Éxodo 32:11 - Biblia Mixe de Quetzaltepec

¹¹ Yë Moisés ojts tjayajxäämanë mëktä'äky ja Wyintsën Tios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Biblia Dc en Mixe de Quetzaltepec

¹¹ Yë Moisés ojts tjayajxäämanë mëktä'äky ja Wyintsën Dios ja jyoot'an mëët ya'atë aaw ayuk: Wintsën, ¿wi'ix ko nëkooyë xytyimtukjoot'anpëky yë mnaax mkajpn, mëti'ipë mijts kë'ëm mju'tën jap Egiptë mëët yë mmëjajtën, mëti'ipë jap myaj'ijxën mëj këjää?

Éxodo 32:11 ပူးပေါင်းရင်းမြစ်များ

Salmos 106:23

Ojts yë Tios tjanikäjpxy ko ënäty yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Tios ja jyoot'an xye'emy, jëtu'un ojts ka'ap kyutëkooynyëtëpë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Números 16:22

E yë'ëjëty koxtänë kyëtaktë ets tmënu'kxtaktë ja Tios, t'ënëmaaytyë: Tios mijts mëti'ipë juukyajtën myäjkpyën ets xymyooytyä'äy yë ja'ay, ¿tii tëkokyë yë ja'ay xytyimtukjoot'anpëjkta'ay ets tu'uk je'eyë mëti'ipë pokytyuunpën?

Números 11:11

Ënät yë Moisés t'ënëmaay yë Tios: Wintsën. ¿Wi'ix ko ëxëëk xytyimtunyës pën mijts nmëtuumpy? ¿Tiijës xytyuk'ëxëëk'ijxp, ko ya'atë naax kajpn të xytyuknipëkyës etsës ntu'uwinwowëty?

Éxodo 32:7

Ënät ja Tios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Números 14:13

Ënät yë Moisés t'ëtsooy yë Wintsën: Mijts, mëët tu'uk yë mëk'ajtën të xyjyuuty ya'atë naax kajpn jap Egiptë. E ko yë Egiptë ja'ayëty nijawëtëty, mëti'ipë mijts mtunäämpyën.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.

1 Reyes 8:51

Jä'ä ko mkajpnën yë'ë, mëti'ipë ojts xyajpëtsëmyën jap Egiptë, ma ënäty yajpaatën jëënjoty yowë nyitoytyë.

Nehemías 1:10

Ëëtsëty, ëëts mijts xytyuunpë'ajtëpës ets näjyëtu'un ja mnaax mkajpn mëti'ipë ojts xyaj'ëwaatsëpëtsëmyën mëët ja mmëkajtën ets mkutujkën.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënäty yë'ëjëty jyuuky'atën; jä'ä ko tëëjës ënäty ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Génesis 18:27

Ënät yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 8:8

Ënät ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Números 21:7

Tä ja Moisés ojts ënätyë tninëjkxtë ets t'ënëmaaytyë: Poky ëëts të ntuntë, ko yë Tios ets mijts wiinkjaty myajnikäjpxy myajnimëtya'aktë. Paaty ënëëmë Tios wä'än tyajjëwä'äky yë tsa'any. Ënät yë Moisés ojts tmënu'kxtä'äky yë Tios ets tpokmyä'kxëty yë Israel ja'ayëty.

Números 27:4

E ka'ap yowë y'oy'atëty koos yë nteety yë xyëëw jëtu'unyë atëkoy y'itëty. Mëët yë'ë ko ka'ap y'ijty nitu'uk yë y'u'unk ye'etyëjkpë. Mooytyëk wäänë ëëts yë naaxëty maas yë nteety yë jyiiky myëku'uk tmëët'atën yë nyaax kyam.

Daniel 9:15

Wintsën Tios, mijts ojts xyaj'ixyë mëj'ajtën ko ojts jap Egiptë xyajpëtsëmtës, ma ojts mëj'äämpy nyäxyën yë mxëëw ets tyampaat; e ëëtsëty je'eyës nëë poky të nmëmay të nmëtajtë ets ëxëëk winë të ntuntës.