Éxodo 27:2 - Biblia Mixe de Quetzaltepec

² Ets wyaj taxk xy'oytyuunëty, tu'ukjaty xypyëjkta'akëty jam tyatskkëjxm, tu'ukyë mëët nyämyatsëtëty yë wintsë'këntyakn ets xytyukniwitsëty yë tsuxkpujxn.

Biblia Dc en Mixe de Quetzaltepec

² Ets wyaj taxk xy'oytyuunëty, tu'ukjaty xypyëjkta'akëty jam tyatskkëjxm, tu'ukyë mëët nyämyatsëtëty yë wintsë'këntyakn ets xytyukniwitsëty yë tsuxkpujxn.

Éxodo 27:2 ပူးပေါင်းရင်းမြစ်များ

Salmos 118:27

Yë Wintsën yë'ë Tios'ajtp; yë'ë xykyutë'kx xykyujajëm. Wä'än tso'ontä'äky ja xëëw, mënëjkxtë ja aay xye'enty kepyxye'enty, jam pëjkta'aktë ma ja wintsë'këntyakn ja wyajën.

1 Reyes 1:50

E ja Adonías, mëët ko ënäty tsyë'ëkë, ko ja Salomón y'ëkyaj'o'kënëty, jap kyäktsoky tsajptëkoty ets jap nyäyu'tsë ma ja potsy'ëjxën ma ja wintsë'kën yajyäkyën.

Levitico 4:7

Ënät nëjkx näjyëtu'un tukuutsy wäänë ja ne'pny ja wintsë'këntyakn ja nyiwajën, ma jam ja poom tyoyën, mëti'ipë jam ijtpën Tios wintum ma ja wit tëjkën ma näpyaatë y'ityën. E ja ne'pny mëti'ipë ënäty natëjkëpën jam nëjkx txijkxjëtity ma ja potsyën, ma wintsë'kën yajyäkyën, ma ja jëyujk nyitoytyën mëti'ipë jam ijtpën ma ja wit tëjkën; ma ja näpyaatë y'ityën mëët ja Tios.

Éxodo 29:12

Tääts wäänë xypyëjkëty ja ne'pny ets xytyukkuutsëty ja wintsë'këntyakn ja nyiwaj. E ja ne'pny mëti'ipë jaakwë'ëmpën jap xytyukpa'tä'ämëtya'ajëty ja wintsë'këntyakn.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

1 Reyes 8:64

Jä'ä xëëw ja yajkutujkpë ojts tkënu'kxy ja tëja'aw mëti'ipë yajpatpën tsajptëjkwintuuy, ma tyäjkyën ja wintsë'kën mëti'ipë yajtukuyajkpën ja nay'ëëw'oy näykyajpx'oyë, tä ja ujts pajkën ets ja jëyujk onën, paaty jää tyäjky ma ja tsajptëjk tëja'awën jä'ä ko ja wintsë'këntyakn mëti'ipë oytyunyën mëët ja tsuxkpujxn mëti'ipë jap tëkotyën, mutsk ënäty, ka'ap pyäjta'ay ja wintsë'kën, tä ujts pajkën ets ja tsajpkaa onën mëti'ipë nätyukuyajkëpën ja naax kajpn ma ja nay'ëëw'oy näykyajpx'oyë tuntën mëët ja Wintsën.

1 Reyes 2:28

Joab yë'ë ënäty të tmëjwa'kpety ja Adonías ets ka'ap yë'ëjëty yë Absalón; paatykyëjxm ko jëtu'unpë ja aaw ayuk nyija'ajtë, ënätyë ojts kye'eky ets jap kyäktsoky tsajptëkoty, ma ja wintsë'këntyakn jëxkën.

Levitico 16:18

tääts pyëtsëmëty ets nëjkx ja näypyuj näjyä'ätsë tpaaty jam ma wintsë'këntyaknën mëti'ipë jam ijtpën Tios wintum. Tääts tpëjkë'ëkëty wäänë ja ne'pny ets tukuutsëty ja wintsë'këntyakn ja wyaj ets txijkxjëtitëty näjyëtu'un ma ja pya'ajën;

Levitico 8:15

Ënät ja Moisés ojts ja tsajpkaa tyaj'ooky ets ojts ja nyine'pny tpëjkëyë, ja ne'pny jam ojts txijkxëtity ma ja wintsë'këntyakn ja nyiwajën ets wa'ats wyë'ëmëty. Jä'ä ja ne'pny mëti'ipë ojts nyatëkën, jam ojts txijkxëtity ma ja wintsë'këntyakn ja nyitekyën ets kënu'kxy wyë'ëmëty ets jam ja pokymyä'kxën yajpaatëty.

Levitico 4:25

Tääts ja teety wäänë ja ne'pny tukpatijëty yë kyë'ë ets txijkxjëtitëty jam ma ja wintsë'këntyakn ja nyiwajën, ma ja jëyujk nyitoytyën. E ja ne'pny mëti'ipë ënäty jaaknatëjkëpën jam txijkxjëtitëty ma ja wintsë'këntyakn ja tyënaaypyäjnën.

Levitico 4:18

Ets wäänë tukuutsëty ja wintsë'këntyakn ja nyiwaj, mëti'ipë jamën Tios wintum ma ja wit tëjkën ma ja näpyaatë y'ityën. E ja ne'pny mëti'ipë natëjkëpën nëjkxëp txijkxjëtity jap tëkotsyow ma ja jëyujk yajnino'oktën ma ja näpyaatë y'ityën.

Éxodo 27:3

Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn.

Números 3:31

Ya'atë ja'ayëty jënu'un tyu'kukajpn'atën, yë'ë ojts yajtuknipëktë ets tkëwent'atëty ja kaaxë mëti'ipë myë'ijtypyën ja käjpxytyu'unën ets ja kaaypyäjn ets ja mëj jëëntooytyakn, ja wintsë'këntyakn, ja apëjk atu'unënëty mëti'ipë tuunpën ko ja Tios ja wyintsë'kën yajmo'oy, ja wit'atëëytyuk ets tëkokyë winë mëti'ipë yajtuuntëpën ja teetytyëjkëty.

2 Reyes 16:14

E ja wintsë'këntyakn mëti'ipë tsuxkpujxnën, jampë ënäty wintuuytsyow yajpaatyën ma ja tsajptëjkën, ojts yë Acaz tyajjëwä'äky ets tpëjktäky anëkëjxytsyow ma ja wintsë'këntyaknën; jä'ä ko itkujky ënäty të wyë'ëmnë maa ja wintsë'këntyaknën mëët ja Tios ja tsyajptëjk.

2 Crónicas 4:1

Salomón ojts tyajkojy tu'uk wintsë'këntyakn aak tsuxkpujxnpë, mëkoxk xajpk y'ayenyëty ets mëkoxk xajpk myëjwiinëty ets jä'ä kyëjxmëty mëkoxk xajpk ja kujkm.

Ezequiel 43:15

Ja wintsë'këntyakn jä'ä y'ayenyëty tu'kxajpk ja tu'kkë'ënux, ma ja tyäkën ojts tpëjktakëtë wyaj taxkpëky.

Zacarías 9:15

Yë Wintsën mëti'ipë maaytyääyëpën winë yë'ë kyuwa'anäämpy mëti'ipë jyä'ä'ajtypyën ets yë'ëjëty jëtu'unyë t'atääna'an tuktääna'antë yë tsaa mëti'ipë jayajtuka'tstëpën ets myëtsip ëxëëk tuna'antë; y'uukanëtëp yë myëtsip yë jyot nye'pnyëty tä yë tsatsymnyëëjën, jëtu'un tä muum tsimjoty yaj'atämën yë ne'pny; jëtu'un tä jam yajkëxtemyën yë ne'pny ma wintsë'këntyakn yë wyajën.

Éxodo 38:30

Ya'atë tsuxkpujxn jëtu'un ojts yajtuk'oytyuny ma ojts yajmo'oyën ja y'ëjx ja nyitëjk'aaw ya'atë wit tëjk, ma ja näpyaatë y'ityën; näjyëtu'un ja wintsë'këntyakn ets ja y'atënaayë'ëk ets tëkokyë ja apëjk atu'unën mëti'ipë tuunën ma ja wintsë'këntyaknën,