Éxodo 20:18 - Biblia Mixe de Quetzaltepec

¹⁸ Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Biblia Dc en Mixe de Quetzaltepec

¹⁸ Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 20:18 ပူးပေါင်းရင်းမြစ်များ

Jeremias 23:23

Yë Wintsën jëtu'un y'ënä'äny: Oy jyëkämëty ets oy wyinkonëty, ëjts Tios'ajtp.

Génesis 3:10

Tää yë ye'etyëjk y'ëtsooy: Tëës njamëtoy ko ënäty mijts jap kamjoty mjëtity, Patyës ënätyë të nyäyu'utsyë. Jä'ä ko tsëtyuunpës koos niwa'ats n'ëxwa'atsëty.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 5:5

Ëjts itkujkyës ënäty nyajpaaty ma Tiosën mëët miitsëty ets ntuk'ëwaanëtëty tii ja Tios kyäjpxyp. Jä'ä ko ja jëën mëti'ipë jam këxë'kën ojts ja xytsyë'ëkëtë, paaty ka'ap tjëkyejpy jam mpätëty kopkkëjxm. Ets ja Wintsën ojts y'ënä'äny:

Deuteronomio 5:25

E ka'ap yowë y'oy'atëty ko ya'atë jëën yë'ë ntimnyätyukyaj'o'këmëty. Ko ënät njaaktimmyëto'owmëty ja Wintsën ja kyäjpxy myëtyä'äky jëën'akujky tsojk n'o'kmëty.

Deuteronomio 18:16

Ya'atë ojts yë Wintsën xy'amëtowtë ma ja Horeb kopkën. Jä'ä xëëw ma ënäty jam ni'ëmukë myajpaatën ets m'ënantë: Ëëtsëty ka'apës ntsoktë etsës yë Wintsën xymyëkajpxtëty mëët yë mëj jëën, mëti'ipës n'ijxtëp nkoowtëpën, këtiipës n'ooktëty.

Salmos 81:7

Jam mijts të xymyëkäjpxyës ma ënäty ëxëëk mjaty mkëpetyën, e tëë nyajtso'oky; jap ojts n'ëtsoy jokjoty yootsjoty ma ja ënääw yä'äxy jyokyën; ojts näjyëtu'un nwinma'any'ixy wi'ix mja'ay'ätyën ma ja Meribá nëëjën.

Génesis 15:17

Ko ënäty të tsyu'ujënë ets koots kyëxë'knë. Ënät ojts t'ixy tu'uk tsijtk, jëënjok jap pëtsëëmp. Ets tu'uk t'ijxy yë jëënyä'änk, jam nyäxy ma ja jëyujk ookyën.

Deuteronomio 5:23

E ko xymyëtoowtë ja y'aaw y'ayuk jam jokjotm ets jëtu'un jëënyä'änk jyänty pyëtsimy jam kopkkëjxm, ënät miitsëty mëët ja mëjja'aytyëjkëty xynyimintës.

Deuteronomio 5:27

Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.