko wyijyëty.

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënäty ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Reyes 23:6

Ojts jam tyajpëtsëëmta'ay ma ja Jerusalén kajpnën ja Aserá y'awinax, mëti'ipë jap yajpatpën ma ja Wintsën ja tsyajptëjkën; jam tyajnitooy ma ja Cedrón wokën, kuyjaam tyaj'awinpijty ets ojts twëjwä'kxy ma ja o'kpë nyipätën.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

1 Reyes 15:13

Ojts ja nyanwelë tpëjkë ja kyutujkën, mëti'ipë xyëëwajtypyën Maacá, jä'ä ko yë'ë ënäty të tyajkutuky ets kyojëty ja y'awinax ja Aserá, Asá ojts tyajkutëkoy tääpë awinax, jam tnino'ky ma tu'uk wokjot txëëwatyën Cedrón.

2 Crónicas 34:4

Ojts yajijtë'ëky may ja Baal ja wyintsë'këntyakn yë'ë wyintuuy. Ojts näjyëtu'un tukjijtëtyä'äy ja poom ja nyiwintsë'këntyakn. Ojts tjijtë'kta'ay, ja Aserá y'awinax, ja awinax mëti'ipë mëët pujxn y'oytyunyëtyën; tääts tukwojpëtyääy ets naaxwayën tuuntaay ets ojts jam twëjtëy ma nyaaxtëjkëtyën ja teetytyëjkëty mëti'ipë ënäty të tmo'otën ja wyintsë'kën ja ka'apë tiosëtyën.