Éxodo 20:3 - Biblia Mixe de Quetzaltepec

³ Ka'ap wiinkpë tios xymyëët'atëty ets ënät ëjts xy'ëxtijnëty.

Biblia Dc en Mixe de Quetzaltepec

³ Ka'ap wiinkpë tios xymyëët'atëty ets ënät ëjts xy'ëxtijnëty.

Éxodo 20:3 ပူးပေါင်းရင်းမြစ်များ

Deuteronomio 5:7

Ka'ap wiinkpë Tios xy'ëwtatëty tä ëjtsën.

Mateo 4:10

Ënät ja Jesús y'ëtsooy: Nëjkx mëjku'u, jëtu'un ja Tios y'aaw y'ayuk kyëxja'ayëty: wintsë'ëkë mWintsën Tios. Yë'ë tu'ukyë m'ëwtatëp ets xymyëmëtowëty.

Salmos 81:9

Këtii xymyëët'atëty wiink tios mëti'ipë muum jëkäm ja'ay myëtso'ontëpën; këtii xy'ëwtatëty yë wiink tios ka'apë xy'ixy'ätyën.

Isaías 46:9

Ja'amyätstë wi'ix tëëyëp jyäjty kyëpejtyën. Ëjts jëtu'un Tios'ajtp ets ka'ap ma wiinkpë. Ëjts jëtu'un Tios'ajtp ets ka'ap maa wiinkpë jëtu'unpë tä ëjtsën.

Deuteronomio 6:5

Tsok jawë yë Wintsën Tios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Jeremias 25:6

Këtii xypyanëjkxtëkëtëty wiink tios; këtii xytyukmuk xytyukxu'umtëty ets ka'ap xy'ëwtatëty. Këtii nëkoo xyajjoot'anpëktëty yë Wintsën ko miitsëty wiink tios xy'ëwtajtëpë, mëti'ipë kë'ëm myajkojtëpën; këtiipë ëxëëk mtunëtëty.

Deuteronomio 6:14

Këtii jëtu'unpë tios xy'ëwtajtëpëty mëti'ipë y'ëwtajtëpën yë ja'ayëty wiink kajpnëpë tsyoontën.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

1 Corintios 8:6

Mëët ëëts'ajtëmë, tu'ukyë je'eyë ja Tios, ja Tios Teety yë'ë winë të tyajtso'ontakta'ay ets yë'ë ëëts nnijuuky'ajtëmë. Näy tu'ukyë ja Wintsën Jesukristë, paaty tu'kë'ëyë winë jää yajpata'ay näjyëtu'un ëëts'ajtëmë.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Tios y'itëty. Ets jyaak'ënany: Ya'atë tëyajtën, yë'ë ja Tios ja kyäjpxynyajxpëtëjk winma'anymyooyë.

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Tios jyä'ä'ajtëpën.

Isaías 26:4

Yë'ë xëmë tyuk'ijxpäjtëp yë Wintsën, jä'ä ko yë'ë tsoktakn'ajtp winë xëëw winë jëmëjt.

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Éxodo 20:23

Nitii awinax xykyayajkojtëty, mëti'ipë oytyunyën mëët yë pu'ts pujxn, mëët yë poop pujxn ets xy'ëwtatëty ijxtëm jeexyë ëjts xy'ëwtatën.

Isaías 44:8

Miitsëty jotkujk itë këtii nëkoo mtsë'ëkëtë mjawëtë. Ëjts jëtu'unës ojts n'ëna'any ets jëtu'unës ojts nikäjpxy tëëyëp, miitsëty ojts xy'ixtë xynyijawëtë. ¿Ëkë wä'än jää wiinkpë Tios jëtu'unpë tä ëjtsënë? Ka'ap yowë jää ma wiinkpë tsoktakn, ka'apës ma wiinkpë n'ëknija'awënë.

Isaías 43:10

Jëtu'un yë Wintsën y'ënä'äny: Miits nyajnajxtëp ijxpë nija'apë, miits të nwin'ixtë ets ntuunpë'atëty, ets xynyijawëtëty pën ëjts ets xymyëpëktëtyës ets xyjyä'äkyukëtëty ko ëjts jëtu'un. Ka'ap maa jëtu'unpë tios tä ëjtsën ets ka'ap nijëna'a jëtu'unpë y'ita'any.

Salmos 73:25

¿Pën jam tsajpjotm nmëët'ajtypyës? Mijtsyë tu'ukyë. Ko ëjts nyajpaaty mëët mijts, nitiijës yaa naaxkëjxy nkatsojkën'aty.

Salmos 29:2

Mëjpëjkta'aktë yë Wintsën yë xyëëw mëti'ipë myëët'ajtypyën mëj'ajt oyajtën, ëwtatë yë Wintsën ma tsyajptëjkën mëti'ipë oy tsujën.

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Tios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Tios.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënäty të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Tios je'eyë.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Éxodo 34:14

Këtii wiinkëtypë wintsën xy'ëwtatëty, jä'ä ko yë Tios ni'äkë'ajtp yë'ë, jä'ä xyëëwajtyp Ni'äkë'ajtpë.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Tios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Éxodo 22:19

Pën mëët yë jëyujk y'ijtmuky ets jëtu'un tmëët'ataanpëty tä tu'uk yë ye'etyëjkën, ëkë to'oxytyëjkën, yë jëtu'unpë ja'ay nitëjkëyëp ets y'ookëty.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.

1 Reyes 11:4

Ko ja Salomón ënäty tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënäty ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Daniel 3:18

E oy tkatuunpëty jëtu'un tä ëëts yam n'ëna'antën, mijts yë'ë mnijawëp ko ëëtsëty ka'apës tääpë awinax n'ëwtata'antë ets ka'apës nwinkoxtänëja'antë mëti'ipë të xy'oytyunyën mëët yë pu'ts pujxn.