Éxodo 24:13 - Biblia Mixe de Quetzaltepec

¹³ Ënät ja Moisés pyëti'ky ets ojts jam pyety ma ja Tios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Biblia Dc en Mixe de Quetzaltepec

¹³ Ënet ja Moisés pyëti'ky ets ojts jam pyety ma ja Dios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Éxodo 24:13 ပူးပေါင်းရင်းမြစ်များ

Éxodo 33:11

Tios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënäty ninu'un tyimtsoony jam ma ja wit tëjkën, ma ja Tios jam kyëtä'äkyën.

Números 11:28

Ënät yë Josué y'ënäny, yë myaank yë Nun, mëti'ipë ënäty mutsknëm të tyuuntsoonyën mëët yë Moisés: Wintsën Moisés tun yë mëyajtën ets këtii jëtu'un kyajpxtëty.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Éxodo 32:17

Ko ja Josué tmëtooy ko nëkooyë ja mayjyä'äy yaxnëtë jyojknëtë, ënät t'ënëmaay ja Moisés: Jëtu'un yajmëtoy ja'ay yowë tsiptuuntëp ma Israel ja'ayëty jap tsyëënëtën.

Éxodo 4:27

E yë Tios tëë ënäty t'ënëëmë yë Aarón: Nëjkx jam të'ëts'itum mnäpyäätyë mëët yë Moisés. Tä ja Aarón ojts tsyoony ets mëët ja Moisés nyäpyatë jam ma ja Tios ja tyun kyopkën. Jam ojts tkajpxpo'kxy ets tsu'kxy.

Éxodo 18:5

Yë Moisés jam ënäty ja wyittëjk të tkojy ma ja të'ëts'itjotmën, winkon ma ja kopkën mëti'ipë ja Tios kyopk'ajtypyën. E jam ojts ja Jetró nyinëjkxyë mëët ja Moisés ja tyo'oxytyëjk ets nimäjtsk ja y'u'unk.

Éxodo 19:3

Ënät jam ja Moisés pyejty kopkkëjxm ets jam nyäpyaata'anyë mëët ja Tios, jä'ä ko Tios ojts jam kë'ëm myëkäjpxyë kopkkëjxm ets y'ënëmaayë: Tukmëtow ya'atë aaw ayuk yë Jacob yë y'u'unk y'ëna'k, yë Israel ja'ayëty:

Josue 1:1

Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay: