Éxodo 22:27 - Biblia Mixe de Quetzaltepec

²⁷ Jä'ä ko wi'ix nija'awëmëty wä'änxyëp ënäty yi'iyë tu'uk twit'aty, mëti'ipë nätyukniju'uxëpën e ko xykyamo'ojëty ¿tii nëjkx tnatukma'ay? Ko nëjkx xy'amëtoy xypyëjktsoy ja putëjk pupäjtën, yë'ë nëjkxëp mputëkë, jä'ä ko ëjts nnija'apës wi'ix ja'ay pya'ëyoy nyajts'ëyowën.

Biblia Dc en Mixe de Quetzaltepec

²⁷ Jä'ä ko wi'ix nija'awëmëty wä'änxyëp ënety yi'iyë tu'uk twit'aty, mëti'ipë nätyukniju'uxëpën e ko xykyamo'ojëty ¿tii nëjkx tnatukma'ay? Ko nëjkx xy'amëtoy xypyëjktsoy ja putëjk pupäjtën, yë'ë nëjkxëp mputëkë, jä'ä ko ëjts nnija'apës wi'ix ja'ay pya'ëyoy nyajts'ëyowën.

Éxodo 22:27 ပူးပေါင်းရင်းမြစ်များ

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Tios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

2 Crónicas 30:9

Pën miitsëty mja'amyäjtstëp ja mWintsën Tios, mpa'ëyowanëtëp yë'ë ets tyuktëkëjäämpy ja yajkutujkpëtëjk mëti'ipë të tmatstën ja mjëëky mmëku'uk ets tnajtsmatsëtëty ets tpaatëty jatëkok ja nyaax kyajpnëty, jä'ä ko yë Wintsën pa'ëyoop najts'ëyo'owëp yë'ë, ka'ap jëtu'unyë mnajts'ixëja'anëtë pën myajwinpijtëp ja mjot mwinma'anyëty.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 72:12

Jä'ä ko yë'ë ëyoopëja'ay pyutëkëjäämpy mëti'ipë mëpëjktsoowëpën, ets ja'ay mëti'ipë winë kakajtxëyëpën, ets mëti'ipë ka'ap pën pyutëk pyupetyën.

Salmos 34:6

Tëë ya'atë ëyoopëja'ay yujkyä'äxy ets Wintsën të tmëtoy, tääts të yajjotkujktä'äkyë ma ënäty jë'ë ya'ax yajpaatyën.

Éxodo 22:23

Jä'ä ko pën jamëtën ëxaty xytyuny ets t'amëtow tpëjktsowtëty ja putëjk pupäjtën maas ëjtsën, ëjts ninëjkxäämpyës yë'ëjëty etsës mputëkëja'antë.

Isaías 19:20

Yë'ë nëjkx yajtuk'ixy ets ja Wintsën mëti'ipë maaytyääyëpën winë yaja'amyätsëty jap ma Egiptë kajpnën. Ko tmëkajpxtëty ja Wintsën ma t'amëtowtën ja näypyutëkë ko ënäty ëxëëk yajtun yaj'ënëëmëtë, yë'ë nëjkx tyuknikäxëtë tu'uk ja yajnitsokpë mëti'ipë nëjkx kyuwa'anëtë ets yajtso'okëtën.

Deuteronomio 24:10

Pën tëë yë mjëëky mëku'uk tii xytyuk'ënu'kxtë, këtii mtëkëtëty tyëkoty ets atsip tii winë xypyëjkëja'antëty, mëët ko ënäty mkamëkëpätëtë tsojk.

2 Samuel 16:5

Ko yë David jyä'äjty ma jam ma Bahurim kopkën, jam nyipëtsëëmë tu'uk yë ja'ay jä'ä xyëëwajtyp Simí, yë'ë yë Saúl yë jyä'äy. Yë'ë ja myaank ja Guerá ets wiinkjaty jyänty ënë'ëmxëty, jyänty pyokyë,

1 Reyes 2:8

Näyjyëtu'un ntuk'ëwaanëja'any, ko yë Simí, yë y'u'unk yë Guerá, yë Benjamín ja'ay, jampë tsyëënën Bahurim. Yë'ë ojtsës ëxëëk'aaw ëxëëk'ayuk xytyuknipëtsëmy, jamës ënäty nëjkxy Mahanaim. E koos jatëkok nwinpijty poj'amës ojts xyjyëjpye'eyi'iky jam ma ja Jordán mëjnëëjën ets ojts n'ënëëmës mëët yë Wintsën xyëëwkyëjxm ko ka'apës nyaj'ooka'any.

1 Reyes 2:9

Mijts këtii xypyokymyä'kxëty, mijts ntuknipëjkyp tii mëpaat xytyuny, je'eyëp ko m'ixëp yajxon wi'ix mëpaat ëxëëk jyäty kyëpetyën ets jëtu'un oywyi'ix y'ookëty.

Eclesiastés 10:20

Këtii yë yajkutujkpë xynyi'ojëty ets ni xykyanimay xykyanitajëty wiinkjaty. Këtii yë kumeenyjyä'äy tëkatsy xynyimëtya'akëty ets oy muum nätyu'uk myajpaatëty, jä'ä ko joon kääkjëtijtëp yë'ë ets tsojk nëjkx tukmëmëtyä'äky mëti'ipë ënäty të xykyäjpxyën.