Éxodo 30:1 - Biblia Mixe de Quetzaltepec

¹ Oytyun tu'uk yë wintsë'këntyakn, yë'ë myajtunëp yë acacië kepy ets jam tyoyëty yë poom.

Biblia Dc en Mixe de Quetzaltepec

¹ Oytyun tu'uk yë wintsë'këntyakn, yë'ë myajtunëp yë acacië kepy ets jam tyoyëty yë poom.

Éxodo 30:1 ပူးပေါင်းရင်းမြစ်များ

Apocalipsis 8:3

Ënät ja wiinkpë ja tsajpjotmëtë kukäjpxy ok jyaak miiny, yë'ë myëët'ajtyp yë jëën xijn, aak pu'ts pujxnpë, ets jam wya'ak o'oyëy ma ja wintsë'këntyaknën; ets yajmooy may ja poom ets jam wyintsë'kën'atëty ma ja wintsë'këntyaknën aak pu'ts pujxnpë, jam winkon ma jam Tios'ëwtatën ja naax kajpn tëëpë oy jyuuky'atën.

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.

Éxodo 40:5

Pëjkta'ak näjyëtu'un ja poom ja wyintsë'këntyakn, pu'ts pujxn myajtunëp, winkon xypyëjkta'akëty mëët ja kaaxë mëti'ipë ja käjpxytyu'unën myë'ijtypyën ets xykyëxtëyëty ja wit'atëëytyuk ma yajnitëkën yë Tios yë jyëën tyëjk.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

1 Reyes 6:20

Ja tëkoty mëti'ipë yajtijpën kënu'kxy, jä'ä ënäty y'ayenyëty mëkoxk xajpk, mëkoxk xajpk yë y'ok ets mëkoxk xajpk kyëjxmëty. Jam wyintuuytsyow ma ja tëkot ja kënu'kxypyën, ojts yë Salomón tu'uk tyaj'oyë yë wintsë'këntyakn, ajë kepy yajtuun, ets ojts tuknikoy pu'ts pujxn.

Levitico 4:18

Ets wäänë tukuutsëty ja wintsë'këntyakn ja nyiwaj, mëti'ipë jamën Tios wintum ma ja wit tëjkën ma ja näpyaatë y'ityën. E ja ne'pny mëti'ipë natëjkëpën nëjkxëp txijkxjëtity jap tëkotsyow ma ja jëyujk yajnino'oktën ma ja näpyaatë y'ityën.

Éxodo 30:10

Ya'atë wintsë'këntyakn wa'ats mëpaat y'ity mëti'ipë yë Tios yë'ë të yajtuknipëjktaakën, winjëmëjt yë Aarón tukuutsëty yë kupixyny nye'pny, mëti'ipë yajyajkpën ma ja nëë poky yajtukunaxyën, winjëmëjt xykyë'ëyaktëty tu'uk yë wintsë'kën mëti'ipë mnatyukunaxëtëpën mëëtkyëjxm ja mpokyëty ets jëtu'un myajpokywyinmä'kxtëty.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Tios ja kyäjpxytyu'unën.

Éxodo 30:2

Taxktatsk xy'oytyunëty, tu'kkë'ënux xyaj'ayeny'atëty ets xyajmëjjwiin'atëty tu'kkë'ënux ets xyajkëjxm'atëty mäjtsk kë'ënux, ja nyiwaj tu'ukyë mëët nyämyatsëtëty ja wintsë'këntyakn.

Éxodo 35:15

ja poom ja nyiwintsë'këntyakn, mëët näjyëtu'un ja nyikepy mëti'ipë yajtukëëyë'ëkëpën, ja on mëti'ipë yajtukkënu'kxpën, ja poom mëti'ipë oy pa'akxu'kpën, ja wit mëti'ipë yajtuk'atëëytyukëpën ja tsajptëjk ma yajnitëkën,

Números 3:31

Ya'atë ja'ayëty jënu'un tyu'kukajpn'atën, yë'ë ojts yajtuknipëktë ets tkëwent'atëty ja kaaxë mëti'ipë myë'ijtypyën ja käjpxytyu'unën ets ja kaaypyäjn ets ja mëj jëëntooytyakn, ja wintsë'këntyakn, ja apëjk atu'unënëty mëti'ipë tuunpën ko ja Tios ja wyintsë'kën yajmo'oy, ja wit'atëëytyuk ets tëkokyë winë mëti'ipë yajtuuntëpën ja teetytyëjkëty.

1 Reyes 6:22

Jëtu'un wyë'ëmtaay ja tsajptëjk ja nyi'kx aak pu'ts pujxn nyikoyëty, näjyëtu'un tä ja wintsë'këntyaknën mëti'ipë jap ijtpën ma ëmaaytyëkotën wa'atspë.

1 Reyes 7:48

Ojts ja Salomón näjyëtu'un tni'ënä'ämë ets tyaj'oyëtëty tëkokyë ja apëjk atu'unën mëti'ipë ënäty japën tsajptëkoty: Ja wintsë'këntyakn mëti'ipë oytyunyën mëët ja pu'ts pujxn ets ja pëjkënpäjn mëti'ipë oytyunyëty mëët ja pu'ts pujxnën, ma ja tsajpkääky yajpëjktä'äkyën mëti'ipë Wintsën yajtukmëyojxpën,

1 Crónicas 6:49

Aarón mëët ja y'u'unk y'ok, yë'ë ijty tyimtuunk'ajtëp kyë'ëwtë xyo'oxtë ma ja wintsë'këntyaknën ma ja wintsë'kën yajyäkyën nino'okpyë ets ma ja wintsë'këntyaknën ma ja poom tyoyën. Yë'ë ijty näjyëtu'un tyim ijx'ijtëp ja amaaypyë ja tëkot ets yë'ë t'amëtow tpëjktsowtë ja pokywyinmä'kxën ma Wintsënën mëët ko ja Israel ja'ayëty pyoky jyä'äy'atë, tuntë tëkokyë winë tä ënäty ja Moisés të tni'ënä'ämën, mëti'ipë ja Tios tuunpë'ajtëpën.

1 Crónicas 28:18

Ojts oyëtypë pu'ts pujxn tkë'ëmo'oy mëti'ipë tyuk'oytyunëpën ja poom ja wyintsë'këntyakn, ojts näjyëtu'un tmo'oy mëti'ipë ja pujxnwintëkäämpë tyuk'oytyunëpën ma yajtsëëmye'eyëtyën ja kaaxë ma jam këxkojy y'itën ja tsajpjotmëtë kukäjpxy mëti'ipë ja kyäkn tyuknikëëytyëpën ja kaaxë.

Ezequiel 41:22

jam tu'uk ja wintsë'këntyakn mëti'ipë oytyunyën mëët ja kepy, mäjtsk kë'ënux myëjwiinëty pa'apa'a jä'ä kyëjxmëty tu'kxajpk, myëët'ajtyp ja y'ëjx ets ja pya'a, kepy mëët y'oytyunyëty. Ënätës ja ye'etyëjk xy'ënëmaay. Ya'atë wintsë'këntyakn mëti'ipë jam ijtpën Wintsën wintuuy.

Éxodo 31:8

ja kaaypyäjn mëët tëkokyë mëti'ipë mëët tyunyën, ja jëëntooytyakn mëti'ipë wa'ats pu'ts pujxn ets mëët tëkokyë mëti'ipë mëët tyunyën, ja poom ja wintsë'këntyakn.

Éxodo 39:38

ja pu'ts pujxn wintsë'këntyakn, ja on mëti'ipë yajtukkënu'kxpën, ja poom mëti'ipë pa'akxu'kpën; ja wit'atëëytyuk mëti'ipë yajtuk'atëëytyujkpën ja tyëjkëtyakn ja wit tëjk ma ja näpyaatë y'ityën;

Números 4:11

E ma ja wintsë'këntyaknën mëti'ipë pu'ts pujxn mëët y'oytyunyëtyën, yë'ë nëjkx tukniyä'äptë tu'uk yë ukywyit. Nëjkxëp xytyukwinpitë ëpëky yë po'o'ak mëti'ipë pëjyën ets xypyëjkta'aktëty yë nyikepy, mëti'ipë muum yajtukëëynyëjkxëpën.