Éxodo 22:26 - Biblia Mixe de Quetzaltepec

²⁶ Pën tääpë ja'ay mooyëp yë wyit tyujkxy mëët ko ënäty ja wit meeny xytyuk'ënu'kxy, ënätyë jatëkok xymyooywinpijtkojnëty jä'ä xëëw, ma ënäty ka'ap jyajmonyëmën.

Biblia Dc en Mixe de Quetzaltepec

²⁶ Pën tääpë ja'ay mooyëp yë wyit tyujkxy mëët ko ënety ja wit meeny xytyuk'ënu'kxy, ënätyë jatëkok xymyooywinpijtkojnëty jä'ä xëëw, ma ënety ka'ap jyajmonyëmën.

Éxodo 22:26 ပူးပေါင်းရင်းမြစ်များ

Proverbios 20:16

Pën yajnu'kxypyën ja'ay ka'apë t'ixy'ätyën, pëjkë wyit ets yë'ë tjëjpwa'akëty ja nu'kxy.

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Deuteronomio 24:6

Ko pën mënu'kxy'atëtëty, këtii xypyëjkëtëty ja pyaan tsyu'ts mëti'ipë ja to'oxytyëjk tyukmeepy tyukjëjtypyën. Jä'ä ko jëtu'un xytyuntëty jëtu'un nëjkx tpaaty tä jeexyë ja jyuukyajtën xypyëjkëtën.

Ezequiel 18:16

ka'ap tyaj'ëyoy ja ëyoopëja'ay; ka'ap tii t'amëtoy ko myëku'uk meeny tuk'ënu'kxy; ka'ap pën tmeetsy, ni'ikyë ja kyääky y'uuky tyajwä'kxy mëët mëti'ipë yuu'o'këpën ets xyojxyp ja mëti'ipë niwa'ats ëxwa'ats yajpatpën;

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Proverbios 22:27

jä'ä ko pën ka'ap xymyëëtëty tii mtukëpätëpën, yë'ëpaat nëjkx mpëjkëty yë mmaapäjn.

Job 24:3

pyëjkëtyëp yë kyupixyny yë ku'ooky u'unk ets ku'ookytyo'oxy.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënäty mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Ezequiel 33:15

ets tyajwinpijta'ajëty ja mëti'ipë ënäty ja ja'ay të myo'oyën ko winë të tnipaye'ey ets mëti'ipë të tmeetsyën; tkuuytyunëty ja tëyajtën ma ka'ap ja ëxëëkpë t'ëktuunëty; tääpë ja'ay nëjkxëp jyuuky'äty ets ka'ap y'ooka'any.

Job 24:9

Pyëjkëtyëp näjyëtu'un yë ku'ookytyo'oxy yë y'u'unk myääy mëti'ipë je'eyë tim mëxu'unk'ajtpën ets ëyoowpëja'aytyëjk ni'ikyë winë t'amëtowtë ko tii tuknu'kxtsowtë.

Job 22:6

Mijts, oy xykyayajmëyäty ënäty tii, m'amëtoopy ijty ja mjëëky mmëku'uk winë ko xyajnu'kxy, mpëjkëp ijty yë wyit tyujkxy ets niwa'ats ëxwa'ats xyajwë'ëmy.

Job 24:7

Jëtu'un yë tsuu tyajnaxtë, ka'ap tii tmëët'atë tii nätyuknimu'uxëtëp, ka'ap tii mëti'ipë jeexyë nätyuk yu'tsëtëpën ko tyëpooktë.

Job 34:28

Koonëm yë ëyoopëja'aytyëjk ojts ya'axtë jyoktë ets mëti'ipë ënäty yajtëytyuuntëpën ets Tios tmëtooy.

Salmos 10:14

Tëë mijts kë'ëm xy'ixy wi'ix ëxëëk y'ëtë'ëtstën y'ëna'antën. Tëë kë'ëm xy'ixy ets mijts ënät mpatëp wi'ix xytyukkumëtoy. Jam ma mijtsën myintë ka'apë tjëkyepy nyäkyuwa'anëtëtyën; mijts mputëjkëp yë ku'ooky u'unk.

Salmos 34:7

Yë Wintsën kyukäjpxy kyuwäämpy ets yajtsokpy mëti'ipë oyjya'awëyëpën.