Éxodo 27:7 - Biblia Mixe de Quetzaltepec

⁷ Ya'atë kepy aak pë'aay xyajnaxtëty, jap yajtijnaxëty ma ja nyijäänë'ëk ënäty të pyetyën ets jëtu'un'äämpy tjëkyäpëty wi'ix muum yajmënëjkxëtyën.

Biblia Dc en Mixe de Quetzaltepec

⁷ Ya'atë kepy aak pë'aay xyajnaxtëty, jap yajtijnaxëty ma ja nyijäänë'ëk ënety të pyetyën ets jëtu'un'äämpy tjëkyäpëty wi'ix muum yajmënëjkxëtyën.

Éxodo 27:7 ပူးပေါင်းရင်းမြစ်များ

Éxodo 30:4

Pëjkta'ak yë nyitëëyë'ëk aak pu'ts pujxn ma y'awits pa'tkën, mäjtsk xypyëjkta'akëty ma jam mäjtsk ja tyatskën tu'kpa'apë ets nän mäjtsk ma ja wiinkpën ets jap ja kepy yajtijnaxëty mëti'ipë yajtukëëyë'ëkëpën.

Éxodo 25:28

Ko ya'atë nyikepy ënäty xyaj'o'oyëyë, yë'ë myajtunëp yë acacië kepy, yë'ëts yajtukëëyjyëtitëp yë kaaypyäjn, ko ënäty muum yajmënëjkxa'any. Ko xyajkojta'ajëty, tääts xytyukniwitsëty yë pu'ts pujxn.

Éxodo 27:6

Oytyuunë näjyëtu'un yë wintsë'këntyakn yë nyikepy mëti'ipë yajtukjëëpëpën ko yajkëëyë'ëka'anëty, aakyë'ë myajtunëp yë acacië kepy ets ënät ok xytyuknikoyëty yë tsuxkpujxn.

Números 4:15

Ko ja Aarón mëët ja myaank'ëna'k ënäty të twinpijta'atë tëkokyë winë mëti'ipë ëmaayëtyën ets jyëkyäjpnëp yajmëtu'utëkëty. Ënät nëjkx myintë ja Quehat ja y'u'unk y'ok, yë'ëts myënëjkxtëp jam ma ënäty jya'ta'antën. Këtii tëy nitii tontëty mëti'ipë ëmaayën këtiipë y'ooktëty, tëkokyë ya'atë apëjk atu'unën ets mëti'ipë jap tuunpën ma ja wit tëjkën ma ja näpyaatë y'ityën mëët yë Tios, yë Quehat yë y'u'unk y'ok yë'ë muum myënëjkxtëp.