Éxodo 22:7 - Biblia Mixe de Quetzaltepec

⁷ Pën yë myëku'uk tyukmëët'ajtyp yë wyit myeeny, ëkë oytyiijëty mëti'ipë tsoowpaatyëtyën ets yajmäätsëty jam ma ja jyëën tyëjkën. Ja mä'tspë kwanë ko tkujuuytya'ajëty mëti'ipë ënäty të tmeetsyën ets kujkwä'kxy tyajni'ikëty, pën yajpatp.

Biblia Dc en Mixe de Quetzaltepec

⁷ Pën yë myëku'uk tyukmëët'ajtyp yë wyit myeeny, ëkë oytyiijëty mëti'ipë tsoowpaatyëtyën ets yajmäätsëty jam ma ja jyëën tyëjkën. Ja mä'tspë kwanë ko tkujuuytya'ajëty mëti'ipë ënety të tmeetsyën ets kujkwä'kxy tyajni'ikëty, pën yajpatp.

Éxodo 22:7 ပူးပေါင်းရင်းမြစ်များ

Éxodo 22:4

E pën jam ja jyëyujk tmëëtëty ma tyëjkën ets juuky jam tyajtänë, jä'ä nëjkx tkëpäjnë kujkwä'kxy tyajni'ikënëty, oy ënäty yë'ëjëty yë tsajpkaa ëkë krukts ëkë kupixyny.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Juan 12:6

Judas ka'ap yë'ëkyëjxmëty jëtu'un y'ënä'äny ko ja ëyoopëja'ay tpa'ëyoy, yë'ëkyëjxm ko myeetsy. Yë'ë ënäty ja meeny apëjkën kyë'ë'am'ajtyp ets xëmë tpukony mëti'ipë jap pyëjkë'kpyën.

Jeremias 2:26

Jëtu'un tä tu'uk mä'tspë tyëkoypyetyën ko yajkupaatë, jëtu'un yë Israel ja'ay jyata'any yë nyaax kyajpn, yë yajkutujkpëtëjk, kopktëjk, teetyëjk ets käjpxynyajxpëtëjkëty;

Éxodo 22:6

Ko pën yë toyëjëën tyajkä'äkëty ets muum tyoyëty yë tsajpmokam, ëkë mëti'ipë muum nipëjkpety yajpatpën, ëkë mëti'ipë jam je'eyë yoonpnëmën. Ja ja'ay mëti'ipë ënäty të yajtoyëke'ekyën, yë'ë nëjkx tkëpäjta'ay ja pëjktä'äky, mëti'ipë ënäty të wyintëkoyën.

Levitico 6:1

Ënät yë Tios ojts yë Moisés tmëkäjpxy ets t'ënëmaay:

Levitico 6:2

Ko pën yë myëku'uk tmäätsëty ets yë'ëkyëjxm pokymyëët wyë'ëmëty jam Tios wintum; ko ënäty ja myëku'uk të twin'ëëny ma ja wit meeny mëët tyajtuunmukyën, ëkë ko tsoky ja myëku'uk ja wyit myeeny të tpëjkë.

Levitico 19:13

Këtii yë mmëku'uk ëxëëk xytyunëty xy'ënëëmëty ets ni xykyapëjkëty mëti'ipë yë'ë jyä'ä'ajtypyën. Këtii xytyuk'ëwxitëty yë mtuunpë myëju'uny tu'kxëëwpaaty.

Levitico 6:5

oypyënëty mëti'ipë ka'ap tëy tëtä'äky tii të tnikäjpxyën, nëjkxëp tmooytyä'äy ja nyiwintsën; ëpëky tjaaknikëjuuypyätëty ja kujkwä'kxy, ko ënäty ja wyintsë'kën tyäky mëti'ipë ja nyëë pyoky tyukunajxypyën.