Éxodo 22:24 - Biblia Mixe de Quetzaltepec

²⁴ Ets mëët tu'uk yë mëkjoot'an nëjkx mijts nyaj'ook nyajtëkoytyë, jëtu'un tä tu'uk yë ja'ay yajkupuxyën mëët yë tëypyujxn, jëtu'un nëjkx ja ëyo'on wyimpity ma miitsëtyën, ja mto'oxytyëjkëty jä'ä nëjkx ku'ooky wyë'ëmtë ets ja m'u'unk m'ëna'këty jä'ä nëjkx wyë'ëmtë ku'ooky u'unk ku'ooky ëna'k.

Biblia Dc en Mixe de Quetzaltepec

²⁴ Ets mëët tu'uk yë mëkjoot'an nëjkx mijts nyaj'ook nyajtëkoytyë, jëtu'un tä tu'uk yë ja'ay yajkupuxyën mëët yë tëypyujxn, jëtu'un nëjkx ja ëyo'on wyimpity ma miitsëtyën, ja mto'oxytyëjkëty jä'ä nëjkx ku'ooky wyë'ëmtë ets ja m'u'unk m'ëna'këty jä'ä nëjkx wyë'ëmtë ku'ooky u'unk ku'ooky ëna'k.

Éxodo 22:24 ပူးပေါင်းရင်းမြစ်များ

Salmos 109:9

Wä'än yë y'u'unk y'ëna'k twë'ëmy ku'ooky u'unk ets tyo'oxytyëjk ku'ookytyo'oxy.

Jeremias 15:8

May ja ku'ookytyo'oxy nyajwë'ëmyës tä nëë ajinën. Kujkxyëëw të nyaj'ookyës ja taaktëjk mëët ja y'u'unk y'ëna'këty mëjatypë; ajotkumonës të nyajminy ja ëyo'on jotmay ets tsë'ëkë jawë ma yë'ëjëtyën.

Lamentaciones 5:3

Ku'ooky u'unk ëëtsëtynyë, ka'apës pën yë nteetyëty; ku'ooky to'oxytyëjkën ja ntaakëtyës të wyë'ëmnë.

Salmos 69:24

Yajkëta'ak ma yë'ëjëtyën mijts yë mjoot'an; ets wä'än pyaatëtë mijts yë mtsip m'äkë.

Hebreos 10:31

Mëj ëyo'on yë'ë ko Tios Juukpyë xytyiytyu'unmëty.

Lucas 6:38

Mo'otë ja ja'ay tii yajmëyäjtypyën, ets ja Tios näjyëtu'un mmo'ojëtëty mëj këjää winë, mëët ja oykyijpxn, kä'pxy ako'ow ajääpë. Näyjyëtu'un miits ja Tios winë mo'ojëtëty ijxtëm ënäty ja ja'ay winë xymyo'otën.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Jeremias 18:21

E mijts myajkutukëp ets ja y'u'unk y'ëna'k yuu'ooktëty ëkë kupuxy y'ooktëty. Wä'än yë pa'am ëyo'on yë'ë yaj'ookëtë ets ja y'ëna'ktëjkëty wä'än jam tsipjotm t'ooktë.

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Job 31:23

Ëjts tëëjës ntsë'ëkë Tios yë tyiytyu'unën; ka'apës ijty nmëmëta'aka'any yë myëj'ajt y'oyajtën.

Salmos 109:2

yë aaw yä'än mëti'ipë je'eyë kyajpxtëpën yë ëxëëkajtën ets win'ë'ënën, ëxëëkjatyës xynyikajpx xynyimëtya'aktë ets koos xynyimëtya'aktë, aakjä'ä kyajpxtëp mëti'ipë ka'ap tyiyajtënëtyën.

Levitico 25:35

Pën yë mëkunaax mëkukajpn o'ktëy yajpaaty ets mniminëtëty ma mjëën mtëjkën, mputëkëp, jëtu'un tä jeexyë tu'uk yë jaaypyaat jaaypyo'kxy mkuja'tëtyën ets mjëënmo'o mtëjkmo'ojëp ma ja mjëën mtëjkën.

Levitico 25:36

Këtii nitii xypyëjkëty ets ni xykya''amëtowëty yë meeny'u'unk, pën mtuk'ënu'kxyp yë wit meeny. Mtsë'ëkëp yë Tios ets mo'o yë mëku'uk yë it naaxwiinyëtën ma mjëën mtëjkën.

Deuteronomio 23:20

Yë jaaypyaat jaaypyo'kxy jyëkyejpy xy'amëtowtëty ja meeny'u'unk, pën tëë tii xytyuk'ënu'kxtë; yë'ë tëy mëkunaax mëkukajpnëty ka'ap mëpaat mëktä'äky xy'amëtowtë ja meeny'u'unk. Jëtu'un'äämpy yë Wintsën nëjkx mëj'äämpy mkënu'kxëtë.

Deuteronomio 23:21

Ko yë Wintsën tii xytyukwinwanëtëty, këtii nëkoo jeky xyajpo'oxtëty, ëkë m'ëna'antëty ets ka'ap xy'ëkyakanëtë mëti'ipë ënäty të xywyaanta'aktën. Jä'ä ko yë Wintsën tsojk ka'ap t'oyjyawëty ets nëjkx mtukpoky'atëtë ko ënaty xykyatuntë mëti'ipë të xywyaanta'aktën.

Nehemías 5:7

Koos yajxon tmëmaay nmëtajy, ënätës n'ënany ko janty tëy jëtää jëtu'un, tääjës ojts ntuk'ënëëmë ja yajkutujkpëtëjk ets ja kutuunktëjkëty wi'ix ko jëtu'un ja myëkunaax myëkukajpn timy tyuntë. Ojtsës ëpëky ntuknipëjktaakë tu'uk ja nätyu'ukmukë ets jam yajkajpx yajmëtya'akëty ja jotmay,

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.