Éxodo 26:7 - Biblia Mixe de Quetzaltepec

⁷ Oytyun näjyëtu'un majktu'uk yë po'o'atëëytyuk, aakyë'ë tsajppax nyipo'o myajtuunëp ets yë'ë xytyuknitëyëty ja tsajptëjk.

Biblia Dc en Mixe de Quetzaltepec

⁷ Oytyun näjyëtu'un majktu'uk yë po'o'atëëytyuk, aakyë'ë tsajppax nyipo'o myajtuunëp ets yë'ë xytyuknitëyëty ja tsajptëjk.

Éxodo 26:7 ပူးပေါင်းရင်းမြစ်များ

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Tios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

1 Pedro 3:4

yë'ë oy tsuj myaj'ittëp ja mjot mwinma'anyëty mëti'ipë ka'ap kyixy nyäxyën, mëti'ipë oyën ets yu'unk naxymën. Ja jëtu'unpë ja oyajtën yë'ë yë Tios yajtsowpatyp.

Isaías 4:5

Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,

Salmos 45:13

Ja yajkutujkpë ja nyëëx, janty'oy yaj'ixy, yë wyit yë'ë mëët y'oytyunyëty yë pu'ts pujxn.

Números 31:20

Yajwatsta'atë yë mwitëty yë po'ojëty ets kepyëty.

Números 4:25

Yë'ë nëjkx tmënëjkxtë ja wit'atëëytyuk, mëti'ipë tuunpën ma ja Tios ja wyittëjkën, ja wit tëjk ma ja näpyaatë y'ityën mëët yë Tios ets ja po'o'ak mëti'ipë nyipëk'ajtypyën ja tëjk ets ja wit'atëëytyuk mëti'ipë yajtuk'atëëytyujkpën ja najxtakn. Jä'ä ja najxtakn jampë jyä'tyën ma ja wit tëjkën ma näpyaatë y'ityën mëët yë Tios.

Éxodo 35:26

Näyjyëtu'un ja to'oxytyëjkëty mëti'ipë ënäty janty'oy winë yajkojtëpën ojts ja jyot wyinma'any y'ëwa'atstë ets tpi'të ja kupixyny jëmk.

Éxodo 35:23

Mëti'ipë myëët'ajtëpën ja wit mëti'ipë ja y'ujkën tsu'unk, uky, tsapts ets mëti'ipë yajtijpën oywyit, näjyëtu'un mëti'ipë myëët'ajtëpën ja tsajppaxni'ak, kupixyny ayääkë ak mëti'ipë ënäty tëë wyatsnën tsapts, ojts tmëmiinta'atë.

Éxodo 35:6

wit mëti'ipë yë y'ujkën tsu'unkën, uky, tsapts ets linë wit, jyëkyäpëp näjyëtu'un tmëminëty yë tsajppax'ak,

Éxodo 26:14

Oytyuunë näjyëtu'un ya'atë wit tëjk yë nyikäm, aakyë'ë kupixyny ayääkë'ak mtuknikkämëp, mëti'ipë tëë wyatsnën tsapts, ëpëky näjyëtu'un xytyuknikkämëty yë oyjyätypë po'o.

Éxodo 26:12

E jä'ä ko yë tëjk atëëytyuk yë nyiwit yenyëty, paaty kujkwä'kxy jap xyajkutëëynyaxëty jëxkë'p'äämpy ma ja Tios ja jyëën tyëjkën.

Éxodo 26:9

Axuuymyuk tu'kpëky yë wit'atëëytyuk ets näjyëtu'un xy'axuuymyukëty yë wiinkpë e ja mëtëtujkpë ja wit'atëëytyuk yë'ë mnä'äkwinpitëp ets yë'ë wyë'ëmëty wintuuytsyow ma ja wit tëjk ja nyitëjkëtyaknën.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Éxodo 25:4

ukywyit, tsu'unk wit, tsaptswit; linë wit, tsajppax ak,

Éxodo 26:6

Oytyun näjyëtu'un wëxtyikxy majk yë nyijo'kn aakyë'ë pu'ts pujxn, mëti'ipë mëët yajtuk'ajo'kmuktëty ja wit'atëëytyuk mëti'ipë të yaj'axuuymyukyën ets jëtu'un ja tsajptëjk tu'ukyë ja ijxën tpëkëty.

Éxodo 26:8

Tu'kë'ëyë ya'atë po'o'atëëytyuk aak tu'knax mëpaat kyijpxy'atë; taxtujk xajpk y'ayeny'atëty ets tu'kxajpk ja tu'kkë'ënux myëjwiin'atëty.

Números 3:25

Ma ja wit tëjkën ma näpyaatë y'ityën mëët yë Tios, yë'ë ijty kyëwent'ajtëp ja Tios ja wyittëjk, ja wit mëti'ipë ja tëjk yajtukniyä'pën, ja po'o mëti'ipë nyipëk'ajtypyën, ja wit'atëëytyuk mëti'ipë yajtuk'atëëytyujkpën ja wit tëjk,