Éxodo 22:30 - Biblia Mixe de Quetzaltepec

³⁰ Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënäty tuktujk xëëw y'apäjnë, jää xymyooynyëtyës.

Biblia Dc en Mixe de Quetzaltepec

³⁰ Näyjyëtu'un ja më''ëka'anypë tyajja'tyën ja y'u'unk myääy ja mtsajpkaato'oxy, ëkë mtsajppax mkupixyny nëjkx xymyo'oyës. Jyëkyäpëp je'eyë wëxtujk xëëwën myëët'atëtëty yë tyaak, e ma ënety tuktujk xëëw y'apäjnë, jää xymyooynyëtyës.

Éxodo 22:30 ပူးပေါင်းရင်းမြစ်များ

Levitico 22:27

Ko myëxu'unk'atëty tu'uk yë tsajpkaa u'unk, ëkë kupixyny u'unk, ëkë tsajppax u'unk, wëxtujk xëëw mëpaat tmëwë'ëmy yë tyaak. Ko tuktujk xëëw t'apäjtnëty, jyëkyäjpnëp yë Wintsën yajtukwintsë'ëkëty ets nyitoyëty jam ma ja wintsë'këntyaknën.

Deuteronomio 15:19

Tëkokyë yë jëyujk yä'äypyë mëti'ipë ëka'any miintëpën naaxwiiny, yë'ë mëpaat xytyuknipëjkë'ëkëtë ja mWintsën. Këtii ënätyë xyajtuunë'kojëty yë mtsajpkaa yä'äy, mëti'ipë ëka'any të myëxu'unk'atyën, ka'ap yë nyi'u'kxy ënätyë xypyëjkëty yë mkupixyny, mëti'ipë kä'äxkopkën.

Levitico 12:3

Pën ye'etyëjk ënäty të myiny të jyä'ty naaxwiiny, kom tuktujk xëëw nëjkx yajtsuky ja ye'etyëjkajtën.

Éxodo 13:12

Yë Tios yë'ë kopkpëky mtukmëyoxtëp yë m'u'unkëty m'ëna'këty mëti'ipë më''ëka'any miintëpnëm naaxwiiny, ets näjyëtu'un ja mjëyujkëty mëti'ipë ënäty më''ëka'any mëxu'unk'ajtëpën yë Wintsën jyä'ä'atëp.

Génesis 17:12

Tyam tso'ontä'äky ets tyu'uye'eyëty yë xëëw jëmëjt; tu'kë'ëyë yä'äy ëna'k jënu'un yajpaatyën ma miitsëtyën. Ko tyuktujkxëëwpätëty ma ënäty të myinyën naaxwiiny, jää yë ye'etyëjkajtën nëjkx yë nyi'ak yajnëtsuky, jëtu'un yë jaaypyaat jaaypyo'kxy ets y'u'unk y'ëna'k mëti'ipë myajmëtuunpyën ets wä'än timpyënëty.

Levitico 7:23

Jëtu'un xy'ënëëmëty yë Israel ja'ayëty: Ka'ap mëpaat xyjyë'kxtë yë tsajpkaayä'äy yë y'on, ni yë'ë yë kupixyny y'on ets ni yë'ë yë tsajppax y'on.

Levitico 7:24

Yë nyi'on yë jëyujk mëti'ipë muum o'kpën, ëkë mëti'ipë muum yë kaa jëyujk majtsëtëpën, jyëkyäpëp oy tii xyajwa'antëty, je'eyëp ko këtii xytsyu'utstëty.

Levitico 7:26

Oy tyimmaatsowëty ma ënäty mijts myajpaatën, këtii yë nye'pny xyjyë'kxëtëty yë joon ets jëyujk.

Levitico 11:44

Ëjts jëtu'un mWintsën Tiosëty, miitsëty wa'ats mëpaat mnäyaj'itëtë, jä'ä ko ëjts wa'atsës n'ity. Këtii mnätyukyaj'ëxëëkëtëty nimëti'ipë jëyujk mëti'ipë naaxwin'a'tspën.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Levitico 17:15

Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Levitico 22:8

Ka'ap mëpaat tsu'utsy yë jëyujk tsajpkaa yë nyitsu'uty, mëti'ipë jëtu'unyë muum të y'ookyën, ëkë mëti'ipë yë jëyujk të yaj'ookyën. Këtiipë yë'ë mëët nyäyaj'ëxëëkëtëty. Ëjts jëtu'un Wintsën.

Deuteronomio 14:21

Yë jëyujk najts'ookë këtii xytsyu'utstë. Wa'ats mnäyaj'itëtëty, jä'ä ko miitsëty yë'ë yë Wintsën mkajpn'ajtëtëp. Pën yajpatp yë jaaypyaat jaaypyo'kxy ma miitsëtyën, yë'ë jyëkyäjptëp tsu'utstëty, nän jyëkyejpy xytyukmëtooktëty ja jaaypyaat jaaypyo'kxy mëti'ipë tu'u'am'ajtëpën. Yë tsajppax u'unk tsu'utsy këtii xyajkëëwjëtitëty mëët yë tyaak yë tyi'tsk nëë.

Ezequiel 4:14

Ënätës n'ëtsooy: Wintsën ëjts ka'apës nijëna'a jëtu'unpë ëxëëkpë një'kxy; ëjts ka'apës nijëna'a ntsu'uty yë jëyujk tok mëti'ipë kë'ëm o'kpën, ëkë mëti'ipë jëyujk yaj'o'këpën ets ka'apës nijëna'a ntsu'uty yë jëyujk ka'apë tsyu'utsyëtyën.