Éxodo 22:21 - Biblia Mixe de Quetzaltepec

²¹ Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Biblia Dc en Mixe de Quetzaltepec

²¹ Këtii nëkoo ëxaty xytyimtunëty yë jaaypyo'kxyjyä'äy, yë'ë ja'amyäts ko mijts ojts mjaaypyo'kxy'äty jap Egiptë.

Éxodo 22:21 ပူးပေါင်းရင်းမြစ်များ

Deuteronomio 10:19

Paaty miits yam n'ënëëmëtë ets xytsyoktëty xyjyawëtëty yë jaaypyaat jaaypyo'kxy, jä'ä ko miitsëty ojts jap mjaaypyaat'at mjaaypyo'kxy'atë Egiptë.

Éxodo 23:9

Këtii ëxëëk xytyunëty yë jaaypyo'kxyjyä'äy, jä'ä ko miitsëty ojts jap mjëpyo'kxyjyä'äy'atë Egiptë ets wa'ats xynyijawëtë wi'ix y'ixëtyën ko muum pën yajpaaty wiinkë'ëy wiink kajpn.

Levitico 19:33

Këtii nëkoo xyaj'ëyowtëty yë jaaypyo'kxyjyä'äy, mëti'ipë tsënääpyën ma miitsëtyën.

Zacarías 7:10

Këtii o'ktëy xytyunëty yë ku'ookytyo'oxy, yë ku'ooky u'unk, yë jaaypyaat jaaypyo'kxy ets ëyoopëja'ay. Këtii yë'ë xymyëmay xymyëtajtëty wi'ix o'ktëy mnätyunëtëty nixim niyam.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Jeremias 7:6

ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Deuteronomio 23:7

Yë'ë tëy yë Edom ja'ayëty, këtii jëkäm jëxkë'ëm xyajwë'ëmtëty jä'ä ko mëku'uk'ajtëp yë'ëjëty. Näyjyëtu'un yë Egiptë ja'ayëty këtii jëkäm jëxkë'ëm xyajwë'ëmtëty, jä'ä ko ojts jap tëëyëp mtsëënëtë.

Levitico 25:35

Pën yë mëkunaax mëkukajpn o'ktëy yajpaaty ets mniminëtëty ma mjëën mtëjkën, mputëkëp, jëtu'un tä jeexyë tu'uk yë jaaypyaat jaaypyo'kxy mkuja'tëtyën ets mjëënmo'o mtëjkmo'ojëp ma ja mjëën mtëjkën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Levitico 19:13

Këtii yë mmëku'uk ëxëëk xytyunëty xy'ënëëmëty ets ni xykyapëjkëty mëti'ipë yë'ë jyä'ä'ajtypyën. Këtii xytyuk'ëwxitëty yë mtuunpë myëju'uny tu'kxëëwpaaty.

Levitico 19:34

Jëtu'un xyjyawëtëty, tä aak miitsëty mnäjyawëtën. Tsoktë jawëtë jä'ä ko jëtu'un yë'ë jyä'äyëty tä miitsëtyën. Yë'ë ëkmëmay ëkmëtajtë ko miitsëty jaaypyaat jaaypyo'kxy ojts jap m'itë Egiptë. Ëjts jëtu'un Wintsën, mëti'ipë miits mTiosajtëpën.

Deuteronomio 1:16

Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy.

Deuteronomio 23:16

Ixmatstë wä'än tjuuky'äty ma miitsëtyën, yë'ë nyija'ap maa jyuuky'ata'any, ni pën mëpaat nëkoo kyayajjotkëxyë ets kyane'emyë.

Deuteronomio 27:19

Poky yë ja'ay wyë'ëmëty, mëti'ipë o'ktëy yë jaaypyaat jaaypyo'kxy tyuunpyën näjyëtu'un yë ku'ookytyo'oxy ets ku'ooky'u'unk. Ënät ja ja'ay y'ëtsowtëty: Oy, jëtu'un'atëp.

Salmos 146:9

Yë Wintsën kyuwäämpy yë jaaypyaat jaaypyo'kxy, Kyëwent'ajtyp yë ku'ooky u'unk ku'ookytyo'oxy, e yë ëxëëkja'aytyëjk yë'ë kë'ëm yajnë'ëtëkoopy yajtu'utëkoopy.

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Deuteronomio 10:18

Mëti'ipë nyipaye'epyën ja ku'ooky'u'unk ku'ookytyo'oxy ets mëti'ipë myoopyën ja wyit tyujkxy ja jaaypyaat jaaypyo'kxy; mëti'ipë yajpatëpën ma miitsëtyën.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënäty mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Job 6:27

Miitsëty kajtëm xypya'ëyowtëty yë ku'ooky u'unk ets tsojktëm xynyanitooktëty yë ja'ay mëti'ipë mëët oy mnämyäyëtën.

Isaías 1:17

Jatë wi'ix ja oypyë xytyuntëtyën, ja mëtëypyë jä'ä mtuntëp, putëkëtë mëti'ipë ëxëëk yajtuuntëpën, nipaye'eytyë ja ku'ooky u'unk, pa'ëyow najts'ëyowëtë ja ku'ookpyë to'oxytyëjk.