Éxodo 27:9 - Biblia Mixe de Quetzaltepec

⁹ Yajkojë tu'uk yë nyitëja'aw ya'atë tsajptëjk. Jam ëpa'tkë'ëy'äämpy xypyëjkta'akëty, yë'ë mtuknatëyëp yë linë wit awiity, jä'ä y'ayeny'atëty i'px majk xajpk.

Biblia Dc en Mixe de Quetzaltepec

⁹ Yajkojë tu'uk yë nyitëja'aw ya'atë tsajptëjk. Jam ëpa'tkë'ëy'äämpy xypyëjkta'akëty, yë'ë mtuknatëyëp yë linë wit awiity, jä'ä y'ayeny'atëty i'px majk xajpk.

Éxodo 27:9 ပူးပေါင်းရင်းမြစ်များ

Ezequiel 42:3

Tu'k'it jap kyuye'eyë tëja'ptsow mëti'ipë jootjotyën, tëtujk xajpk ja mäjtsk kë'ënux myëjwiinëty ets tu'k'it tëja'ptsow nyijkxy ma ja tsaawinwaapën. Tëkëëk nikë'ë ja tëjk, jaakmëjjëp ja nyitëjkëtyakn, ka'ap jyëtu'unëty ja ëpa'tkë'ëypyën.

Ezequiel 40:44

Jap tëja'p mëti'ipë jap itkujkyën, pë'aaytsyow ma ja tëjkëtyaknën jootjoty tsyowpë, mäjtsk jap ja tëjk mutskjatyëty, tu'uk anëkëjxytsyow, ëpa'tkë'ëmtsow nyas'ixë ets tu'uk jam ëpa'tkë'ëmtsow, anëkëjxmtsow nyas'ixë.

Ezequiel 40:32

Ënätës ojts xywyoownëjkxy ma ja tëja'awën mëti'ipë jootjotytsyow wë'ëmpën, maatsow ja xëëw pyëtsimyën ets ojts tkijpxy ja tëjkëtyakn, näjyëtu'un myëjwiinëty tä ja wiinkëtypën.

Ezequiel 40:28

Ënätës ojts jap xywyoownëjkxy jootjotytsyow ma ja tëja'awën, ëpa'tkë'ëytsyowpë yajpaatyën. Ojts tkijpxy ja tëjk'aaw ëpa'tkë'ëytsyowpë, näjyëtu'un ja kijpxën tmëët'aty tä ja më'ëka'anypyën.

Ezequiel 40:23

Maatsow ja xëëw pyëtsimyën ets ma ja anëkëjxytsyowpë yajpaatyën, ja tëjkëtyakn mëti'ipë jap tëja'ptsowën, jap ijty wiinkpë tëjkëtyakn ma yajnitëkën ja tëja'aw jootjotypë yajpaatyën. Ojts ja ye'etyëjk tkijpxy mäjtskpëky ya'atë tëjkëtyakn ets jä'ä ojts tyajpëtsëmy i'px majktëkëëk xajpk ja tu'kkë'ënux.

Ezequiel 40:20

Jam ijty wiinkpë tëjkëtyakn yajpaaty ma ja tëja'awën anëkëjxmtsowpë. Ojts ja ye'etyëjk tkijpxy jënu'un myëjwiinëtyën ets jënu'un y'ayenyëtyën.

Ezequiel 40:14

Ojts näjyëtu'un tkijpxy ja tëjkwiin ets jä'ä ojts pyëtsimy tëtujk xajpk ja mäjtsk kë'ënux. Ja tëjkëty mëti'ipë yajpatëpën pë'aay ma ja tëjkëtyaknën jä'ä ja tsajptëjk tyëja'aw'ajtyp.

Salmos 116:19

Jap ma ja Wintsën ja jyëën tyëjkën, itkujky ma mijtsën, Jerusalén. Tukxoontä'äky mëjjawë Tios yë xyëëw nyaxëty.

Salmos 100:4

Mintë ma tyëjkëtyaknën, ets mtëkëtëty ma tsyajptëjkën, tukwin'ëw tukwinya'axtë ja kukajpxën ja'awëkyëtakën. Mo'otë yë kukajpxën ja'awëkyëtakën, ets mëjjawëtë kënu'kxyjyawëtë yë xyëëw.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Tios yë tyëjkën, mëti'ipë nTios'ajtëmën.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënäty ëxëëktum nyajpaaty.

2 Crónicas 33:5

Ojts jam tsajptëjk'ëkë'ëm ëpëky t'oytyuny ja wintsë'këntyakn ets yë'ë tuknikojëy ja xëëw po'o xëëw mëtsa'a.

1 Reyes 8:64

Jä'ä xëëw ja yajkutujkpë ojts tkënu'kxy ja tëja'aw mëti'ipë yajpatpën tsajptëjkwintuuy, ma tyäjkyën ja wintsë'kën mëti'ipë yajtukuyajkpën ja nay'ëëw'oy näykyajpx'oyë, tä ja ujts pajkën ets ja jëyujk onën, paaty jää tyäjky ma ja tsajptëjk tëja'awën jä'ä ko ja wintsë'këntyakn mëti'ipë oytyunyën mëët ja tsuxkpujxn mëti'ipë jap tëkotyën, mutsk ënäty, ka'ap pyäjta'ay ja wintsë'kën, tä ujts pajkën ets ja tsajpkaa onën mëti'ipë nätyukuyajkëpën ja naax kajpn ma ja nay'ëëw'oy näykyajpx'oyë tuntën mëët ja Wintsën.

1 Reyes 6:36

Jap tëkotsyow, ojts tyajkojy yë nyitëja'aw, tëkëëkpëky t'apojtstujky, ma tyajtuunyën yë tsaatsetsy ets tu'kwaats yë ajë kepy.

Éxodo 40:8

Tä ënät näjyëtu'un xyaj'oyëty ja nyitëja'aw ets xypyëjkta'akëty ja nyiwit'atëëytyuk jam ma yajnitëkën.

Éxodo 39:40

Ja wit'atëëytyuk mëti'ipë tuunën ma ja tëja'awën, ja xyenyëty ets ja nyi'ëjx; ja wit'atëëytyuk mëti'ipë jam tuunën ma ja tëja'aw yajnitëkën, ja nyitejpxy ets ja nyi'akujpë'ëk mëti'ipë tuuntën ma ja tëja'awën, tëkokyë jënu'un winë tyuuntaayën ma ja Tios ja jyëën tyëjkën, ja wit tëjk ma ja näpyaatë y'ityën.

Éxodo 36:17

Tu'k'it tukpa'axu'uyëy wëxtyikxy majk ja atsi'it jut ma ja wit'atëëytyuk ja mëtu'ukpë y'axuuymyukyëtyën. Näyjyëtu'un ojts tukpa'axuyë ja atsi'it jut ma ja mëmäjtskpë ja wit'atëëytyuk, mëti'ipë të yaj'axuuymyukyën.

Éxodo 27:10

I'px yë nyixeny xypyëjktakëty ets i'px yë nyi'ëjx xy'oytyuunëty, aakyë'ë myajtunëp yë tsuxkpujxn ets ja nyijäänë'ëk ets ja nyijo'kn aakyë'ë myajtunëp yë poop pujxn.

Éxodo 35:17

ja wit'atëëytyuk mëti'ipë tuunpën ma ja tëja'awën, mëët tëkokyë ja nyixeny, ja xeny ja nyi'ëjx, ja wit'atëëytyuk mëti'ipë tuunpën ma yajnitëkën ja tsajptëjk tëja'aw.

Éxodo 40:33

Ko ojts jyëjpkëjxtaaynyë, tä ja Moisés yi'iyë tjaakyaj'o'oyëtyääy ja nyitëkja'aw ja wit tëjk ma ja näpyaatë y'ityën ets ja wintsë'këntyakn, ojts ja wit'atëëytyuk tkëxtëy jam ma yajnitëkën ja tëja'aw. Ko ja Moisés tkojtaay ja wit tëjk,

Números 3:26

ja wit'atëëytyuk mëti'ipë nyatëy'äjtypyën ja tsajptëjkpa'a ets ma ja wintsë'këntyakn y'ityën, ja nyitejpxy mëti'ipë mëët yajkëxtsumtën.

Números 4:26

Ja wit'atëëytyuk mëti'ipë nyatëy'äjtypyën ja tëja'aw, ja wit'atëëytyuk mëti'ipë y'atëëytyujkypyën ja tëjkëtyakn, mëti'ipë ja'ajtpën ma tëja'awën. Ja tëja'aw mëti'ipë na'ëwtity yajpatpën ma ja Tios ja wyittëjkën ets ja wintsë'këntyakn, ja nyitejpxyëty mëti'ipë mëët yajtuktsuumë'ëktën ets tëkokyë jënu'un mëët tyunyën ets mëti'ipë jap yajpatpën.

Números 4:32

Ja xeny mëti'ipë nyikupë'ajtëpën ja tëja'aw, mëti'ipë na'ëwtity yajpatëpën ma tsajptëjkën mëët ja nyi'ëjx, nyipa'tkonë, nyikupë nyitejpxy ets tëkokyë jënu'un mëët tyunyën. Mijts nëjkx kë'ëm xy'ënëëmë tii mëpaat tmënëjkxtën.

2 Crónicas 4:9

Ojts tyajkojy ëpëky tu'uk yë tëkot mëti'ipë ja teetyëjk jyä'ä'atëpën, ëpëky ja mëjtëkot, mëët yë nyitëjk'aaw ets tuknikooytyääy yë tsuxkpujxn.

Ezequiel 40:17

Ënät ja ye'etyëjk ojts xywyoownëjkxyës jap tëja'p ma ja tsajptëjk ja nyitëja'awën. Ma ya'atë tëja'awën ojts yajtsaawinpotsë na'ëwtity, i'px majk ja tëjk yajtuknakojëy.