Éxodo 26:14 - Biblia Mixe de Quetzaltepec

¹⁴ Oytyuunë näjyëtu'un ya'atë wit tëjk yë nyikäm, aakyë'ë kupixyny ayääkë'ak mtuknikkämëp, mëti'ipë tëë wyatsnën tsapts, ëpëky näjyëtu'un xytyuknikkämëty yë oyjyätypë po'o.

Biblia Dc en Mixe de Quetzaltepec

¹⁴ Oytyuunë näjyëtu'un ya'atë wit tëjk yë nyikäm, aakyë'ë kupixyny ayääkë'ak mtuknikkämëp, mëti'ipë tëë wyatsnën tsapts, ëpëky näjyëtu'un xytyuknikkämëty yë oyjyätypë po'o.

Éxodo 26:14 ပူးပေါင်းရင်းမြစ်များ

Éxodo 36:19

Yë Besalel ojts tu'uk yë nyiwit'atëëytyuk tyajkojë ya'atë wit tëjk, yë'ë ojts t'ajo'kmuky yë kupixyny ayääkë ak, mëti'ipë ënäty tëë wyatsnën tsapts ets jap nëkëjxy tpëjktäky yë po'o oyjyätyëtypë.

Éxodo 25:5

yë yä'äypyë kupixyny ak yë'ë mëti'ipë tëë wyatsnën tsapts ets po'o oyëtypë ets pejywyijtsnëtypë ets acacië kepy.

Ezequiel 16:10

ojts ntukxoxy yë wit kanaak ujkën ets ojts ntukteky jyänë yë po'okë'ëk oypyë, tsowpë; ojts nmooy yë mwëën mëti'ipë linë witën ets nmooy yë mwit mëti'ipë jo'okyën ets tsowën;

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Isaías 4:6

mëti'ipë këwent'atëpën ets kuwa'anëpën; oy tyu'ujëty pyojëty ets oy y'anëty.

Salmos 27:5

Ko ënäty jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Números 4:10

Tëkokyë ya'atë yë'ë nëjkx tukwinpitë yë po'o'ak mëti'ipë pejyëtyën ets ja nyikepy tpëjktakëtëty mëti'ipë muum tyukmënëjkxtëpën.

Números 4:5

Ko ja naax kajpn tyu'utëkëtëty, yë Aarón mëët yë y'u'unk y'ëna'k yë'ë nëjkx tyajënaktë ja wit'atëëytyuk, mëti'ipë ja Tios ja wyittëjk mëët yajtuk'atëëytyukyën ma yajnitëkën ets yë'ë tuknipä'äntëty ja kaaxë mëti'ipë ja käjpxytyu'unën myë'ijtypyën.

Éxodo 39:34

Ja nyiyä'äp mëti'ipë oytyunyën mëët ja kupixyny yä'äy ak, mëti'ipë ënäty të wyatsnën tsapts, ja oyjyätyëtypë ja po'o mëti'ipë näjyëtu'un yajtuknikäämën ets ja wit'atëëytyuk mëti'ipë yajtuk'atëëytyujkpën ja kaaxë;

Éxodo 35:23

Mëti'ipë myëët'ajtëpën ja wit mëti'ipë ja y'ujkën tsu'unk, uky, tsapts ets mëti'ipë yajtijpën oywyit, näjyëtu'un mëti'ipë myëët'ajtëpën ja tsajppaxni'ak, kupixyny ayääkë ak mëti'ipë ënäty tëë wyatsnën tsapts, ojts tmëmiinta'atë.

Éxodo 35:7

kupixyny yä'äy yë y'ak, aakyë'ë mëti'ipë tsapts të wyatsnën, oyëtypë jëyujk ak, ajë kepy,

Éxodo 26:13

Jëtu'un'äämpy nëjkx ja mëjtsajptëjk wyi'imy nituky mëët ja wit mëti'ipë ënäty natëjkëpën, mëti'ipë kutëëynyajxpën pë'aay, jä'ä y'itëty tu'kë'ëtsom tu'kpa'ajatyëty ets näjyëtu'un ja tu'kpa'a.

Números 4:25

Yë'ë nëjkx tmënëjkxtë ja wit'atëëytyuk, mëti'ipë tuunpën ma ja Tios ja wyittëjkën, ja wit tëjk ma ja näpyaatë y'ityën mëët yë Tios ets ja po'o'ak mëti'ipë nyipëk'ajtypyën ja tëjk ets ja wit'atëëytyuk mëti'ipë yajtuk'atëëytyujkpën ja najxtakn. Jä'ä ja najxtakn jampë jyä'tyën ma ja wit tëjkën ma näpyaatë y'ityën mëët yë Tios.