Éxodo 3:4 - Biblia Mixe de Quetzaltepec

⁴ Ko ja Tios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Biblia Dc en Mixe de Quetzaltepec

⁴ Ko ja Dios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Éxodo 3:4 ပူးပေါင်းရင်းမြစ်များ

Génesis 22:1

Tëkok yë Tios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

Génesis 28:16

Ko ja Jacob ojts myä'äywyijy ënät ojts myäy tyäjy: Tëytyëm jëtu'un ko Tios yajpaaty ma ya'atë itjotmën. Ëjts ka'apës ënäty nijawë.

Génesis 46:2

Jä'ä koots ojts yë Jacob myëkäjpxyë yë Tios kuma'ayjoty, yë xyëëw tukmëkajpxë, tä y'ëtsooy: Tsyajës jä'ä.

Salmos 62:11

Ka'apës tyëkokpajkëty je'eyë të nmëtoy, ko yë Tios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Éxodo 19:3

Ënät jam ja Moisés pyejty kopkkëjxm ets jam nyäpyaata'anyë mëët ja Tios, jä'ä ko Tios ojts jam kë'ëm myëkäjpxyë kopkkëjxm ets y'ënëmaayë: Tukmëtow ya'atë aaw ayuk yë Jacob yë y'u'unk y'ëna'k, yë Israel ja'ayëty:

Éxodo 3:2

Jam ojts yë Tios yë kyukäjpxy nyänyikëxë'ëkyë tä tu'uk yë jëënën, jëtu'un yaj'ixy toopy yowë jam ma zarsa kepyën. Ënät yë Moisés yajxon tja'ijxwa'atsany ja jëën mëti'ipë jam yä'ämpën kepykyëjxm, e ja zarsa kepy ka'ap tii jyätyë ets ka'ap tyoy.

Éxodo 33:12

Ënät yë Moisés t'ënëmaay yë Tios: Ëk'ix Tios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Éxodo 4:5

Ya'atë yë'ë jëtu'un ets tmëpëktëty, ko yë Tios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Levitico 1:1

Ënät yë Tios ojts tmëkäjpxy yë Moisés jap ma ja wit tëjkën ma ja näpyaatë y'ityën ets t'ënëmaay:

Hechos 10:13

Ënät tmëtooy tu'uk ja ayuk mëti'ipë ënaanpën: Pëtë'ëk, Pedro, yaj'ook ets xytsyu'utsëty.

Hechos 10:3

Jënäkyxyëëw ënäty, ko ojts t'a'ijxnaxy tu'uk ja Tios ja y'anklës myëwinkonyë ets y'ënëmaayë: Cornelio.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Deuteronomio 33:16

ujts nëjkx yajpaaty ja nyaax kyam mëët oyëtypë jë'kxy pëky. Yë Tios mëti'ipë ojts nyänyikëxë'ëkyën ma zarsa aatsën mëj nëjkx nyi''ijxkëtä'äkyë. Tëkokyë ya'atë të yajnikäjpxyën, yë'ë jam'ataanp ma Joséjën, mëti'ipë ojts yajwin'ixyën ma jyiiky myëku'ukën.

1 Samuel 3:10

Ënät jatëkok ja Wintsën myiiny ets ojts tmëkäjpxy ja Samuel. Samuel, Samuel. Kajpx, Wintsën, tyamës nmëtoow'ity. Jëtu'un y'ëtsooy yë Samuel.

1 Samuel 3:4

Ënät ojts myëkäjpxyë ja Wintsën: Samuel. Tyaajës, jëtu'un y'ëtsooy.

1 Samuel 3:6

E ja Wintsën ojts jatëkok tmëkäjpxy ja Samuel: Samuel. Yë Samuel pëyi'ikyë jatëkok pyëti'ky ets ojts nyijkxy ma ja Eli myä'äyën, tä t'ënëmaay: Tyaajës wintsën ¿Tiijës ko xymyëkäjpxy. U'unk, ka'ap pën mëkäjpxyë, jëtu'un y'ëtsooy ja Eli, nëjkx ma mmaataknën.

1 Samuel 3:8

Ënät ja Wintsën ojts jatëkok tmëkajpxkojnëpë ja Samuel, jä'ä ja mëtëkëëk'okpë. Ënät pyëti'ky ënätyë ets ojts jap nyijkxy ma ja Eli myä'äyën, tää t'ënëmaay: Tyaajës nminy Wintsën, ¿Tiijës ko xymyëkäjpxy? Tää ja Eli twinja'awëy ko ja Wintsën Tios ënäty mëkajpxëp ja Samuel.