Éxodo 20:7 - Biblia Mixe de Quetzaltepec

⁷ Ka'ap yë mWintsën Tios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënäty nëkoo ja xyëëw tyuk'ëyë'këpën.

Biblia Dc en Mixe de Quetzaltepec

⁷ Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Éxodo 20:7 ပူးပေါင်းရင်းမြစ်များ

Deuteronomio 5:11

Ka'ap namaa natii xyjyawëty yë Wintsën yë xyëëw mëti'ipë mTios'ajtypyën, jä'ä ko yë'ë ka'ap jëtu'unyë tnayajninaxa'any, ko pën nëkoo xyëëw nëxik tukxikëty.

Levitico 19:12

Këtii nëkoo tii xytyukwinwanëty mëët yë nxëëwkyëjxmës, jä'ä ko m'ëxëëktijpy jëtu'un ënäty yë Tios yë xyëëw mëti'ipë m'ëwtajtypyën. Ëjts jëtu'un mëj Wintsën.

Santiago 5:12

Yë'ë tim kopkpëky mëku'uktëjkëty, ko ka'ap xykyajpxpaatëty ja Tios, tsajp, naaxwiinyëtë ets oy tyimtiijëty. Ko tii xykyajpxtëty, tim'ëna'antë oy, pën tëy ënäty; ets ka'ap pën ka'ap ënäty tyiyëty, këtiipë myajpëjkta'aktëty ëyoowtaknjoty.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënäty tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Josue 9:20

Kopkpëky ko nimä'kxmëty yë jyuuky'ajtënëty, jä'ä ko ka'ap jëtu'un ntu'unmëty, yë Wintsën nëjkxëp xytyukjoot'anpëjkëmë.

Josue 2:17

Tääts ojts yë'ë y'ëna'antë: Këtii mayëty mtajëty tyam ëëts njot'atëty mëti'ipë yam të xy'amëtoyën.

Josue 2:12

Paaty yam n'ënëëmëtë ets xynyikajpxtëty yaa Tios wintuuy ko ka'ap ëxëëk xytyuna'antë ja njëëky nmëku'ukës, ko jëtu'un xy'oyjyawëja'antë tä yam miitsëty n'oyjyawëtën. Tuknija'awëtyëkës ko miitsëty jaanty yam m'ëna'antë,

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kutujkën, yë'ë xyëëw myajtuunëtëp.

2 Corintios 1:23

Wa'ats ja Tios nijawë ko ka'anëm nnëjkxyës jam Corinto, jä'äkyëjxm ko miits nkayajjotmaytyëkëja'antë, ets Tios yë'ë wa'ats nyija'ap tii koojën.

1 Reyes 2:9

Mijts këtii xypyokymyä'kxëty, mijts ntuknipëjkyp tii mëpaat xytyuny, je'eyëp ko m'ixëp yajxon wi'ix mëpaat ëxëëk jyäty kyëpetyën ets jëtu'un oywyi'ix y'ookëty.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kutujkën, yë Tios yë xyëëw myajtuunëtëp.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

Salmos 139:20

mëti'ipë ëxëëkjaty mnikajpx mnimëtyakëpën ets nanëkoo mnipëtë'ëkyë, ka'ap tii poky xymyëëtëty.

Jeremias 34:16

E ok të mwinmaaytyëkatstë ets të xytyukxi'iktë ja nxëëwës, tëë xy'atsip'atë jatëkok ja ja'ayëty mëti'ipë ënäty të xynyajtsmatsëtën ets jatëkok xy'atsip'atë ets mëtunëtëty.

Ezequiel 39:7

Ëjts ntsojkpyës ets nxëëwës wa'atspë yajnijawëty ma Israel kajpnën ets ka'apës nkupëka'any ets nëxi'iky tukxi'iky wyë'ëmëty. Nëjkxëp wiinkëtypë naax kajpn tnijawë ko ëjts wa'atsës yë nxëëw nyaj'ity ma Israel.

Génesis 27:20

Tää ja Isaac tyajtëëy: ¿u'unk wi'ix tëy poj'am të xytyimpatnë ja tuka'any? Ets ja Jacob y'ëtsooy: Yë mWintsën Tios, yë'ëjës të xypyutëkë etsës tsojk'am të npaaty.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.