Éxodo 24:7 - Biblia Mixe de Quetzaltepec

⁷ Tä ojts tu'uk ja noky tkoonë'ëky ma jap myinyën këxja'ay ja aaw ayuk ma ja käjpxytyu'unën ojts tuntën mëët ja Tios, ojts tukwinkukajpxë ja naax kajpn ets y'ëtsoowtë. Nja'akyukëjantëp ëëtsëty mëti'ipë ja Tios të tni'ënä'ämën.

Biblia Dc en Mixe de Quetzaltepec

⁷ Tä ojts tu'uk ja noky tkoonë'ëky ma jap myinyën këxja'ay ja aaw ayuk ma ja käjpxytyu'unën ojts tuntën mëët ja Dios, ojts tukwinkukajpxë ja naax kajpn ets y'ëtsoowtë. Nja'akyukëjantëp ëëtsëty mëti'ipë ja Dios të tni'ënä'ämën.

Éxodo 24:7 ပူးပေါင်းရင်းမြစ်များ

1 Tesalonicenses 5:27

Ntuknipëjktëp Tios wyintum ko ja nmëku'uk'ajtëm ni'ëmukë yajktukwinkukajpxëtëty ya'atë noky.

Colosenses 4:16

Ko miits ya'atë noky xykyajpxta'atëty ets xytyuknikäxtëty yë mëpëjkpëtëjk jampë Laodicea yajpaatën; ets tkajpxtëty näjyëtu'un. E mëti'ipë yë'ë kyäjxtëpën ma miitsëtyën mkajpxtëp näjyëtu'un.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Éxodo 19:8

Ënät ja Israel ja'ayëty nitëkokyë y'ëtsoowtaaytyë: Oyës jëtu'un ntuntëty, jëtu'un tä ja Tios të tni'ënä'ämën. Moisés ojts ya'atë ja ëtsoowinpijtën tukninëjkxy ja Tios, ijxtëm ënäty ja naax kajpn të y'ëtsoyën,

Josue 24:24

Ets ja mayjyä'äy y'ëtsoowtë: Ëëtsëty yë Wintsën nmëtunantëpës ets ntunantëpës mëti'ipë yë'ë nyikäjpxypën.

1 Reyes 8:9

Jap kaaxëjoty yë'ë jap ja majkpë ënä'ämën kutujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

Salmos 50:5

Niye'eypyätë miitsëty ninu'un winë oy xytyuntën, mëti'ipë yë käjpxytyu'unën të tyajwintu'upëktën mëët ëjts, ets tyaktë xëmë ja wintsë'kën ma ëjtsën.

Salmos 78:36

E nëkoopë ja tyajmëtowëtë, jä'ä ko aak antaktëp ënäty je'eyë,

Jeremias 34:13

Ëjts, maas nWintsën'atyën, mëti'ipë yë Israel ja'ayëty Tyios'ajtëpën, ojtsës tu'uk ntuny yë käjpxytyu'unën mëët yë m'ap m'okëty koos jap nyajpëtsëëmtë Egiptë, ma ënäty myëtuntën y'ëyowtën. Ojtsës ntuk'ënä'ämtë

Jeremias 42:6

Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Tios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënät ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Malaquías 2:10

¿Këtii tyu'ukyëty yë Tios teetyë, mëti'ipë të xyajkojëmë? ¿Wi'ix ko näwyin'ë'ënëmëty nixim niyam ets nkäjpxykyumëto'ownajxmëty ja Wintsën ja kyäjpxytyu'unën mëti'ipë mëët tyuunën ja n'ap'ajtëm?

2 Crónicas 15:14

Yajxon mëk yaxtë jyojktë ets tukmëtoowtë ja Wintsën ya'atë ja winma'any, mëët ja ëëwpë koopë ets ja xuxpë wojpë.