Éxodo 26:32 - Biblia Mixe de Quetzaltepec

³² Ënät xy'oytyuunëty näjyëtu'un yë nyijo'kn, jam xykyëxtëyëty ma ja nyixeny ënäty të yajpëjktä'äkyën taxk, aakyë'ë ajë kepy, tä näjyëtu'un xytyukniwitsëty yë pu'ts pujxn ets y'ëjx xy'oytyuunëty oy majktaxkën yë poop pujxn.

Biblia Dc en Mixe de Quetzaltepec

³² Ënet xy'oytyuunëty näjyëtu'un yë nyijo'kn, jam xykyëxtëyëty ma ja nyixeny ënety të yajpëjktä'äkyën taxk, aakyë'ë ajë kepy, tä näjyëtu'un xytyukniwitsëty yë pu'ts pujxn ets y'ëjx xy'oytyuunëty oy majktaxkën yë poop pujxn.

Éxodo 26:32 ပူးပေါင်းရင်းမြစ်များ

Ester 1:6

Ja tëja'aw ojts t'oytyuntë mëët oyëtypë wit atëëytyuk mëti'ipë myëët'ajtypyën wyooxyajtën poop, yëktsuxk ets tsuxk, yë'ë mëët tukkëxuuytyë oypyiity mëti'ipë tyijtëpën linëpiity, tsu'unkpë y'ixëtyën ets yë'ë mëët kyëxjenyëty poop pujxn, yë'ë mëët nyipotsëty yë marmol. Ojts näjyëtu'un tyaj'oyëtë u'unyääypyäjn, aak pu'ts pujxn ets poop pujxn mëët y'oytyunyëty. Ja tëkot jä'ä mëët wyimpotsëty ja tsaa u'unk mëti'ipë të'kxpën jajpën ets tsaa mëti'ipë yajwääpyën poop ets yëk.

Éxodo 36:38

Mëkoxk ojts t'oytyuuntë ja nyixeny mëët yë nyijo'kn ets tpëjktäky mëkoxk yë nyi'ëjx aakyë'ë tsuxkpujxn yajtuun, ja xeny ojts tukniwijtsta'ay ja pu'ts pujxn mëët tëkokyë ja nyijo'kn.

Éxodo 26:37

Ets xy'oytyuunëty mëkoxk yë nyikupë aakyë'ë acacië kepy ets xytyukniwitsëty yë wa'ats pu'ts pujxn, mëët yë nyipu'ts pujxnjo'kn ets y'ëjx xy'oytyuunëty oy mëkoxkën, aakyë'ë tsuxkpujxn.

Éxodo 25:5

yë yä'äypyë kupixyny ak yë'ë mëti'ipë tëë wyatsnën tsapts ets po'o oyëtypë ets pejywyijtsnëtypë ets acacië kepy.

Éxodo 26:31

M'oytyunëp näjyëtu'un tu'uk yë wit mëjpë mëti'ipë y'atëëytyukëpën, kanaak yë y'ujkën tmëët'atëty: ukywyit, tsu'unk wit, tsaptswit ets linë wit awiity; jam xyajkëxkojëty mäjtsk yë awinax jëtu'unpë kyëxë'ëkyën, tä yë tsajpjotmëtë kukäjpxyëty y'awinax käkn mëëtpë.

Éxodo 26:33

Tääts ënät jam xykyëxtëyëty ja atëëytyuk ma ja nyijo'knën, jap jëxkë'ptsow xypyëjkta'akëty ja kaaxë, mëti'ipë myë'ijtypyën ja käjpxytyu'unën; ya'atë wit'atëëytyuk yë'ë yaj'ëwä'kxy'itëp ja wa'atspë ja tëkot mëët ja mëti'ipë ni'ikwa'atsën