Éxodo 30:34 - Biblia Mixe de Quetzaltepec

³⁴ Ënät yë Tios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Biblia Dc en Mixe de Quetzaltepec

³⁴ Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

Éxodo 30:34 ပူးပေါင်းရင်းမြစ်များ

Éxodo 37:29

Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.

Levitico 2:15

Ma ja mnäyoxë xyaka'anyën, mpëjkta'akëp yë on ets poom nëkëjxy, jä'ä ko yë'ë ja ayajk ako'onën mëti'ipë aaypyajk ujts pajkën.

Éxodo 30:23

Ëxta'a mijts kë'ëm yë aay ujts mëti'ipë pa'akxu'kpën, tëtujk tsim mëti'ipë ni'ik pa'akxu'kpën, tëkëëk tsim yë canelë, tëkëëk tsim yë waxk mëti'ipë pa'akxu'kpën,

Éxodo 25:6

Näyjyëtu'un yë on mëti'ipë mëët tyunyën yë kutë'kxn ets nyi'on yë pa'akxu'kpë mëti'ipë winë mëët yajtukkënu'kxyën ets janty oypyë xyuuky jyokyën;

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënät tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Cantares 3:6

¿Pën ximpë myinyën të'ëts'itjotm ets jëtu'un yaj'ixy jokjoty yowë myiny, yë'ë yowë winjojkp yë on mëti'ipë pa'akxu'kpën ets jëtu'un jyoky tä yë poomën ets tä jyokyën ko yajno'oky yë on wä'än timy myëti'ipëty mëti'ipë pa'akxu'kpën?

Nehemías 13:5

ojts tëjkmo'oy jap mëjtëkoty ya'atë Tobías, jap ma ënäty ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Levitico 24:7

Ets näjyëtu'un xypyëjkta'akëty yë poom pa'apa'a, ma wyaatsën ja tsajpkääky ets yë'ë jokëp tä jeexyë yë Tios yajmo'oyën tu'uk yë ayajk ako'onën, mëti'ipë nino'okyën. Ets tja'amyätsëty ja nyaax kyajpn.

Levitico 5:11

E ko ja nyimeeny tkëpätëty ets jeexyë mäjtsk tjuy ja muuxy ëkë ja pak, jyëkyejpy yë'ë tmënëjkxëty mäjtsk tsimën yë tsajpmokway mëti'ipë jä'ä tyukunaxëpën ja nyëë pyoky. Ka'ap tjëkyepy t'onëty ets ni poom mëpaat tkapëjktä'äky, jä'ä ko ya'atë ayajk ako'onën yë'ë ënäty të yajtuknipëjktaakë ma nëë poky yajmä'kxëtyën.

Levitico 2:1

Ko pën yë Tios tuknimina'anëty yë aaypyajk ujtspajk, yë'ë mëpaat tmëminy yë oyëtypë tsajpmokway ets mëët tukmëpëkëty yë on ets poom.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënäty jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.

Éxodo 30:35

yë'ë mëët xy'oytyunëty yë poom mëti'ipë oyën ets wa'atspë, yajxon xyëpiinta'ajëty jëtu'un tä tu'uk yë pa'akxu'kpë oytyuunpë tyaj'oyën yë tsooy.

Éxodo 31:11

yë on mëti'ipë mëët winë yajkënu'kxyën ets ja poom mëti'ipë pa'akxu'kpën jap ma tsajptëjkën, yë'ë nëjkx tuunk'atë jëtu'un tä yam të ntuk'ëne'emyën.

Éxodo 35:15

ja poom ja nyiwintsë'këntyakn, mëët näjyëtu'un ja nyikepy mëti'ipë yajtukëëyë'ëkëpën, ja on mëti'ipë yajtukkënu'kxpën, ja poom mëti'ipë oy pa'akxu'kpën, ja wit mëti'ipë yajtuk'atëëytyukëpën ja tsajptëjk ma yajnitëkën,

Levitico 16:12

Tääts tyaj'utsëty jyëëntsijtkëty mëët yë jëënpajk mëti'ipë nyëpëkëpën ma wintsë'këntyaknën mëti'ipë yajpatpën Wintsën wyintum ets mäjtsk wookyën yë poom mëti'ipë oy pa'akxu'kpën ets ënät tmënëjkxëty jap ma ja wit'atëëytyukën jëxkë'ptsow ma ja kaaxë yajpaatyën.

Números 4:16

Yë Eleazar, yë myaank yë Aarón, yë'ë nëjkx tkëwentëpëky ja kutë'kxn ja nyi'on, ja poom mëti'ipë pa'kxu'kpën, ja aaypyajk ujtspajk mëti'ipës xymyo'otëpën ets ja on mëti'ipë winë mëët yajkënu'kxyën. Yë'ë nëjkx näjyëtu'un t'ixy tuny ja Tios ja wyittëjk ets näjyëtu'un jënu'un jap winëjaty yajpaatyën mëti'ipë ëmaayëtyën.

Isaías 43:23

Ka'apës ojts xytyukwintsë'ëkë ja kupixyny ooky winno'okpyë winxämpyë ets ka'apës nitii wintsë'kën xymyooy. Ëjts ka'apës nja'ënu'kxëy ko n'amëtooy ja wintsë'kën, ets ka'apës wi'ix nja'awëy ko n'amëtooy ja poom jok.

Éxodo 30:7

Xëmë winjopy yë Aarón tpëjkta'akëty yë poom ets yë'ë jap pa'akxuukëp, jää xëëw tpëjkta'akëty ma ja kutë'kxn tyaj'oyëtën.

Números 7:14

ëpëky ojts tyajkpë tu'uk yë mëj jä'pn aak pu'ts pujxn, mëti'ipë je'emtyën mëko'px ja majk nikonë. Ujts tyäjky mëët yë poom,