Éxodo 27:21 - Biblia Mixe de Quetzaltepec

²¹ Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Biblia Dc en Mixe de Quetzaltepec

²¹ Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 27:21 ပူးပေါင်းရင်းမြစ်များ

Números 19:21

Ya'atë ënä'ämën xëmëkyëjxm y'itëty. Pën ënäty ja myëku'uk ja kënu'kxynyëë tyuknixijkxyp kopkpëky ko ja wyit tpujëty. Pën ja kënu'kxynyëë ënäty të tony ëxëëk nëjkx wyi'imy ets jëtu'un tyimkutsu'ujëty.

Números 18:23

Yë Leví ja'ayëty yi'iyë patëtëp jap tyuntëty ma wit tëjkën ma näpyaatë y'ityën mëët yë Tios. Yë'ë nëjkx kë'ëm tpoky'atë ko tii tka'oytyuntëty. Ya'atë ënä'ämën xëmëkyëjxm y'itëty ets u'unk ok nëjkx xypyatuntë. Yë Leví ja'ayëty ka'ap nëjkx tmëët'atë kyë'ëm naax kyë'ëmkamëty.

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

1 Samuel 3:3

Yë Samuel jap ënäty myä'äy ma ja Tios ja jyëën tyëjkën winkon ma y'ityën ja kaaxë mëti'ipë yë Tios jyä'ä'ajtypyën ets ma ja jëën tyi'kxyën.

Levitico 16:34

Ya'atë ënä'ämën tëyajtën xëmëkyëjxm y'itëty ma miitsëtyën, ma tu'kjëmëjtpë nyäxyën yë xëëw jëmëjt, tu'k'okjaty mëpaat miitsëty xymyëjjawëtë ja xëëw ma ja pokymyä'kxën y'itëtyën mëët ma tyuuntëkoy kyajpxtëkoytyën yë Israel ja'ayëty. Ets jëtu'un ojts winë tuntë, tä ja Tios ja Moisés ojts tuk'ëne'emyën.

Levitico 3:17

Ya'atë ënä'ämën xëmëkyëjxm y'itëty ets u'unk ok yajpaatëty, oy jëtu'un maa mtimjyuuky'atëty, ka'ap mëpaat ja jëyujk on xyjyë'kxtë ets ni nye'pny mëpaat xykyajë'kxtë.

Éxodo 30:8

Näyjyëtu'un ko jyënäkyxyëëwajnëty yajtoyëp jää ko näjyëtu'un ja kutë'kxën tjëjpkonëty. Ya'atë jëtu'unpë xëmë yaj'oytyuntëty Wintsën wyintum, tyim itëty jëtu'un kë'ëyxyëëw kë'ëyjyëmëjt.

2 Pedro 1:19

Yë'ë ya'atë aaw ayuk yajtëytyëjkëy mëti'ipë tëëyëp ja Tios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

1 Samuel 30:25

Jä'ä xëëw ojts jëtu'unpë tsyo'ontä'äky jam ma ja Israel ja'ayëtyën, ko tu'knax winë nyätyukpaatëtë ets tyampaat je'eyëm jëtu'un tyu'uye'ey.

Éxodo 28:43

Yë'ë ya'atë wit pyëjkta'aktëp yë Aarón mëët yë y'u'unk y'ëna'këty ko jap tyëkëtëty ma wit tëjkën ma näpyaatë y'ityën ets näjyëtu'un ko twinkuwa'akëtëty yë wintsë'këntyakn, ëkë ko ënäty jap yë tyuunk tyajtu'uye'eytyë mëët ko tyeety'atë, këtiipë nëjkx tii tëkatsy tuntë ets y'ëk'o'knëtëty. Ya'atë ënä'ämën tëyajtën yë'ë xëmë itëp ma yë'ëjëtyën ets ma ja y'u'unk y'okëtyën.

Apocalipsis 2:1

Nnijayë yë tsajpjotmëtë kukäjpxy jampë yajpaatyën Éfeso ma ja mëpëjkpëtëjk ye'eymyuktën: Jëtu'un y'ënä'äny ja mëti'ipë myëët'ajtypyën ja wëxtujkpë ja matsa'a jam ma y'a'oy kyë'ëjotmën ets yajpaaty ma ja wëxtujkpë ja cerë ato'oyënën aak pu'ts pujxnpë.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Lucas 12:35

Jëjp'ixy mnäyaj'itëtëty, xoxy pëky ets kutë'kxy.

Mateo 4:16

ja ja'ayëty mëti'ipë ënäty kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënäty juuky'ajtëpën tä jeexyë të y'o'knëtën.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Salmos 134:1

Jënu'un yë Wintsën xymyëtuntën. Kënu'kxyjyawëtë mëjjawëtë yë Wintsën, ninu'un jap tsajptëkoty myajpaatën tsu'um koots.

Números 8:9

Ënät xy'ënëëmëty ja Leví ja'ayëty ets tmëwinkontëty ja wit tëjk ma näpyaatë y'ityën mëët ja Tios. Ets näjyëtu'un tëkokyë tyu'ukmujkta'atëty ja Israel ja'ayëty.

Levitico 24:9

Ya'atë yë'ë yë Aarón mëët yë y'u'unk y'ok nëjkx tjä'ä'aty ets jëtu'un xëmë y'itëty. Ets ya'atë tsajpkääky jam mëpaat yajkay, ma tu'uk yë it naaxwiinyëtën wa'atspë. Jä'ä ko yë ayajk ako'onën mëti'ipë yë Tios yajtukwinno'kpën, wa'ats yë oy nyäxy.

Levitico 24:3

Yë Aarón tëë tnijawë wi'ix t'oytyunyën yë kutë'kxn ets jap kyutë'kxëty tu'ktsu'um Wintsën wintum, ma ja wit tëjkën ma näpyaatë y'ityën, jää ma y'atëëytyukëtyën ja kaaxë mëti'ipë myë'ijtypyën ja käjpxytyu'unën. Ya'atë ënä'ämën xëmëkyëjxm jëtu'un y'itëty ets u'unk ok nyëjkxëty.

Levitico 3:8

Jam ja kyë'ë tkëxkonëty ma ja kupixyny ja kyëpajkën ets ënät ok tyo'kumëty jam wintum ma ja wit tëjkën ma Tios kyëtä'äkyën, tääts ja teetytyëjkëty txijkxjëtitëty ja ne'pny ma ja wintsë'këntyakn ja pya'ajën.

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 30:36

Tääts wäänë xymyä'äjëty ooky yajxon ets jam xypyëjkta'akëty winkon ma kaaxë y'ityën, jap ma ja wit tëjkën ma ja näpyaatë y'ityën mëët ja Tios, jap n'antijyës maas jap näpyaata'anyën mëët mijts. Ya'atë on wa'ats y'ita'any ma miitsëtyën.

Éxodo 29:44

Nkënu'kxäämpyës ya'atë wit tëjk ma ja näpyaatë y'ityën ets näjyëtu'un ya'atë wintsë'këntyakn, nkënu'kxäämpyës näjyëtu'un yë Aarón mëët yë y'u'unk y'ëna'k ets yë'ë tyeety'atëty ets xymyëtuntëtyës.

Éxodo 29:42

Ya'atë yojxën mëti'ipë myajktëpën nino'oky nixämpyë, u'unk ok nyëjkxëty ets jëtu'un tkë'ëyaktëty ëjts nwintuuyës jam ma yajnitëkën yë wit tëjk ma näpyaatë y'ityën, maajës näpyaata'anyë mëët mijts ets nmëkajpxa'any.

Éxodo 29:28

Tääpë yë'ë nëjkx tjä'ä'atë yë Aarón ets y'u'unk y'ëna'k, ya'atë ënä'ämën xëmë jëtu'un y'ijtëwëty ma Israel ja'ayëtyën. Ya'atë wintsë'kën yë'ë yajtukniyajkëtëp yë Israel ja'ayëty, ets Tios yajtukwintsë'ëkëp; ma jëtu'un ja nämyë'oyë y'ityën.

Éxodo 25:16

Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.

Éxodo 16:34

Jëtu'un tä ja Tios ënäty të tmo'oyën ja ënä'ämën ja Moisés, ojts ja Aarón tu'uk ja katsy tjanty'ixy ets ojts jap tpëjkë'ëky ja maná, jap tkupëjkëy ma ja Tios ja kyaaxën ets jap ja maná ojts pëjkë'ëky wyi'imy.

Génesis 1:8

Ja niwits nijuux jä'ä tyajxëëwpejty tsajp. Jëtu'un ojts ja mäjtsk xëëwpë kyä'pxy.

Génesis 1:5

Ets tukxëëwajty, xëëny e ja kootsajtën tukxëëwajty koots. Jëtu'un ojts kyä'pxy ja mëtu'kxëëwpë.

Levitico 24:2

Tuk'ënä'äm yë Israel ja'ayëty ets tmëmintëty yë wa'atspë olivë on ets kutë'kxy jëtu'un xëmë tyë'kxëty jap tsajptëkoty.

Números 18:5

Miits jëtu'un mpatëtëp ya'atë tuunk xyajtu'uye'eytyëty, mëti'ipë jap ma ja Tios ja wyittëjkën ets näjyëtu'un ma wintsë'këntyakn yajkëwentë'atyën. Jëtu'un'äämpy ka'ap n'ëktukjoot'anpëjknëtyës yë Israel ja'ayëty.

Éxodo 12:14

Ya'atë xëëw yë'ë tu'uk mëj'äämpy itëp, mëti'ipë ja Tios jä'ä yajtukmëjjawëpën ets xëmë jëtu'un nëjkx ja'amyetsy xyaj'itë. Ya'atë xëëw jëtu'un xyaj'itëty tä tu'uk yë ënä'ämënën mëti'ipë xëmë ijtëwëpën. Jä'ä ko yë m'u'unk m'ëna'këty kopkpëky ko nëjkx näjyëtu'un tja'amyätstë.

Éxodo 30:21

Këtiipë y'ooktëty, kopkpëky ko tpujtëty tjä'ätstëty yë kyë'ë tyekyëty. Ya'atë ënä'ämën xëmëkyëjxm y'itëty ma Aaronkën ets ma y'u'unk y'okën.

Levitico 6:15

Nitu'uk pën tja'axpëtsëmëty yë tsajpmokway mëët yë nyi'on mëti'ipë yajyajkpën ets mëët näjyëtu'un ja poom mëti'ipë mëët nyijkxyën tu'ukyë ja ayajk ako'onën. Ënät jam tno'okëty ma ja wintsë'këntyaknën mëti'ipë yajtukja'amyätsëpën ja wintsë'kën ets jëtu'un jya'tëty ja xu'kën jojkën jam ma Tiosën.

Levitico 7:36

Ojts ja Tios tni'ënä'ämë mëti'ipë mëpaat yë Israel ja'ayëty tmo'otën ja Aarón ma ojts yajkënu'kxyën ets yë'ë tyeety'atëty. Ya'atë ojts tni'ënä'ämë yë Tios ets kopkpëky jëtu'un ko tuntëty ja Israel ja'ayëty ets jëtu'un xëmë y'itëty u'unk ok.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

Levitico 17:7

Ets nijëna'a ka'ap xy'ëkmooynyëtëty ja wintsë'kën tääpë mëjku'u, mëti'ipë jeky të xy'ëwtatën ets mëti'ipë ëxëëk të myaj'ëtë'ëts të myaj'ëna'anëtën. Ya'atë ënä'ämën xëmëkyëjxm jëtu'un y'itëty ma miitsëtyën mëti'ipë itaanpën u'unk ok.

Levitico 23:14

Ma ënäty ja ayajk ako'onën xymyënëjkxa'antën Tios wintum, ka'ap mëpaat xykyäytyë yë tsajpkääky ets tsajpmokwaytyë'ëts, ëkë jëtu'unyë tsuxk. Ya'atë jëtu'unpë ënä'ämën jä'ä jëtu'un wyi'imy xëmëkyëjxm ets jëtu'un y'itëty u'unk ok, oy ënäty matsow mtimjyuuky'atë.

Levitico 23:21

Jä'ä xëëw mye'eymyuktëty ets wa'ats nëjkx xytyijtë ya'atë nyänyiye'eypyätë, ni pën mëpaat tiituunk pën tkatuny. Ya'atë ënä'ämën jä'ä jëtu'un wyë'ëmëty kë'ëyxyëëw kë'ëyjyëmëjt ets u'unk ok jëtu'un xypyatuntëty.

Números 35:29

Ya'atë ënä'ämën jä'ä jëtu'un xypyatuntëty u'unk ok, oy maa mtimyyajpaatëty.