Éxodo 21:2 - Biblia Mixe de Quetzaltepec

² Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënäty wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.

Biblia Dc en Mixe de Quetzaltepec

² Ko tu'uk xyjyuyëty yë mëtuunpë mëti'ipë hebreo ja'ayën, jä'ä nëjkx mëtunyë tëtujk jëmëjt, e ko ënety wëxtujk jëmëjt të y'apäjnë, tääts nëjkx wyë'ëmnë ëwaatsëtuuy ets ka'ap nitu'kjënu'un nyäjyuuypyëtsëmëtëty.

Éxodo 21:2 ပူးပေါင်းရင်းမြစ်များ

Deuteronomio 15:18

këtii xywyiinkja'apëty ko xy'ëxmatsëty ja mtuunpë ëwaatsëtuuy. Yë'ë tëë mëtunyë tëtujk jëmëjt ets ka'ap jëtu'un tmëpaaty ejxtëm jeexyë të xymyëjuyën tu'uk ja mëtuunpë mëti'ipë ja mtuunk jeexyë të tyaj'apaatën. E yë'ëts jëtu'un mja'amyätsëp xëmë, ko yë mWintsën jëtu'un mkënu'kxa'anyë tä ënäty mijts oy winë xytyunyën.

Éxodo 12:44

Yë'ë tëy yë mtuunpë mëti'ipë juy këpety myaj'ijtypyën, jyëkyäpëp tsu'utstëty, e ënät jëtu'un pën yajnatsujk'ëwtijtp ja ye'etyëjkajtën ko myutsk'ajty.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënäty wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

Deuteronomio 31:10

Tääts ojts tyajwë'ëmy ya'atë ënä'ämën, y'ënäny: Win wëxtujk jëmëjt, ma ënäty tukka'ayën ets ja nu'kxy yajnimä'kxëty, jää xynyixëëwtuntëty ja tëjk nixo'ompyë.

Deuteronomio 15:1

Win wëxtujk jëmëjt mëpaat ja mjëëky mëku'uk xymyä'kxëtë ja nyëë pyokyëty ets jyuy nyu'kxyëty.

Éxodo 22:3

E pën jääts ënäty të y'ooky ma të xyiinyënën, jä'ä nëjkxëp ja yajnipaye'ey. Ja mëti'ipë ënäty të tyony të myeetsyën, kopkpëky ko tkujuuytya'ajëty, ja mëti'ipë ënäty të tmeetsyën. E ko ja meeny tkamëët'atëty mëti'ipë tyukujuyëpën kë'ëm nyätyookëtëty ets jëtu'un tkëpätëty ja mëti'ipë ënäty të tmeetsyën.

1 Corintios 6:20

Jä'ä ko tëë ja Tios mkujuyëtë ko ja y'u'unk të mku'ookëtë, mmëjjaw jaantyjyawëtë ja Tios mëët ja mni'kx mkopkëty.

Mateo 18:25

Ja ja'ay ka'ap ënäty tii ja myeeny mëti'ipë tyukëpätëpën ja nyu'kxy. Tääts ja yajkutujkpë y'ënäny ets yajtookëty tääpë ja'ay mëët ja tyo'oxytyëjk, ja y'u'unk y'ëna'k ets tu'kë'ëyë mëti'ipë myëët'ajtypyën, jëtu'un ja nyu'kxy tyaj'ëtukëty.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënäty të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

Génesis 27:36

Ënät yë Esaú y'ënäny: Tyimxëëw jëtu'un Jacob, jä'ä ko jëtu'un jyä'äy'äty. Mëmäjtsk'okës tyam ëka'any jëtu'un winë xypyëjkë. Më''ëka'any ojtsës xypyëjkë nkä'äxkopk'ajtën e tyam ja nkënu'kxënës ënät të xypyëjkë mëti'ipës xypyatpën. ¿Tatë këtii jap maa xyjyaakpëjkë'ëky etsës jeexyë näjyëtu'un wäänë xykyënu'kxpë?

Génesis 27:28

Tios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën.

Éxodo 21:3

Pën nätyu'uk jyä'äjty ma ja mjëën mtëjkën, näjyëtu'un nëjkx nyëjkxnë, e pën mëët ja tyo'oxytyëjk jyä'äjty nän mëët nëjkx nyijkxy.

Éxodo 21:7

Pën ënäty ja nyëëx tyo'kpy ets myëtunëty, yë'ë ka'ap ëwaatsëtuuy wyë'ëmëty jëtu'un tä yë ye'etyëjkëtyën.

Levitico 25:54

Pën kajts yajjuuypyëtsimy ma të tjëkyepyën, jä'änëm jëtu'un nëjkx ëwaatsëtum wyi'imy mëët ja y'u'unk y'ëna'k, ma ënäty tpaatyën ja xëëw jëmëjt ets ja ja'ay ja ëwaatsëtuuy'ajtën tpaatëty mëët ja y'u'unk y'ëna'këty.