Éxodo 20:16 - Biblia Mixe de Quetzaltepec

¹⁶ Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Biblia Dc en Mixe de Quetzaltepec

¹⁶ Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Éxodo 20:16 ပူးပေါင်းရင်းမြစ်များ

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Mateo 19:18

¿Mëti'ipë? Ets ja Jesús y'ëtsooy: Ka'ap myajja'ay'ookëty, ka'ap ja pëjkën ukën ja nyiwintsë'kën xyajtëkooyëty, ka'ap mmäätsëty, këtii pën xynyi'antaakëty,

Salmos 15:3

mëti'ipë ka'ap jyiiky myëku'uk tëkatsy tnimëtyä'äkyën; mëti'ipë ka'ap jyiiky myëku'uk ëxëëkjaty t'ënëëmën, mëti'ipë ka'ap nëkoo myëjëën myëtëjk tyajjotma'atyën;

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Proverbios 10:18

Antakp yë ja'ay mëti'ipë ka'ap tyajkëxë'ëkyën ko myëku'uk t'ëxëëk'ixy, ets tsuuwinma'any yë'ë ko yajnikäjpxy yajnimëtyä'äky xii yaa muum yë pi'tskäjpxy.

Santiago 4:11

Mëku'uktëjkëty, këtii mnanyi'ojëtëty nixim niyam. Pën ja myëku'uk nyi'ojëp ets pyoky'ijxyp ja Tios ja y'ënä'ämën ënäty kyamëj'ijxëp; ko pën tkamëj'ixy ja ënä'ämën, tëytyuunpë ets paye'epyë ënäty nyäpyëjktä'äkyë ets ni yë'ë tkapatuny ja ënä'ämën.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Tios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Efesios 4:31

Ixmatstë ja äkë, ja näyya'ax näjyokë, nänyiwaanpätë ets tu'kë'ëyë ëxëëk winma'any.

Hechos 6:13

Näy ojts t'ixta'atë ja ja'ayëty mëti'ipë nyi'antaakëtëpën ja Esteban, ets y'ëna'antëty: Ya'atë ja'ay, xëmë tni'ojë yë mëjtsajptëjk ets Moisés yë y'ënä'ämën.

2 Timoteo 3:3

Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.

Proverbios 11:13

Ja'ay mëti'ipë pi'tskajpxpën aak nyimëtyaktääpy oy tyimtiijëty, yë ja'ay mëti'ipë këpetyën yu'utsy winë tmëët'aty.

Levitico 19:11

Këtii määtstëty. Këtii mnäwyin'ëënëtëty jaxim jayam.

Levitico 19:16

Këtii je'eyë yë pi'tskä'pxy xymyëjëtitëty ma mjëëky mëku'ukën. Këtii xymyëjwa'kpätëty yë ja'ay mëti'ipë yajja'ay'o'kpën. Ëjts jëtu'un Wintsën.

Lucas 3:14

Ojts ja tsiptuunpë jënaakën tyajtëwtë: E ëëtsëty, ¿tiijës ntuntëp? Tääts ja Juan y'ëtsoowëtë: Ka'ap tii pën xypyëjkëtëty atsip ets ka'ap pën tii xytyukniwaanpätëty. Yë'ë tukjotkujk'atë ja mëju'unyëty.

Levitico 19:18

Këtii tii ënätyë xytyuunwinpitëty ets ni tsip ni'äkë xykyamëët'atëty ma ja mjëëky mmëku'ukën. Jëtu'un xytsyokëty ja mjëëky mmëku'uk, tä kë'ëm mnätsyokyën. Ëjts jëtu'un Wintsën.

Deuteronomio 5:20

Këtii yë mëku'uk xynyi'antaakëty.

Proverbios 25:18

Jëtu'un tä tëypyujxnën ets ti'pxnkepyën janty jëjpxu'unypë, jëtu'un ja ja'ay nyäxy mëti'ipë ja jyiiky myëku'uk nyi'ë'ënëpën wiinkjaty.