Éxodo 32:19 - Biblia Mixe de Quetzaltepec

¹⁹ Ko yë Moisés jam jyä'äjty ma Israel ja'ayëtyën, ënät t'ijxy ja awinax mëti'ipë ënäty të tyajkojtën, jëtu'unpë kyëxë'ëkyën tä tsajpkaajën ets ja mayjyä'äy tjantywyin'äts tjantywyimputë; yë Moisés yajxon jyänty joot'anpëjky ets tnajtsjëpijpëy ja tsaatsetsy, mëti'ipë aak tsaajën mäjtskëty ojts tukpu'ujëtyääy jam kopk'ëjxm.

Biblia Dc en Mixe de Quetzaltepec

¹⁹ Ko yë Moisés jam jyä'äjty ma Israel ja'ayëtyën, ënät t'ijxy ja awinax mëti'ipë ënety të tyajkojtën, jëtu'unpë kyëxë'ëkyën tä tsajpkaajën ets ja mayjyä'äy tjantywyin'äts tjantywyimputë; yë Moisés yajxon jyänty joot'anpëjky ets tnajtsjëpijpëy ja tsaatsetsy, mëti'ipë aak tsaajën mäjtskëty ojts tukpu'ujëtyääy jam kopk'ëjxm.

Éxodo 32:19 ပူးပေါင်းရင်းမြစ်များ

Efesios 4:26

Ko mjoot'anpëkëty, këtii mpokytyuntëty; këtii tu'kxëëwpaaty mjoot'anpëkëty.

Marcos 10:14

Ko ja Jesús jëtu'un t'ijxy, ënät jyoot'anpëjky ets y'ënäny: Ixmatstë yë pi'k ëna'k, wä'än xynyimintës, ka'ap xy'ëtuktëty, jä'ä ko yë'ë jëtu'unpë ja'ay nyäpyëjktä'äkyën tä pi'k ëna'kën yë'ë Tios tsyokpy ma kyutujktaknën.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Zacarías 11:14

Ënät ja mëmäjtskpë ja tajk ojts ntuktëjës, mëti'ipë xyëëwajtypyën Tu'ukmukyëajtën, jëtu'un ojts y'atëkoy ja näyjiiky'at näymyëku'uk'atë ma ja Israel ja'ayëtyën mëët ja Judá ja'ayëtyën.

Lamentaciones 5:15

Ka'ap yë xoontakën; y'ëkyajpatnë maas yë n'aaw njotëtyën; ja ety puty monyëtukyë të y'awinpijnë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.

2 Samuel 6:14

David yë'ë nätyukxojxë tu'uk yë nijän, linë wit, amëjaaw jyänty y'ejtsy jyänty pyujty mëët yë xoontakën.

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënät ja ja'ay y'ëtsowtëty: Oy, jëtu'un'atëp.

Números 12:3

Yaa naaxwiiny ni pën ënäty jëtu'un kyatëtä'äkyëty tä Moisésën.

Éxodo 32:11

Yë Moisés ojts tjayajxäämanë mëktä'äky ja Wyintsën Tios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 15:20

Ënät ja Maria käjpxynyajxpë, ja Aarón ja y'uty, tpëjkë'ky tu'uk yë xijtn ets ojts pyaye'eyi'ikyë ja maytyo'oxy'ëna'k, tääts tyëjkëtyë äjtspë, tjantyaj'ëna'antë ja pyo'ojëty.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Tios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

Éxodo 32:18

Tä ja Moisés y'ëtsooy: Tääpë xymyëtoyën xoontakën yowë, ka'ap yë'ëjëty ko myëta'aktë jam tsipjotm ets ka'ap yë'ëjëty ko të tyëkoytyë, ëjts wiinkxoontakënës yë nmëtoy.

Éxodo 34:1

Ënät yë Tios t'ënëmaay yë Moisés: Tsäts mijts kë'ëm yë tsaa, mäjtsk xy'oytyunëty, jëtu'un tä ojts mëjëyëjpë y'ityën etsës jam ja n'aaw n'ayuk xykyëxja'ajëty jatëkok, mëti'ipë ijty jam miinpën këxja'ay ma ja tsaatsetsyën mëti'ipë ojts xytyukpu'ujën.

Salmos 119:53

Ëxëëkës xyajjoot'anpëktë yë ëxëëkja'aytyëjk mëti'ipë jyëjpwa'ktutëpën yë m'ijxpëjkën.

Deuteronomio 10:2

Ëjts nkëxja'ajäämpy ja aaw ayuk ma tääpë tsaatsetsyën, jëtu'un tä y'ijtyën ja mëjëyëjpë mëti'ipë ojts mijts xytyukpu'ujën ets jap xypyëjkë'ëkëty ma ja kaaxën.