Éxodo 20:20 - Biblia Mixe de Quetzaltepec

²⁰ Tä ja Moisés y'ëtsowëtë: Këtii mtsë'ëkëtë, Tios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Biblia Dc en Mixe de Quetzaltepec

²⁰ Tä ja Moisés y'ëtsowëtë: Këtii mtsë'ëkëtë, Dios yë'ë y'ixäämpy wi'ix miitsëty ja jot winma'any xymyëët'atën ets yë'ëkyëjxm xytsyë'ëkëtëty, këtiipë mpokytyuntëty.

Éxodo 20:20 ပူးပေါင်းရင်းမြစ်များ

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Proverbios 3:7

Këtii janty wijy mnäyajnaxëtëty. Winkutsë'ëkë yë Tios ets näjyëpëkët ma ja ëxëëkpën.

1 Samuel 12:20

Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Tios.

Job 28:28

Ets Tios t'ënëmaay yë naaxwiinyëtë ja'ay: Ko yë Tios oy yajmëtuny, yë'ë ënäty yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënäty yajmëët'ajtp yë wijyajtën.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Génesis 22:1

Tëkok yë Tios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Tios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Nehemías 5:15

E ja yajkutujkpëtëjk mëti'ipë ënäty jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Deuteronomio 10:12

E tyam miitsëty Israel ja'ayëty. ¿Tii ja Tios m'amëtoowëtëp? Tios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Génesis 22:12

Y'ënäny ja Tios kyukajpxpë: Këtii m'u'unk jëtu'un xytyuny, tëëjës nnijawë ko mijts mtsë'këpë Tios ets ka'apës mijts të xywyin'ëënyës, koos yë m'u'unk xymyo'oja'any xytyukwintsë'ëkëja'any.

Génesis 20:11

Tä yë Abraham y'ëtsooy: Ëjts tyaajës ënäty nmay ntajy, ko ka'ap ntij yaa pën yë Tios tsë'ëkë ma ya'atë naax kajpnën, xyaj'ooktëpës ntij koos n'ënanëty, ko yë Sara nto'oxytyëjk yë'ë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Tios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Deuteronomio 6:24

Ok ja nWintsënëtyës Tios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Isaías 41:13

Jä'ä ko yë mWintsën Tios, mkë'ëkëjxy mmajts'ityë; tëë n'ënëëmë ko këtii mtsë'ëkëty.

Deuteronomio 8:16

Ets jam të'ëts'itum yë'ë ojts mtukayëtë yë maná, ja ka'ayën ukën mëti'ipë ja m'aptëjkëty ka'ap t'ijxyajtën. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, jä'ä jëtu'un tyuun ets kë'ëm nëjkx xytyuk'oy'atë.