Éxodo 20:2 - Biblia Mixe de Quetzaltepec

² Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënäty mmëtuny m'ëyoyën.

Biblia Dc en Mixe de Quetzaltepec

² Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 20:2 ပူးပေါင်းရင်းမြစ်များ

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënäty m'ëyoyën mmëtunyën.

Oseas 13:4

Jëtu'un yë Wintsën y'ënä'äny: Ëjts, Wintsën, ëjts mijts xyTios'ajtp mapaat myajpaatyën jap Egiptë: Këtii pën wiinkpë xytyijëty Tios, ëjtsyë nätyu'uk xyTios'ajtp, jä'ä ëjts tu'ukyë xynyitsokpë'ajtp.

Levitico 26:13

Ëjts jëtu'un Wintsën, mëti'ipë miits mTiosajtëpën, mëti'ipë ojts mjuutëtën jap Egiptë. Këtiipë m'ëk mëtuun m'ëk ëyoownëtëty ma yë'ëjëtyën. Jëtu'un ojts miitsëty nyajpëtsëmtë, jap tä jeexyë ja tejpxy, ëkë ja tsëmy ntuknipëjktu'ut ntuknikäjtu'utën, mëti'ipë ënäty më''ëyoowtëpën ets ënät janty akujk janty jotkujk m'ijnëtëty.

Salmos 81:10

Ëjts jëtu'un Wintsën, mijts yë mTios, mëti'ipë ojts mjuutyën jap Egiptë; ëwë'ëk ets nyaj'itëty ku'uxyë.

Éxodo 13:3

Ënät ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënäty je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Levitico 19:36

Ka'pxy mëpaat winë xykyijpxtë ets kä'pxy mëpaat winë xytyiytyë. Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë.

Deuteronomio 7:8

E yë Wintsën tëë jap myajpëtsëmëtë Egiptë ma ënäty mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënäty mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Tios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Tios, mtuk'ëne'emyë ko kopkpëky ko xymyëjjawëty yë po'kxënxëëw.

Levitico 23:43

Ets jëtu'un nijawëtëty ja m'u'unk m'okëty, ko ojts miitsëty jap nyajpëtsëmtë Egiptë, jam ojts nyaj'it nyajtsëënëtë, ma ja jëën tëjkën nikemy nixo'ompyë. Ëjts jëtu'un Wintsën mëti'ipë miits mTiosajtëpën.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 13:10

Kuka'ats, mëët ko ënäty të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënäty mëk myajtëytyunyën.

Levitico 26:1

Këtii xy'oytyuntëty yë naaxpotsy ets awinax. Ni yë'ë yë tsaatsetsy xykyayaj'oyëtëty ets mëti'ipë wintsë'ëkë myaj'itëpën, këtii yë'ë xy'ëwtatëty. Jä'ä ko ëjts Wintsën, mëti'ipë miits mTiosajtëpën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Salmos 50:7

Mëtoow'itë, miitsëty Israel ja'ayëty, mëti'ipës nnaax'ajtyp nkajpn'ajtypyën, tyam mijts yajxon nmëkajpxa'any. Ëjts jëtu'un Tios, ëjts mijts xyTyios'ajtp.

Romanos 10:12

Jesús ni'ëmukë ja'ay tnitënaaytyä'äy, wä'än tjutiis tkajutiisëty, ets tmooytyä'äy ja kënu'kxën mëti'ipë mëkajpxëpën.

Romanos 3:29

¿Wä'än jëtää yë Tios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

2 Crónicas 28:5

Paatykyëjxm ja Wintsën kyë'ëyajkë ets ja Siria ja'ayëty myëmëtakë, may ojts ja Siria ja'ayëty tyajnëjkxtë ja ja'ay tsumy matsy jam Damaskë. Ojts kyë'ëyäkyë näjyëtu'un ja Wintsën ma ja Israel ja'ayëtyën, mëti'ipë ëxëëk tuunën ets ka'ap yajmëtakë.

Éxodo 6:6

Tyam, nëjkx ënëëmëtë yë Israel ja'ayëty, ko ëjts, mëti'ipë Wintsën'ajtpën nyajpëtsëmantëpës ma je'eyë myëtun y'ëyowtën mëët ja mëktuunk mëti'ipë ja Egiptë ja'ayëty mooyëtëpën. Nyaj'ixanëpës yë nmëjajtën mëj këjää ets nyajpëtsëma'antës mëët tu'uk yë kutujkën tëypyë jaantypë.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Éxodo 15:16

Wintsën, wä'än tsë'ëkëtë, wä'än tsë'ëkëtë tjawëtë. Wä'än jëtu'unyë twë'ëmta'atë tä tsaajën mëët ja mëk'ajtën mkutujkën, koonëm ënäty ja mnaax mkajpn të nyajxta'atë, ja mëti'ipë të xyjyä'äniwa'anyën.

Éxodo 15:26

Ets t'ënëmaay: Pën mijts mja'akyujkëtyëp tëkokyë mëti'ipë yam ntuk'ënëmaaytyëpën, mëët koos ëjts nWintsën'aty, mëti'ipë miitsëty mTiosajtëpën. Pën mtuuntëp jëtu'un mëti'ipës ntukjotkëtäkpyën, ko ënäty xypyatuntë ja n'ënä'ämënës ntëyajtënës, ka'ap ntuknikäxtëty ja ëyo'on jotmay mëti'ipës jap të nkexyën Egiptë, jä'ä ko ëjts Wintsën mëti'ipë miits myajtsokëtëpën.

Éxodo 20:1

Ënät ojts ja Tios kyäjpxy ets tnikajpxtaay ya'atë aaw ayuk:

Éxodo 29:46

Jëtu'un nijawëtëty ko ëjts Wintsën, mëti'ipë yë'ëjëty Tyios'ajtëpën, mëti'ipë ojts yajpëtsëmëtën jap Egiptë ets ntsëënëja'anyës ma yë'ëjëtyën. Ëjts Wintsënajtp mëti'ipë yë'ëjëty Tyios'ajtëpën.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Jueces 2:1

Ënät ojts tu'uk yë Tios yë kyukäjpxy jam tsyoony Guilgal ets ojts nyijkxy Boquim, jam t'ënëmaay ja Israel ja'ayëty: Ëjts miits të njuutë jap Egiptë ets yaa të nyajmintë ma ya'atë it naaxwiinyëtën mëti'ipës ojts ja m'ap m'ok ntukwinwanëtën: Ja käjpxytyu'unën mëti'ipë të ntu'unëmën ka'ap ja nijëna'a nyaj'atëkoyä'änyës,

Isaías 43:3

Ëjts mijts xyWyintsën'ajtp, xynyitsokpë'ajtp ets xyTyios'ajtp, ja Wa'atspë yajpaatyën ma Israel kajpnën, Tëë mijts njä'äniwa'any; yë'ë Egiptë kajpn, Etiopíë kajpn ets Sabá kajpn të ntukujuy.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Jeremias 16:14

E ëjts Wintsën, jëtu'unës n'ëna'any: miimp ja xëëw po'o ma nëjkx ka'ap pën y'ëk'ënanën: Mëët ja Wintsën ja jyuukyajtën, mëti'ipë yajpëtsëëmën ja naax kajpn jap Egiptë,

Jeremias 34:13

Ëjts, maas nWintsën'atyën, mëti'ipë yë Israel ja'ayëty Tyios'ajtëpën, ojtsës tu'uk ntuny yë käjpxytyu'unën mëët yë m'ap m'okëty koos jap nyajpëtsëëmtë Egiptë, ma ënäty myëtuntën y'ëyowtën. Ojtsës ntuk'ënä'ämtë

Ezequiel 20:7

Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënäty yë'ëjëty jyä'ä'ajtëpën.

Éxodo 13:14

E ko nëjkx jëna'a yë m'u'unkëty m'ëna'këty myajtëwëtë: ¿Wi'ix jëtu'un ya'atë nyiwijy? Tääts xy'ëtsowtëty: Yë Wintsën ojts jap xyjyuutës Egiptë mëët yë myëj'ajtën kyutujkën ma ënäty ëëtsëty nmëtun n'ëyowtën.

Levitico 25:38

Ëjts jëtu'un Wintsën, miits yë mTiosëty mëti'ipë ojts mjuutëtën jap Egiptë ets mo'oja'anëtë ya'atë naax kam yaapë yajpaatyën Canaán etsës xyTios'atëty.

Levitico 25:42

Jä'ä ko yë'ëjëty ëjts yë xymyëtuuntëp, ëjts ojts njuutë jap Egiptë. E paaty ka'ap tjëkyepy ets jëtu'un yajtooktëty, tä yë mëtuunpë ëyoopëtyën.

Levitico 25:55

Jä'ä ko yë Israel ja'ayëty ëjts yë ntuunpë'ajtëp ets ntimjyä'äjës yë'ëjëty. Ëjts ojts jam nyajpëtsëmtë Egiptë. Ëjts mëti'ipë Wintsën'ajtpën, mëti'ipë yë'ëjëty Tyios'ajtëpën.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Jueces 6:10

Ets n'ënëmaaytyë koos ëjts jëtu'un Wintsën, mëti'ipë miits mTiosajtëpën ets ko këtii ninu'un xytyimtsë'ëkëtëty ja Amor ja'ayëty ja tyiosëty, mëti'ipë tsënaaytyëpën ma ja it naaxwiinyëtën ma miits tyam mtsëënëtën: E miitsëty ka'ap ojts ninu'un xytyimtuntë këwentë ijxtëm nja'ënëmaaytyën.

1 Reyes 18:39

Ko ja mayjyä'äy jëtu'un t'ijxtë, ënät ni'ëmukë nyäkyoxtënaaytyääyëtë ets wyintak nyaaxkoowtë, y'ënantë: Yë Wintsën, yë jëtu'un Wintsën, yë Wintsën yë'ë jëtu'un Wintsën.

2 Reyes 17:7

Yë Israel ja'ayëty paaty ojts jëtu'un jyatë kyëpätë jä'ä ko ojts ja Wyintsën tmëpokytyuntë, mëti'ipë jap Egiptë yajpëtsëëmëtën, ma ja faraón yajkutukyën; ojts t'ëwtajnëtë oynatii,

2 Reyes 17:12

Ojts t'ëwtajnëtë ja naaxpotsy ets ja kepy tsyetsy, mëti'ipë ënäty mëktä'äky ja Wintsën të tyajkupokyën.

Salmos 81:7

Jam mijts të xymyëkäjpxyës ma ënäty ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Oseas 12:10

Ëjts ojtsës nmëkäjpxy yë käjpxynyajxpëtëjkëty etsës nyajkëjääjëy mëti'ipë y'ixtëpën kuma'ayjoty ets ojts winë ntuknimëtya'aktë mëët yë ijxpäjtën.