Éxodo 24:16 - Biblia Mixe de Quetzaltepec

¹⁶ Yë Tios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Tios ojts tmëkäjpxy ja Moisés jap jokjoty yootsjoty.

Biblia Dc en Mixe de Quetzaltepec

¹⁶ Yë Dios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Dios ojts tmëkäjpxy ja Moisés jap jokjoty yootsjoty.

Éxodo 24:16 ပူးပေါင်းရင်းမြစ်များ

Éxodo 16:10

Ma ënäty jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Números 16:42

Yajxon yë Moisés ets Aarón tjantynyapikëtë. E yë'ëjëty jam ojts nyëjkxtë ma ja wit tëjkën ma ja näpyaatë y'ityën mëët ja Tios. Ënät ojts ja yoots jam kyëtä'äky wit tëjknëkëjxm ets ja Tios ja myëj'ajt y'oyajtën nyänyikëxë'kë.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Tios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Salmos 99:7

Ojts yë Tios mëët kyajpxtë myëtya'aktë jokjoty yootsjoty, ets yë'ëjëty ojts tkuuytyuntë ja ënä'ämën tëyajtën mëti'ipë ojts yajmo'otën.

Números 14:10

Ko jëtu'un y'ënantë, ja yi'inëm ja ja'ay kyakuka'tsëtë. Ënät ja Tios ja myëj'ajt y'oyajtën ojts nyänyikëxë'ëkyë, ma ja tsajptëjkkopkën, mëti'ipë wit tëjkën ets ja Israel ja'ayëty ojts t'ixtë.

Levitico 9:23

Ënät ja Moisés mëët ja Aarón jap tyëjkëy ma ja wit tëjkën ma ja näpyaatë y'ityën. E ko ojts pyëtsëmtë, tääts ojts tkënu'kxtë ja Israel ja'ayëty, täänëm ja Tios nyänyikëxë'kë mëët yë mëj'ajtën ma ja naax kajpnën.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Éxodo 24:17

Yë Tios yë myëj'ajt y'oyajtën jëtu'un ojts t'ixtë yë Israel ja'ayëty jam kopkkëjxm, tä tu'uk yë jëënën mëti'ipë tsääpyën no'kpën.

Éxodo 20:10

E ja mëwëxtujkxëëwpë po'kxënxëëw jäänë, mëti'ipë ja mWintsën Tios yajtukwintsë'ëkëpën. Nitituunk mëpaat xykyatuny jä'ä xëëw, näjyëtu'un yë mmaank, yë mnëëx, yë mtuunpë ye'etyëjkpë, to'oxytyëjkpë; yë mjëyujk ets jaaypyaat jaaypyo'kxy ka'ap mëpaat jää nitituunk tuntë.

Éxodo 19:11

ets nyänyipëjktaakëtëty ko wyëxtëjkm'atëty jëjp'ixy ënäty jää yajpaatë, jä'ä ko wëxtëjkmës yaa njënaka'any ma Sinaí kopkë ets tëkokyë ja Israel ja'ay xy'ixtëtyës.

Éxodo 19:9

ënät ja Tios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënäty mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënäty ja naax kajpn të y'ëtsoowinpityën,

Levitico 9:6

Ënät ja Moisés y'ënäny: ya'atë jëtu'un yë Tios të tni'ënä'ämë, tuntë jëtu'un ets Tios nyänyikëxë'ëkëtëty ma miitsëtyën mëët tu'uk yë mëj'ajtën.

Isaías 4:5

Ma ja Sión kopkën, ets ma ja ja'ay tu'ukmukyë yajpaatën, nëjkxëp ja Wintsën jam ja kyënu'kxën tyajkëtä'äky tä tu'uk yë yoots nëma'ajën, jëënën nëjkx tyajkëtä'äky ko kyoots'atëty. Jam anëkëjxmtsow yë Wintsën yë myëj'ajt y'oyajtën nëjkx yajpaaty,