Éxodo 24:8 - Biblia Mixe de Quetzaltepec

⁸ Ënät ojts ja Moisés ja ne'pny tkëëyi'iky, mëti'ipë ënäty jap ijtpën a'ukënjoty ets ojts tuknixijkxta'ay ja mayjyä'äy, tääts t'ënëmaay: Ya'atë ne'pny yë'ë jëtu'un nyikäjpxyp ja käjpxytyu'unën, mëti'ipë ja Tios të tunyën mëët miitsëty, jëtu'un ijxtëm yap këxja'ay myinyën.

Biblia Dc en Mixe de Quetzaltepec

⁸ Ënet ojts ja Moisés ja ne'pny tkëëyi'iky, mëti'ipë ënety jap ijtpën a'ukënjoty ets ojts tuknixijkxta'ay ja mayjyä'äy, tääts t'ënëmaay: Ya'atë ne'pny yë'ë jëtu'un nyikäjpxyp ja käjpxytyu'unën, mëti'ipë ja Dios të tunyën mëët miitsëty, jëtu'un ijxtëm yap këxja'ay myinyën.

Éxodo 24:8 ပူးပေါင်းရင်းမြစ်များ

Éxodo 24:6

Yë Moisés ojts ja ne'pny tpëky ets jap tpëjktäky ma tu'uk yë mëj'a'ukënën ets ojts tuknixijkxy kujkwä'kxy ja wintsë'këntyakn.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Hebreos 13:20

Ja Tios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

1 Corintios 11:25

Ko ënäty të y'a'ux'ajta'atë, ënät ojts tkoonë'ëky ja a'ukën ets y'ënäny: Yë'ë ya'atë jempyë ja käjpxytyu'unën koos ja ne'pny tyunëty xyä'kxëty. Ko miits tëkok tëkok xy'uuktëty, jëtu'un xyjyaamyätstëtyës.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

1 Pedro 1:2

mëti'ipëjaty ja Tios Teety ojts wyinwitsëtën tëëyëp ijxtëm yë'ë të tuknipëjktaakën. Ja Tios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Tios ni'ik mmo'ojëtë ja kënu'kxën ets ja jotkujk'ajtën.

Lucas 22:20

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Tios ja käjpxytyu'unën tyaj'ëtukëty.

Zacarías 9:11

Jëtu'un yë Wintsën y'ënä'äny: Jerusalén, mëët ja käjpxytyu'unën mëti'ipë ja ne'pny myë'ijtypyën, njuutäämpyës jap nëëjutjoty yë ja'ayëty mëti'ipë jap tsumy matsy ijtëpën.

Efesios 1:7

Mëët yë'ë ko xytsyojkëmë tëë ja Tios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënäty ka'ap nijëna'a të tmëtowtën.

Levitico 8:30

Ënät ja Moisés ojts tpëjkë'ëky ja on wäänë, mëti'ipë mëët winë yajkënu'kxyën ets näjyëtu'un ja ne'pny mëti'ipë ënäty jamën ma ja wintsë'këntyaknën, tä ojts tuknixijkxy ja Aarón ets ja y'u'unk y'ëna'k, näjyëtu'un ma ja wyitëtyën, mëti'ipë myëteety'ajtëpën, jëtu'un ojts ja Aarón yajkënu'kxtë mëët ja y'u'unk y'ëna'k ets ja wyit tyujkxyëty.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Josue 24:25

Jä'ä xëëw yë Josué ojts tuny tu'uk yë käjpxytyu'unën mëët ja naax kajpn jam Siquem, ojts tmo'oy ja aaw ayuk ets ja ënä'ämën tëyajtën tii mëpaat tuntën.

1 Reyes 8:9

Jap kaaxëjoty yë'ë jap ja majkpë ënä'ämën kutujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

Salmos 78:36

E nëkoopë ja tyajmëtowëtë, jä'ä ko aak antaktëp ënäty je'eyë,

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënät ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Deuteronomio 5:2

Miitsëty wa'ats xynyijawëtë ko yë nWintsën'ajtëm Tios tu'uk yë käjpxytyu'unën të ojts tuny mëët ëëts'ajtëmë jam ma Horeb kopkën.

1 Reyes 8:21

Tëës näjyëtu'un ëpëky ja tyëjk nkojë ma ja Wintsën ja kyaaxë y'itëtyën, mëti'ipë myë'ijtypyën ja käjpxytyu'unën mëti'ipë tyuunën mëët ja n'ap'ajt n'ok'ajtëmë, ko tju'ty jap Egiptë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënäty ëjts Wintsën xyatijtë. Ëjts Wintsën, ëjts ënaanp.

Hageo 2:5

Jëtu'un ijxtëm ojts ntukwinwanëtën ko jap Egiptë mtso'ontë, yë njot nwinma'anyës xëmë yajpaaty ma miitsëtyën. Këtii mtsë'ëkëtë.