Éxodo 26:1 - Biblia Mixe de Quetzaltepec

¹ Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Biblia Dc en Mixe de Quetzaltepec

¹ Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Éxodo 26:1 ပူးပေါင်းရင်းမြစ်များ

Éxodo 26:36

Oytyun näjyëtu'un tu'uk yë wit'atëëytyuk mëti'ipë mtuk'atëëytyukëpën, ma jam yajnitëkën yë tsajptëjk. Jä'ä y'ixë'atëty yë nyi'ujkën: uky, tsu'unk, tsapts ets linë wit awiity. Yajxon oy tsuj jyo'oky'atëty.

Éxodo 36:35

Ënät ojts t'oytyuny näjyëtu'un ja mëjwit, mëti'ipë ja tëkot yajtuk'atëëytyujkpën, yë'ë ojts txuuymyuky yë wit mëti'ipë yë y'ujkën tsu'unk, uky, tsapts ets ja linë wit awiity ets ma ya'atë witën jam ojts tyajkëxkojy mäjtsk yë tsajpjotmëtë kukäjpxy.

Éxodo 26:31

M'oytyunëp näjyëtu'un tu'uk yë wit mëjpë mëti'ipë y'atëëytyukëpën, kanaak yë y'ujkën tmëët'atëty: ukywyit, tsu'unk wit, tsaptswit ets linë wit awiity; jam xyajkëxkojëty mäjtsk yë awinax jëtu'unpë kyëxë'ëkyën, tä yë tsajpjotmëtë kukäjpxyëty y'awinax käkn mëëtpë.

Éxodo 25:18

jam nimäjtsk xyajkëxkojëty jëtu'unpë kyëxë'ëkëtyën tä yë tsajpjotmëtë kukajpxpën ets aak pu'ts pujxn mëët xy'oytyunëty, yë'ë mëët yë kuwojpën xytyuunk'atëty.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Tios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Tios yajpaata'any mëët yë'ëty.

Apocalipsis 19:8

Tios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Tios ja nyaax kyajpn.

Hebreos 9:9

Tu'kë'ëyë ya'atë yë'ë yajnikëxë'kpy wi'ix ja xëëw juukyajtën tyampë; mëti'ipë ijty ja ja'ay pyëjktaktëpën ets tukwintsë'ëkëtë ja Tios, ka'ap ja ja'ay ja jyot wyinma'any tyajkwatsë.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.

Juan 2:21

E ja Jesús, yë'ë ja nyi'kx kyopk y'antijpy.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Tios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

1 Crónicas 21:29

Oy ënäty jyayajnijawë ko jam mëpaat yajyäky ja wintsë'kën ma ja Wintsën ja wyittëjkën mëti'ipë ja Moisés ojts tkojyën jam të'ëts'itjotm ets ja wintsë'këntyakn jampë yajpaatyën ma ja Gabaón y'itjotmën,

1 Crónicas 17:1

Ko ja David ënäty të tpatnë ja kyutujktakn, ënät t'ënëmaay ja Natán, ja käjpxynyajxpë: Ëk'ix, ëjts tëkotyës n'ity ets janty'oy ja jëën tëjk maas nyajpaatyën, e yë Wintsën ja jyëën tyëjk je'eyë ja oywyi'ix wyitnitëyëty.

Éxodo 40:2

Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Tios.

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

Éxodo 35:6

wit mëti'ipë yë y'ujkën tsu'unkën, uky, tsapts ets linë wit, jyëkyäpëp näjyëtu'un tmëminëty yë tsajppax'ak,

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Éxodo 25:4

ukywyit, tsu'unk wit, tsaptswit; linë wit, tsajppax ak,

Hebreos 9:2

Ja wit tëjk ma ja näpyaatë y'ityën jä'ä ojts yajkojy mäjtskpëky, ma ja tu'kpëkpyën jä'ä yajtijy wa'ats it. Jap ja jëëntooytyakn ijty yajpaaty ets ja pëjkpäjn ja kënu'kxypyë ma ja tsajpkääky yajkëxmä'kxyën.

Éxodo 26:2

Tëkokyë ya'atë wit atëëytyuk tu'knax mëpaat kyijpxy'atë tuktujk xajpk ja tu'kkë'ënux y'ayeny'atëty ets tu'kxajpk ja tu'kkë'ënux myëjwiin'atëty.

Éxodo 35:11

Yë tsajptëjk mëët yë nyiwittëjk, yë nyiyä'äp ja wit tëjk, yë jyo'knëty, yë nyikepy, yë nyikepyëty mëti'ipë yajtukpakë'ëtëpën, yë nyixeny, yë nyi'ëjx,

Números 3:25

Ma ja wit tëjkën ma näpyaatë y'ityën mëët yë Tios, yë'ë ijty kyëwent'ajtëp ja Tios ja wyittëjk, ja wit mëti'ipë ja tëjk yajtukniyä'pën, ja po'o mëti'ipë nyipëk'ajtypyën, ja wit'atëëytyuk mëti'ipë yajtuk'atëëytyujkpën ja wit tëjk,

2 Samuel 7:2

ënät t'ënëmaay ja Natán, mëti'ipë y'akäjpxypën ja Wintsën ja y'aaw y'ayuk: Ijxtëm xy'ixyën, ëjts janty oyës ja njëën ntëjk mëti'ipës ntuktsëna'ayëpën, tu'uk ja kutujkëntëjk mëti'ipë mëët y'oytyunyëtyën ja oytsyaa oy kepy. E tyamts ja Wintsën ja kyaaxë jap ja y'ijtpë muum ma tëjkën je'eyëpë naxo'omyën ëkë natëypyë mëët ja wit.

Éxodo 31:7

Ja wit tëjk ma ja näpyaatë y'ityën mëët ja Tios, ja kaaxë mëti'ipë myë'ijtypyën ja käjpxytyu'unën, ja kaaxë ja nyi'akë'ë ets tëkokyë jënu'un jap winë tyunyën ma ya'atë wit tëjkën,

Éxodo 39:3

Ojts tyaj'oyëtë may ja tsya'a, pu'ts pujxn mëët t'oytyuuntë, yë'ë tyuka'tstëëwtë yë pujxnkuwojpën ets tsujktaktë piityën; ojts tukjo'oktë ja wit tä'äky, ja tsu'unkpë, ukpyë, tsaptspë ets ja linë wit awiity.

Números 4:25

Yë'ë nëjkx tmënëjkxtë ja wit'atëëytyuk, mëti'ipë tuunpën ma ja Tios ja wyittëjkën, ja wit tëjk ma ja näpyaatë y'ityën mëët yë Tios ets ja po'o'ak mëti'ipë nyipëk'ajtypyën ja tëjk ets ja wit'atëëytyuk mëti'ipë yajtuk'atëëytyujkpën ja najxtakn. Jä'ä ja najxtakn jampë jyä'tyën ma ja wit tëjkën ma näpyaatë y'ityën mëët yë Tios.

1 Reyes 6:29

Tä jap tëkotyowën ets jap jëxkë'ptsow, ojts ja Salomón tkooyta'ay ja potsy, yajnikojtut jam potsykyëjxm yë kepy yë pëjy jëtu'unpë ja'ay kyëxë'ëkyën käknmëët yowë Wintsën yë kyukäjpxy.