Éxodo 22:25 - Biblia Mixe de Quetzaltepec

²⁵ Pën mtuk'ënu'kxyp yë mmëku'uk yë wit meeny, mëti'ipë ëyoop jotëkoopyën, këtii jëtu'un mnäyajnaxëtëty tä ja'ayën mëti'ipë yajnu'kxpën ets ni yë'ë xykyapatëkëty pën tëë tyaj'u'unk'aty tkayaj'u'unk'aty.

Biblia Dc en Mixe de Quetzaltepec

²⁵ Pën mtuk'ënu'kxyp yë mmëku'uk yë wit meeny, mëti'ipë ëyoop jotëkoopyën, këtii jëtu'un mnäyajnaxëtëty tä ja'ayën mëti'ipë yajnu'kxpën ets ni yë'ë xykyapatëkëty pën tëë tyaj'u'unk'aty tkayaj'u'unk'aty.

Éxodo 22:25 ပူးပေါင်းရင်းမြစ်များ

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Ezequiel 18:8

Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Nehemías 5:7

Koos yajxon tmëmaay nmëtajy, ënätës n'ënany ko janty tëy jëtää jëtu'un, tääjës ojts ntuk'ënëëmë ja yajkutujkpëtëjk ets ja kutuunktëjkëty wi'ix ko jëtu'un ja myëkunaax myëkukajpn timy tyuntë. Ojtsës ëpëky ntuknipëjktaakë tu'uk ja nätyu'ukmukë ets jam yajkajpx yajmëtya'akëty ja jotmay,

Ezequiel 18:17

ka'ap pën t'ëxëëktuny, ka'ap yë'ëkyëjxmëty meeny pën tuk'ënu'kxy ko tyaj'u'unk'ata'any; pyatuumpy ja n'ënä'ämënës ntëyajtënës, mëtëy jyuuky'äty; tääpë ja'ay ka'ap y'ooka'any oy ënäty ja tyeety të jyapokytyuny. Yë'ë kopkpëky ko jyuuky'ata'any.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënäty të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënäty jëtu'un nyätyunyë.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

2 Reyes 4:7

Ënät tsyo'ony ja to'oxytyëjk ets ojts ninëjkxy ja käjpxynyajxpë, tuk'ëwa'anëy mëti'ipë ënäty të tyuny të jyätyën ets y'ënëmaayë: Tyam nëjkx ënät took tääpë on ets xymyëkëpätëty tääpë ja'ay mëti'ipë mënu'kxy'äjtypyën. E mëti'ipë natëjkëpën yë'ë miitsëty mni''itëp mëët ja m'u'unk m'ëna'k.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënäty të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Lucas 19:23

¿tiixë ko ja nmeeny të xykyamënëjkxy ma jeexyë jam y'u'unk'atyën, ets jeexyë ëjts yë nmeeny u'unk të xymyo'oy koos të nwinpity ma tëjkën?

Mateo 25:27

ojts jeexyë je'eyë ja nmeenyës xykyë'ëyäky ets wiink ja'ay të tyaj'u'unk'aty ets jëtu'un koos jeexyë ënäty nwinpity tamës jeexyë jatëkok ja nmeeny npaaty ets mëët ja nyi'u'unk.

Ezequiel 22:12

Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Deuteronomio 15:7

Pën yajpatp yë ëyoopëja'ay ma naax kajpnën, mëti'ipë ënäty yë mWintsën të mo'oyën. Yajnikëxë'ëk ja m'oyjot m'oywyinma'any ma yë'ëjën, mo'o tii yajmëyäjtypyën, këtii ja mëkunaax mëkukajpn jëtu'unyë xynya'ixëty.

Deuteronomio 24:13

Pën yë'ë të tyäky yë nyipä'än, xëmë xymyënëjkxëyëty ux ux ma jyëën tyëjkën ets tjëkyäpëty tii nätyuknipä'änëtëpën, ko mya'aja'an pyo'kxa'anëty. Jëtu'un nëjkx janty mëj tkukajpxë ets tja'awëkyëtä'äky ma miitsëtyën ets Wintsën oy nëjkx t'ixy ko jëtu'un xytyuntëty.

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Amós 2:8

Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.