Éxodo 23:18 - Biblia Mixe de Quetzaltepec

¹⁸ Ko mijts xytyukwintsë'ëkëty yë jëyujk, këtiis xytyukwintsë'ëkëty yë nye'pny tu'ukyë mëët yë tsajpkääky mëti'ipë tsooymyëëtën ets këtii xypyëjkë'ëkëty yë y'on ma ja komjëpompën.

Biblia Dc en Mixe de Quetzaltepec

¹⁸ Ko mijts xytyukwintsë'ëkëty yë jëyujk, këtiis xytyukwintsë'ëkëty yë nye'pny tu'ukyë mëët yë tsajpkääky mëti'ipë tsooymyëëtën ets këtii xypyëjkë'ëkëty yë y'on ma ja komjëpompën.

Éxodo 23:18 ပူးပေါင်းရင်းမြစ်များ

Levitico 2:11

Këtii yë tsajpkääky tsyooy xypyëjkta'aktëty ma ja m'ujts tëëm m'ujts pajkën, mëti'ipë ja Tios mooytyëpën ets yë'ë näjyëtu'un nikajpxäämpyës, ko yë tsajpkääky tsyooy ets uuxpa'ak këtii xyaktëty jam ma Tiosën nino'oky nixämy.

Éxodo 34:25

Ko xyaktëty tu'uk yë jëyujk tsajpkaa tä tu'uk yë wintsë'kënën, këtii xyaktëty yë ne'pny mëët yë tsajpkääky mëti'ipë tsooymyëëtën tu'kmukyë, ko nyatëkëty ja mëti'ipë ënäty të wyintsë'kën'atyën, këtii xypyëjkë'ëktëty ets komjëpom xytyukjëjp'ixtëty ja ëmaayxyëëw.

Deuteronomio 16:4

Wëxtujk xëëw y'itëty nimaa tsooy kyayajpaatëty mëti'ipë jëtsy tyuktijëtijtëpën ma mjëën mtëjkën ets ma mnaax mkajpnën. E ja jëyujk mëti'ipë ënäty të wyintsë'kën'atyën ma më''ëka'any ja wëxtujk xëëwpë tsyo'ontä'äkyën, këtii ja nyitsu'uty xyajwë'ëmëty ets komjëpom xytsyu'utsa'anëty.

Éxodo 12:10

Nitii xykyayajwë'ëmtëty komjëpom, pën tii ënäty wë'ëmpën ënätyë xytyimnino'kojnëtëty.

Levitico 7:15

Ja nyitsu'uty ja jëyujk mëti'ipë të yajyäkyën ko ja kukajpxën ja'awëkyëtakën yajtuny ets ko ja näy'ëëw'oyë näykyajpx'oyë y'ity, jä'ä xëëw mëpaat yajtsu'uty ma ënäty të yajkë'ëyäkyën. Ka'ap mëpaat nitu'kjënu'un wyi'imy ets komjëpom xytsu'utsantëty.

Éxodo 12:8

Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk.

Levitico 7:12

Pën ja wintsë'kën yë'ëkyëjxm yajyaka'any ko ënäty winë yajkukajpxëja'any, nëjkxëp yajyäky yë tsajpkääky mëti'ipë ka'ap tsyooymyëëtyën, yë'ë mëët xyëpiny'atëty yë on, yë tsajpkääky tsyë'ëts pejypyë ets mutskjatyëty ka'apë tsyooymyëëtëtyën ets yë'ë mëët xyëpiny'atëty yë on ets näjyëtu'un yë tsajpkääky tsajpmokwaymyëëtpë yajxonpë të yaj'oytyunyën mëët yë on.

Éxodo 12:15

Ja tsajpkääky mëti'ipë mkaytyëpën ka'ap tii tsooy tmëët'atëty ets wëxtujk xëëw y'itëty. Paaty ma ënäty më''ëka'any tsyo'ontä'äkyën ja mëtu'kxëëwpë, kamaa yë tsooy kyayajpaatëty ma ja mjëën mtëjkëtyën, e pën jëtu'un ja tsajpkääky kyääpy tsooymyëëtpë, ma ya'atë ja wëxtujk xëëwpë ënäty të yajpëjktä'äkyën, nëjkxëp yajjo'otsy ma ja Israel kajpnën.

Éxodo 16:19

Ënät ja Moisés ojts näjyëtu'un y'ënë'ëmxëtë: Ni pën mëpaat tii tkayajwë'ëmy ets y'ënaanpëty komjëpom tjë'kxa'any.

Éxodo 29:34

E pën jaaknatëjkëp ja tsu'utsy ets ja tsajpkääky, mëti'ipë kënu'kxyën, mtimnyino'oktëp, jä'ä ko tääpë ni pën mëpaat tkajë'kxy ko kyomjëpom'atëty, jä'ä ko kënu'kxy ënätynyë.