Éxodo 22:9 - Biblia Mixe de Quetzaltepec

⁹ Pën jyä'äniwäämpy tu'uk yë tsajpkaa, ëkë krukts, ëkë kupixyny, ëkë wit tujkxy, ëkë oy tyimtiijëty, mëti'ipë të tyëko'oyxyëtyën ets y'ëna'anëty ko yë'ë tjä'äjëty, tääpë nimäjtsk yë ja'ayëty mëpaat yajwoownëjkxtë jam Tios wintum ets jam yajnijawëty pën pokykya'ap; e mëti'ipë ënäty pokykya'apën kujkwä'kxy nëjkx tnikujuuypyäjnë ja mëti'ipë ënäty yajtsiptaktëpën.

Biblia Dc en Mixe de Quetzaltepec

⁹ Pën jyä'äniwäämpy tu'uk yë tsajpkaa, ëkë krukts, ëkë kupixyny, ëkë wit tujkxy, ëkë oy tyimtiijëty, mëti'ipë të tyëko'oyxyëtyën ets y'ëna'anëty ko yë'ë tjä'äjëty, tääpë nimäjtsk yë ja'ayëty mëpaat yajwoownëjkxtë jam Dios wintum ets jam yajnijawëty pën pokykya'ap; e mëti'ipë ënety pokykya'apën kujkwä'kxy nëjkx tnikujuuypyäjnë ja mëti'ipë ënety yajtsiptaktëpën.

Éxodo 22:9 ပူးပေါင်းရင်းမြစ်များ

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënäty pokymyëët ets pën ka'ap.

Éxodo 22:4

E pën jam ja jyëyujk tmëëtëty ma tyëjkën ets juuky jam tyajtänë, jä'ä nëjkx tkëpäjnë kujkwä'kxy tyajni'ikënëty, oy ënäty yë'ëjëty yë tsajpkaa ëkë krukts ëkë kupixyny.

Mateo 18:35

Tääts ja Jesús jyaak'ënany: Näjyëtu'un ja nTeetyës tsajpjotmëpë tuna'any ja ja'ay ma miitsëtyën, pën jää miitsëty ka'ap ja mmëku'uk xynyimä'kxtë.

1 Reyes 8:31

Ko ënäty pën ja jyiiky myëku'uk tmëtëkoy ets tuknikajpxa'anëty mëët ja mxëëw ma mwintsë'këntyaknën jap tsajptëkoty,

Mateo 18:15

Pën tëë mmëtëkoyë ja mmëku'uk, mëmëtya'ak ets tuk'ënëëmë wi'ix të mmëtëkoyën. Ko tja'akyukëty wi'ix xy'ënëëmën, tëë ënäty jatëkok xymyëku'ukpëky.

2 Crónicas 19:10

Oy tyimmëti'ipë jotmayëty mëti'ipë ënäty myëmiintëpën ja kunaax kukajpn, oy yë'ëjëty ja'ay wiink kajpnëpë muum tsyoontën, ko myintëty yaa ets myajtëwëtëty pën tu'uk ja o'kpë mëpaat yajnipaye'ey ëkë ka'ap ets pën mëpaat jëtu'un yajtëytyuny ja pokyjyä'äy ijxtëm ja tëyajtën, ënä'ämën, kutujkën, kajpxwijën myinyën; jëtu'unpë jotmay jëyëjp xyajtëwtëty ja Wintsën, këtiipë nëjkx miits ja Wintsën mtukjoot'anpëkëtë ets këtiipë näjyëtu'un ja mëkunaax mëkukajpn yajtukjoot'anpëktëty.

Éxodo 22:28

Ka'ap yë Tios nijëna'a xy'ëxëëktijëty ëkë xypyokëty, näjyëtu'un ka'ap nijëna'a xy'ëxëëktijëty ëkë xypyokëty ja mëti'ipë nyikutuunk'ajtypyën yë mnaax mkajpn.

Éxodo 22:10

Pën yë myëku'uk tyukmëët'ajtyp tu'uk yë krukts, ëkë tu'uk yë tsajpkaa, ëkë tu'uk yë kupixyny, ëkë oy tyimtiijëyujkëty ets muum tsyëtyutëty wyintëkoyëty; ëkë wi'ix jyatëty kyëpätëty, ëkë yajmäätsëty ets ka'ap pën t'ixëty.

Génesis 31:39

Nijëna'a mijts yë mjëyujk ooky të nkatukwinkuwitsë mëti'ipë yaj'o'këtëpën kaa jëyujk; ko ijty jyëtu'un'aty ënetyës ijty xytyimnatukujuy ko tu'uk muum pyutëkoy ets ko ijty xëëny ëkë koots pën tmeetsy.

Levitico 6:5

oypyënëty mëti'ipë ka'ap tëy tëtä'äky tii të tnikäjpxyën, nëjkxëp tmooytyä'äy ja nyiwintsën; ëpëky tjaaknikëjuuypyätëty ja kujkwä'kxy, ko ënäty ja wyintsë'kën tyäky mëti'ipë ja nyëë pyoky tyukunajxypyën.