Éxodo 26:31 - Biblia Mixe de Quetzaltepec

³¹ M'oytyunëp näjyëtu'un tu'uk yë wit mëjpë mëti'ipë y'atëëytyukëpën, kanaak yë y'ujkën tmëët'atëty: ukywyit, tsu'unk wit, tsaptswit ets linë wit awiity; jam xyajkëxkojëty mäjtsk yë awinax jëtu'unpë kyëxë'ëkyën, tä yë tsajpjotmëtë kukäjpxyëty y'awinax käkn mëëtpë.

Biblia Dc en Mixe de Quetzaltepec

³¹ M'oytyunëp näjyëtu'un tu'uk yë wit mëjpë mëti'ipë y'atëëytyukëpën, kanaak yë y'ujkën tmëët'atëty: ukywyit, tsu'unk wit, tsaptswit ets linë wit awiity; jam xyajkëxkojëty mäjtsk yë awinax jëtu'unpë kyëxë'ëkyën, tä yë tsajpjotmëtë kukäjpxyëty y'awinax käkn mëëtpë.

Éxodo 26:31 ပူးပေါင်းရင်းမြစ်များ

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

2 Crónicas 3:14

Ojts näjyëtu'un tni'ënä'ämë ets kyojëty ja wit'atëëytyuk, mëti'ipë ukyën, tsaptsën ets linë wit, ojts näjyëtu'un jam tkëxjo'oky ja tsajpjotmëtë kukäjpxy.

Éxodo 36:35

Ënät ojts t'oytyuny näjyëtu'un ja mëjwit, mëti'ipë ja tëkot yajtuk'atëëytyujkpën, yë'ë ojts txuuymyuky yë wit mëti'ipë yë y'ujkën tsu'unk, uky, tsapts ets ja linë wit awiity ets ma ya'atë witën jam ojts tyajkëxkojy mäjtsk yë tsajpjotmëtë kukäjpxy.

Levitico 16:2

ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

Éxodo 36:8

Ja ja'ayëty mëti'ipë ni'ik tyukjajtëpën wi'ix winë oy tyajkojtëtyën, këtiinëm jëtu'un ja myëku'ukëty mëti'ipë mëët tyuunmuktën, yë'ë ojts ja Tios ja jyëën tyëjk tkojtë. Majk ja wit'atëëytyuk tyaj'o'oyëtyë mëti'ipë ja y'ujkënën taxkpëky, ojts tyajtuntë ja linë wit awiity tsu'unkpë, ukpyë ets tsaptspë ets ojts jam tyajkëxkojtë mäjtsk ja tsajpjotmëtë kukäjpxy.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Efesios 2:14

Kristë ëëts të xymyo'oyëm ja jotkujk'ajtën. Yë'ë të tyajnämyukyë ja jutiis ja'ayëty mëët mëti'ipë ka'ap jyutiisëty ets të tyajkutëkoy ja tsip mëti'ipë ijty xyajnäwya'kxëmën,

Marcos 15:38

Ja atëëytyuk mëjtsajptëkotypë ojts kujkwä'kxy y'akë'tstuky, këpajkm kyë'tstso'ony ets tyimkë'tskëtäky jëtu'un ix'am.

Cantares 7:1

Janty oy yë mteky yaj'ixy ma mkë'ëkën, mijts yajkutujkpë nyëëx. Yë m'ixpajk tsuj kyëxë'ëky tä jeexyë pu'ts pujxn mëët y'oytyunyëtyën, mëti'ipë wijyjyä'äytyëjk të tyajkojtën.

Salmos 137:5

Pën mijts Jerusalén kajpn nja'atyëkoopy jëna'a, nkupëkëpës ets jëtu'unyë tyëtskëta'akëty yë n'a'oykyë'ëjës.

Levitico 16:15

E ko jëtu'un t'ëktuunta'ajëty, ënät ja tsajppax ok tyaj'ookëty, mëti'ipë ja naax kajpn jyä'ä'ajtypyën, mëët ma ja poky këtyey tuuntëkoy tkajpxtëkoytyën. Ënät ja nye'pny jap tmënëjkxëty jap wit'atëëytyuk jëxkë'p, jap ma kaaxë yajpaatyën ets tuknixijkxëty ja kaaxë akë'ë ets ja jyëjp, jëtu'un tä ënäty të tunyën mëët ja tsajpkaa ne'pny,

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 38:23

Ojts pyutëkëty ja ja'ay mëti'ipë xyëëwajtypyën Oholiab, yë'ë myaank yë Ahisamac ets yë'ë yë jyä'äy yë Dan, mëti'ipë yë'ë tyimtuunk'ajtypyën ma tii winëjaty kyojyën aakpujxn, tyukjajtyp wi'ix janty'oy yë wit tjo'okëtyën ets tyaj'ijxëntëkëty, tä ja witën mëti'ipë ja y'ujkën tsu'unk, uky, tsapts ets linë wit.

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

Éxodo 35:25

Ja to'oxytyëjkëty mëti'ipë witjo'ktëpën, oyëty ja wit tmëmiintë, ojts ja wit tmëmintë, mëti'ipë ja y'ujkën tsu'unk, uky, tsapts ets ja linë wit.

Éxodo 35:6

wit mëti'ipë yë y'ujkën tsu'unkën, uky, tsapts ets linë wit, jyëkyäpëp näjyëtu'un tmëminëty yë tsajppax'ak,

Éxodo 28:15

Ja katsyjyän mëët ja mëti'ipë tuunpën ko winë yajnipaye'ey, jëtu'un xy'oytyunëty tä ja kejky yä'äpën, oyëty jyo'oky'atëty, yë'ë mëët xy'oytyunëty yë pu'ts pujxn ets ja wit mëti'ipë koyëtyën: tsu'unk, uky, tsapts ets ja linë wit awiity.

Éxodo 25:18

jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty.

Éxodo 25:4

ukywyit, tsu'unk wit, tsaptswit; linë wit, tsajppax ak,

Lucas 23:45

Ka'ap ja xëëw nyäky'äny ets ja wit atëëytyuk mëti'ipë jap ma mëjtsajptëjkën ojts kujkm kyë'ëtswä'kxy.

Éxodo 26:32

Ënät xy'oytyuunëty näjyëtu'un yë nyijo'kn, jam xykyëxtëyëty ma ja nyixeny ënäty të yajpëjktä'äkyën taxk, aakyë'ë ajë kepy, tä näjyëtu'un xytyukniwitsëty yë pu'ts pujxn ets y'ëjx xy'oytyuunëty oy majktaxkën yë poop pujxn.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Éxodo 36:36

Tääts jam tkëxtëëy yë pu'ts pujxnjo'kn ma ja taxkpë ja acacië kepy xyenyën, mëti'ipë nikoyën mëët yë pu'ts pujxn ets yë'ë y'ëjx'ajtyp yë poop pujxn, aakjëtu'un taxkëty.

Éxodo 27:16

Jäätsow ma yajnitëkën tëtujk xajpk jää tyëkëty yë wit'atëëytyuk tsu'unkpë, uky, tsapts ets awiitypë, yajxon oy tsuj jyo'oky'atëty; taxk ja nyixeny xypyëjktakëty ets näjyëtu'un ja nyi'ëjx.

Éxodo 35:12

ja kaaxë mëët ja nyikepy mëti'ipë yajtukpakë'ëjëpën, ja nyi'akë'ë, ja nyiwit mëti'ipë nyijuux'atëpën,

Números 4:5

Ko ja naax kajpn tyu'utëkëtëty, yë Aarón mëët yë y'u'unk y'ëna'k yë'ë nëjkx tyajënaktë ja wit'atëëytyuk, mëti'ipë ja Tios ja wyittëjk mëët yajtuk'atëëytyukyën ma yajnitëkën ets yë'ë tuknipä'äntëty ja kaaxë mëti'ipë ja käjpxytyu'unën myë'ijtypyën.