Éxodo 28:41 - Biblia Mixe de Quetzaltepec

⁴¹ Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Biblia Dc en Mixe de Quetzaltepec

⁴¹ Jëtu'un xyoxëty ja m'ajty Aarón ets ja y'u'unk y'ëna'k ets xytyukkujaaxëty ja waaytsyooy ma kyëpajkën ets xymyëtuntëtyës jëtu'un tä teetytyëjkëtyën.

Éxodo 28:41 ပူးပေါင်းရင်းမြစ်များ

Éxodo 29:7

Tääts xypyëjkë'ëkëty ja on mëti'ipë yajtukkënu'kxpën ets xykyënu'kxëty ja Aarón ko tyeetyëjkënë, jam kyëpajkëjxm jam ja on xykyëxtämëty.

Levitico 10:7

Këtii jam mjëwa'aktëty ma tëjkëtyaknën ma wit tëjkën ma näpyaatë y'ityën, këtiipë m'ooktëty, jä'ä ko miitsëty kënu'kxy yë m'ijnëtë mëët ja on mëti'ipë winë yajtukkënu'kxpën. E jëtu'un ojts tjantytyuntë, tä ënäty ja Moisés të tni'ënä'ämën.

Éxodo 40:15

Ets xytyukkuja'axta'ajëty ja on mëti'ipë yajtukkënu'kxpën winë, jëtu'un ijxtëm ja Aarón të xytyukkujaaxyën ets jëtu'un'äämpy tpa'atwa'akëtëty ja teety'ajtën etsës xymyëtuntëty.

Éxodo 29:9

Jëtu'un tä yë Aaronkën ets ja y'u'unk y'ëna'këty yajxon xywyë'ënta'tsëtëty ets ënät xypyëjktakëtëty yë kyupitëty. Jëtu'un'äämpy xymyo'ojëty ja kutujkën ets tpa'atwa'akëtëty ja teety'ajtë. Ya'atë ënä'ämën xëmëkyëjxm y'itëty.

Hebreos 7:28

Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Tios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 2:20

Tëë miits ja Tios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

Juan 3:34

Pën ja Tios të kyexyë, Tios ja y'aaw y'ayuk myëtyäkpy, jä'ä ko Tios ja Jya'awën të tyäky ëmuumtu'ukjot.

Ezequiel 43:26

Jëpom jëpom wëxtujk xëëw näjyëtu'un yë teetytyëjkëty tyajwa'atstëty yë wintsë'këntyakn ma yajyäkyën yë wintsë'kën, jä'ä ko yë'ë wa'ats ets kënu'kxy mëpaat xëmë yajpaaty.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 10:27

Jä'ä xëëw nëjkx ja mtsëmy mkë'ëy myajtuknipëjktu'uty, ets nëjkx yajnëkejy ja kepy mëti'ipë mtsëëm'ijtypyën, jëtu'un tä tsajpkaa kepy tsëëm'ityën mëti'ipë tyukyuupyën.

Números 3:3

Nimajktaxkëty, yë'ë ojts yajtuknipëktë ja teety'ajtk.

Éxodo 29:35

Mtunëp jëtu'un tu'kë'ëyë ya'atë mëët yë Aarón ets y'u'unk y'ëna'k, ijxtëm yam të ntukni''ixën. Wëxtujk xëëw xytyuunk'atëty ets xyajwatsta'ajëty winë,

Éxodo 29:24

Pëjktakta'a ya'atë ma Aarón yë kyë'ëjën ets ma y'u'unk y'ëna'këtyën ets jëtu'un xytyukkë'ëwanëty ijxtëm tyuunk'atyën Wintsën wintum.

Éxodo 28:4

Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Éxodo 28:1

Ma Israel ja'ayëtyën, yë m'ajty Aarón yë'ë xëmë winkon myaj'itëp mëët yë y'u'unk y'ëna'k mëti'ipë xyëëwajtëpën; Nadab, Abihú, Eleazar ets Itamar, yë'ëtsës xëmë xymyëtuntëp ma tsajptëjkën.

Éxodo 40:13

Ko tsyiiwta'atëty tääts ja Aarón ja wyit tpëjkta'akëty mëti'ipë të yajtuknixuyën ets ja on xytyukkujaaxëty ets xykyënu'kxëty, jëtu'un'äämpy tpa'atwa'akëty ja teety'ajtën ma ëjts xymyëtunëtyën.

Levitico 16:24

Jap ma tsajptëjkën jap nëjkx nyäpyujy nyäjye'etsyë wa'ats ets ënät tnino'okëty ja jëyujk mëti'ipë ja Tios yajtukwintsë'këpën. Jëtu'un ja Aarón ja pokymyä'kxën tpaatëty ets näjyëtu'un ja naax kajpn.

Éxodo 30:35

yë'ë mëët xy'oytyunëty yë poom mëti'ipë oyën ets wa'atspë, yajxon xyëpiinta'ajëty jëtu'un tä tu'uk yë pa'akxu'kpë oytyuunpë tyaj'oyën yë tsooy.

Números 16:5

ets t'ënëmaay ja Coré mëët tëkokyë mëti'ipë ënäty mëët të nyäpyikyën: Jopy tsojts yajnijawëty pën yë Tios të tkënu'kxy ets pën jyëkyejpy myo'ojëtëty ja wyintsë'kën. Yi'iyë mëpaat tyäky ja wintsë'kën mëti'ipë ënäty yë'ë kë'ëm wyin'ijxypyën.