Éxodo 3:5 - Biblia Mixe de Quetzaltepec

⁵ Ënät ojts ja Tios y'ënë'ëmxëty: Këtii nëkooyë mwinkony, jän yë mkë'ëk, jä'ä ko yë naax tääpë xytyukteenyën kënu'kxy yë'ë.

Biblia Dc en Mixe de Quetzaltepec

⁵ Ënet ojts ja Dios y'ënë'ëmxëty: Këtii nëkooyë mwinkony, jän yë mkë'ëk, jä'ä ko yë naax tääpë xytyukteenyën kënu'kxy yë'ë.

Éxodo 3:5 ပူးပေါင်းရင်းမြစ်များ

Éxodo 19:12

Pëjkta'ak yë tsëpa'an jam na'ëwtityë ma kopk ëjxën këtiipë ja'ay nëkoo nyaxtëty ets xy'ënëëmëtëty ko këtii nëkooyë jam pyätëty ets ka'ap winkon myintëty, jä'ä ko pën nëkooyë wyinkontë tsojk y'ooktëty.

Éxodo 19:21

ets ja Tios y'ënëmaayë: Jënak tyam ets xy'ënëëmëty yë naax kajpn, ko këtii tninaxtëty ja tsëpa'an ets xy'ixa'antëtyës, këtiipë nimay y'ëk'o'knëtëty.

Éxodo 4:28

Ënät yë Moisés tukmëmëtyaktaay yë Aarón tëkokyë mëti'ipë ënäty yë Tios të tyuk'ëne'emyën tnimëtya'akëty ets ko ënäty të y'ëne'emyë ja Tios ets kanaak ja mëj'ajtën tyaj'ixëtëty.

Eclesiastés 5:1

Ko mnëjkxëty tsajptëkoty mkëwent'atëp yë mjot mwinma'any; mijts këtii yë'ë xymyëmay xymyëtajëty jëna'a yë mwintsë'kën xyaka'any jëtu'un tsuuja'aytyëjkën, yë'ëmës mëmay mëtaj wi'ix xymyëmëtowëtyën yë Wintsën.

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

Hechos 7:33

Ënät ja Wintsën y'ënëmaayë: Jän yë mkë'ëk, wa'ats ya'atë naax ma mtänën.

Deuteronomio 23:14

Jä'ä ko yë Wintsën najxp tëjkëp ma miitsëtyën ets ma m'itën, yë'ë mkëwent'ajtëtëp ets yë'ë myajmëtakëtëp ma mëtsiptëjkëtyën, paaty wa'ats mëpaat yë it naaxwiinyëtë xyaj'itë, këtiipë twiink'ixëty, jä'ä ko tii oy tka'ixëty tsojk jam jyëwa'akëty.

Hebreos 12:20

jä'ä ko ka'ap tmëtënaaytyë ja ënä'ämën, mëti'ipë ënaanpën: Pën najtswa'këp ma ja kopkën, kopkpëky ko y'ookëty kuka'atsy, ëkë mëët ja ku'umën, oy yë'ëjëty yë jëyujk.

Josue 5:15

Ënät ja Tios ja kyukäjpxy nyiwintsën, y'ëtsooy: Jän yë mkë'ëk, jä'ä ko tääpë it naaxwiinyëtë mëti'ipë mtukte'empyën ëmaay yë'ë. Ënät ja Josué ojts tjantyjyeny ja kyë'ëk.

2 Pedro 1:18

Ojts kë'ëm nmëto'owëmë ja ayuk mëti'ipë tso'onpën tsajpjotm, tam ënäty nyajpatëmë mëët ja Wintsën ma ja kënu'kxykyopkën.