Éxodo 28:4 - Biblia Mixe de Quetzaltepec

⁴ Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Biblia Dc en Mixe de Quetzaltepec

⁴ Ya'atë wit y'oytyuntëp: katsyjyän, kejky yä'äp, nijän, tëyxyuywyit mëti'ipë nëjkx tjo'oktën, kupit ets ja wëën.

Éxodo 28:4 ပူးပေါင်းရင်းမြစ်များ

Apocalipsis 9:17

Ko ja maykyëwaay n'ijxyës, aak tim pujxn kyätywyiin myëët'ajtëp mëti'ipë ja kwaay tyuk'u'unyäätyëpën. Tëkëëk wooxy kyëxë'ëky, ijxtëm jëënyä'änkën tsapts, tsu'unk ets pu'ts. Ja këwaaykyëpajkëty, jëtu'un kyëxë'ëky ijxtëm tu'uk yë kaajën; ets y'aawjotyëty jëtu'un jap pyëtsimy ijxtëm ja jëënyä'änkën, ijxtëm ja jokën ets ijxtëm ja nëë mëti'ipë no'kpën tsääpyën.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

1 Tesalonicenses 5:8

e ëëts'ajtëmë, mëti'ipë xëëny juukyajtëmën, xëmë wijy kejy nyajpatmëty, näkyëwent'ajtemëp mëët ja mëpëjkën ets ja nätsyok näjyawë ets njëjp'ijxmëty ja nitsokën; jëtu'unts ntu'unmëty winë ijxtëm ja tsiptuunpë nyätyukujupyën ja pujxn kujup.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

2 Samuel 6:14

David yë'ë nätyukxojxë tu'uk yë nijän, linë wit, amëjaaw jyänty y'ejtsy jyänty pyujty mëët yë xoontakën.

1 Samuel 30:7

Tä t'ënëmaay ja teety Abiatar, ja myaank ja Ahimélec: Tun yë mëyajtën yajminy ja efod. Ko ja Abiatar jam tmëmiiny ja efod ma ja Davidjën,

1 Samuel 23:6

E ja Abiatar, yë myaank yë Ahimélec tëë ënäty kye'eky, jam ënäty të nyijkxy Keilá, tääts mëët nyäpyaata'anyë ja David, ojts tmënëjkx ja efod.

1 Samuel 22:18

Paaty ja yajkutujkpë t'ënëmaay ja Doeg, ja Edom ja'ay: Doeg, yaj'ook mijts. Ënät ja Doeg tjanty yaj'o'ktaay ja teetytyëjk, jä'ä xëëw jä'ä ja teetytyëjk y'o'ktë nitëkë'px mëkoxk, aaktam tnijän'atë ja efod.

1 Samuel 2:18

E ja Samuel oytyuny ijty mëët ja wyit xyox mëti'ipë teetytyëjk yajtuuntëpën ets ja Tios oy tmëtuny.

Éxodo 39:28

Näyjyëtu'un ja kupit, ja kutsum mëti'ipë yajtuktsuumwë'ëmpën ja kupit ets ja nyi'ëxmotspa'tk, aakyë'ë ojts tyuny ja linë wit awiity,

Éxodo 25:7

näjyëtu'un yë oytsyaa ets oyjyätyëtypë yë tsaa mëti'ipë jam yajpëjkta'akëpën ma ja kejky yä'äp kyoja'anyën ets näjyëtu'un ma ja katsyjyänën, mëti'ipë ja teety wintsën yajtuumpyën.

Éxodo 29:6

Pëjkta'ak näjyëtu'un ja kupit jam ma kyëpajkën ets ja tsya'a mëti'ipë yajnikë'xë'kpyën ko tyeety'äty.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.