Éxodo 26:34 - Biblia Mixe de Quetzaltepec

³⁴ Tääts ënät xy'akë'ëjëty ja kaaxë, mëti'ipë ënäty jap të xypyëjktä'äkyën ma tëkotën, mëti'ipë yajtijpën tëkot kënu'kxypyë.

Biblia Dc en Mixe de Quetzaltepec

³⁴ Tääts ënät xy'akë'ëjëty ja kaaxë, mëti'ipë ënety jap të xypyëjktä'äkyën ma tëkotën, mëti'ipë yajtijpën tëkot kënu'kxypyë.

Éxodo 26:34 ပူးပေါင်းရင်းမြစ်များ

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Tios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënäty ja Wintsën të tni'ënä'ämën.

Éxodo 25:21

Ënät ok xytyuk'ajupëty ja kaaxë'aaw ets jap kaaxëjoty tëë ënäty jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Hebreos 9:5

Jam kaaxë nëkëjxm yajpaatë ja querupines këxkojy, mëti'ipë yajknikëxë'ktëpën ja Tios ja myëj'ajtën jyääntyajtën ets tnikë'ëtë ja kaaxë mëët ja kyäknëty. E tyam ka'ap y'ëkkopkpëky'ajnë ets kä'pxy yajnimëtyakta'ajëty.

Levitico 16:2

ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

1 Reyes 6:16

Ojts näjyëtu'un jap tëkotsyow t'apëjktuky, mëkoxk xajpkën ets yajxon t'oytyuuny, ma jap yaj'ëwtatëtyën ja Wintsën, jap ma yajtijyën ëmaaytyëkot, wa'atspë.

Ezequiel 41:4

Ojts näjyëtu'un tkijpxy ja jaakwa'atspë it, jä'ä y'ayenyëty tëtujk xajpk ja mäjtsk kë'ënux ets jä'ä myëjwiinëty nän tëtujk xajpk ja mäjtsk kë'ënux. Etsës xy'ënëmaay: Ya'atë yajtijp jaakwa'atspë it.