Éxodo 3:7 - Biblia Mixe de Quetzaltepec

⁷ e ja Tios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Biblia Dc en Mixe de Quetzaltepec

⁷ e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Éxodo 3:7 ပူးပေါင်းရင်းမြစ်များ

Salmos 145:19

Yë'ë kyuuytyuunpy ets yaj'atëëpy yë tsyojkën ma ja'ayën mëti'ipë mëjja'aw jaanty ja'awëyëpën. Ko y'amëtoyë yë putëjk pupäjtën, yë'ë ënätyë tmëtoy ets tyajtso'oky.

Salmos 106:44

e ko ja Tios t'ijxy ko o'ktëy jyajnëtë ets jyiiynyëtë yaxnëtë,

Salmos 34:6

Tëë ya'atë ëyoopëja'ay yujkyä'äxy ets Wintsën të tmëtoy, tääts të yajjotkujktä'äkyë ma ënäty jë'ë ya'ax yajpaatyën.

Nehemías 9:9

Mijts wa'ats xy'ijxy xynyija'awëy wi'ix ënäty jap Egiptë y'ëyowtën ëëts ja n'ap n'okëty ets mnija'awëy näjyëtu'un ko jyiiytyë yaxtë jam nëë'ëkë'ëm ma yajtijyën Tsapts nëëpë'am.

Éxodo 22:23

Jä'ä ko pën jamëtën ëxaty xytyuny ets t'amëtow tpëjktsowtëty ja putëjk pupäjtën maas ëjtsën, ëjts ninëjkxäämpyës yë'ëjëty etsës mputëkëja'antë.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Salmos 34:4

Ëjts, Wintsënës të n'apëky, e tëës xy'ëtsoy, yë'ëjës të xytyukniwa'atsy ja tsë'kën ja'awën.

Éxodo 1:11

Ënät ojts ja Egiptë ja'ayëty tpëjkta'aktë ja tuunpëwintsën mëti'ipë nyi'ënä'ämëtëpën mëktä'äky ja tuunk ma ja Israel ja'ayëtyën ma jam ja tuunk tyajtu'uye'eytyën. Ojts atsip tyukojëtë mäjtsk ja kajpn mëti'ipë txëëwajtëpën Pitón ets Ramsés, jam ijty tii winë tpëjkë'ëky ja mëj'ënä'ämpë mëti'ipë jap yajkutujkpën Egiptë.

Génesis 29:32

Ënät ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Salmos 22:24

Jä'ä ko yë'ë ka'ap tii jëtu'unyë tna'ixy ets ka'ap jëtu'unyë tyajninaxy ko ëyoopëja'ay ëxëëk jyäty kyëpety, ka'ap je'eyë nyäyu'tsënë. Yë'ë myëtoopy ko y'amëtoyë näypyutëkë.

1 Samuel 9:16

Jëpom ntuknikäxa'any tu'uk yë ja'ay, jam tsyoony ma Benjamín yë y'itjotmën, mëti'ipë mkënu'kxëpën ets yë'ë y'ënä'ämëty maas yë nnaax nkajpnën, yë Israel kajpn. Yë'ë nëjkx tyaj'ëwaatsëpëtsëmy yë Israel kajpn ma ëxëëk jyatën kyëpätën, mëët yë filistejë ja'ayëty, jä'ä ko npa'ëyoowtëpës ko ka'ap jyotkujk'atë.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Salmos 142:3

koos nyajpaaty jë'ë ya'ax, Wintsën, mijts wa'ats xynyijawë yë nnë'ë ntu'ujës. Ma ja në'ë tu'u mëti'ipës npanëjkxypyën, jam të tpëjkta'aktë tu'uk yë o'ktakn yu'utsypë.

Génesis 18:21

Tyam yë'ëjës ninëjkxyp etsës n'ixa'any pën yë pyokyëty mëj oynyë jëtu'un ijxtëmës të nyaj'ënëëmëtën jëtu'un'äämpyës nijawëty yajxon.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.

Génesis 16:11

Mijts u'unk maay mnëkëjxm'ajtyp, ko myinëty jya'tëty naaxwiiny jä'ä xyëëwmo'ojëty Ismael, jä'ä ko Tios tëë tmëtoow'ity yë mjë'ëyën myaxën.

Génesis 21:17

Tios ënätyë ojts tmëtoy ko ja Agar ja y'u'unk jyi'iy yä'äxy. Ënät tu'uk ja tsajpjotmëtë kukäjpxy ojts kyäjpxy tsajpjotm, yë Agar yajmëkajpx ets yaj'ënëmaay: ¿Tii mjajtëp Agar? Këtii mtsë'ëkë mjawë, Tios të tmëtoy ja jyi'iyën yaxën yë m'u'unk maay.

Génesis 31:12

Ënät xy'ënëmaayës: yajxon xy'ixëty ets m'ixëp ko ja yä'äypyë tsajppax ets kupixyny nyämyukëtëty mëët ja to'oxypyë mëti'ipë jaamëtyën, tsixëtyën ets moxkeetsyëtyën, jä'ä ko wa'atsës n'ixy wi'ix yë Labán mtunyën.

Génesis 31:42

Ko jeexyë ja Tios xykyani''ijxkëtä'äkyës mëti'ipë yë Abraham y'ëwtajtën, ja Tios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Tios yë'ë të t'ixy, ko ënäty ëjts mon tuk nyajpaaty ets koos ënäty mëk ntuny n'ëyoy, paaty ya'atë tsu'um të mëkmëkäpxyë.

Éxodo 5:6

Jä'ä xëëw ojts ja mëj'ënä'ämpë t'ënä'ämta'ay ja ja'ayëty mëti'ipë ja tuunk nyiwintsën'ajtëpën maajaty ja ja'ay tyuntën ets t'ënëmaay:

Éxodo 5:10

Ënät ojts jam tsyo'onëtë ja ja'ayëty mëti'ipë ja tuunk nyiwintsën'ajtëpën ets myiintë ma ënäty jam ja mayjyä'äyëtyën ets t'ënëmaaytyë: Yë mëj'ënä'ämpë jëtu'un y'ënä'äny, ko ka'apëk m'ëk yajmooynyëtëty yë mëëy.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Números 20:16

Ënät ojts n'amëtowtës yë Wintsën yë putëjk pupäjtën. Tääts tkejxy tu'uk yë Wintsën kyukäjpxy mëti'ipës xyajpëtsëëmtën jap Egiptë. E tyam, yam ëëts nyajpaatë ma ja it naaxwiinyëtë txëëwatyën Cadés, winkon ma mtsëpa'an nyaxtën.

2 Samuel 22:28

Myajnitsokpy yë ja'ay mëti'ipë yu'unk naxym ja'ay'ajtpën, e ja mëti'ipë mëj këjxm näjya'awëyëpën ni'ikyë xyaj'ëyoowtëkë.

2 Reyes 13:4

Tä ja Joacaz jyiiytyäky nyu'kxtäky ma ja Wintsënën, e ja Wintsën ojts tmëtoy ya'atë ja jëëytyak nu'kxtakën, jä'ä ko tëë ënäty kë'ëm t'ixy wi'ix ja sirië tyajmon tyajtuktën ja Israel ja'ayëty.

Salmos 35:22

Mijts Wintsën wa'ats xynyijawë. Këtii jëtu'unyë amonyë mwë'ëmy. Këtiis ni'ikyë xymyëjëkämke'eky.

Éxodo 1:8

Komjeky ojts wiinkpë tyëkë yë mëj'ënä'ämpë, mëti'ipë ënäty ka'ap të t'ixy'ätyën yë José, ënät ja nyaax kyajpn t'ënëmaay:

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

Salmos 12:6

Mëti'ipë yë Wintsën wyinwa'anëpën wa'ats yë'ë; jëtu'un yë tyi'kxy tä yë poop pujxnën ni'ik wa'atspë mëti'ipë të wyintooywyä'ätsyën wëxtujk'ok jëënjoty.